పవన్ కల్యాణ్ కెరీర్ లో బిగ్గెస్ట్ హిట్టుగా నిలిచిన ‘వకీల్ సాబ్’ చిత్రం అమేజాన్ ప్రైమ్ ఓటీటీ రిలీజ్ అయ్యింది. రాజకీయాల్లోకి వెళ్లి దాదాపు మూడేళ్ల విరామం అనంతరం ‘వవకీల్ సాబ్’ తో సినిమాల్లోకి రీఎంట్రీ ఇచ్చి సక్సెస్ కొట్టారు పవన్. హిందీ ‘పింక్’ రీమేక్ గా తెరకెక్కిన ఈ చిత్రానికి దర్శకుడు వేణు శ్రీరామ్ తెలుగుకు అనుగుణంగా మార్పులు చేసి విజయం సాధించారు. ఏప్రిల్ 9న థియేటర్లలో విడుదలైన ఈ సినిమా మంచి వసూళ్లు సాధించింది.
ఏప్రిల్ 30నుంచి ఓటీటిలోకి వచ్చేసింది. అయితే ఈ సినిమా అప్పుడే పైరసీకు గురై ఒరిజనల్ వెర్షన్ నెట్ లో దొరకటం విషాదం. ఇది నిర్మాతకు పెద్ద నష్టం కలిగించకపోవచ్చు కానీ ఒరిజనల్ వెర్షన్ బయిటకు వచ్చేయటంతో డౌన్ లోడ్ చేసుకుని చూసేవారు చూసేస్తారు. దాంతో ఓటీటికు వ్యూస్ ఖచ్చితంగా తగ్గుతాయి. ఓటీటి సంస్దలు ఈ పైరసీని ఆపే ప్రయత్నం చేయటం లేదు.
నిజానికి ‘వకీల్ సాబ్’ సినిమా రిలీజ్ సమయంలోనే రెండు వారాల తర్వాత అమెజాన్లో స్ట్రీమింగ్ అవుతుందని వార్తలు వచ్చాయి. అప్పుడు దిల్ రాజు ప్రెస్ మీట్ పెట్టి మరీ రూమర్స్ ఖండించారు. 50 రోజుల తర్వాత ఈ సినిమాను అమెజాన్లో స్ట్రీమింగ్ చేస్తామని ఆలోపు చేయమని చెప్పారు. తీరా కోవిడ్ సెకండ్ వేవ్ నేపథ్యంలో ఈ సినిమాను అనుకున్న దాని కంటే నెల ముందే అమెజాన్ ప్రైమ్ కి ఇచ్చేశారు.
థియేటర్లు మూతపడిన నేపథ్యంలో దిల్ రాజు మనస్సు మార్చుకొని సినిమా విడుదలైన 21 రోజుల తర్వాత ఈ సినిమాను అమెజాన్లో విడుదల చేయడానికి అనుమతి ఇచ్చారు. అయితే అలా చేసినందుకు గాను దిల్ రాజుకు కొత్త చిక్కులు వచ్చాయని ప్రచారం జరుగుతోంది. ఈ సినిమాను ఓవర్సీస్ డిస్ట్రిబ్యూటర్స్కు 50 రోజుల తర్వాత ఓటీటీ స్ట్రీమింగ్ అంటూ అగ్రిమెంట్ కూడా రాసిచ్చారు. కానీ మూడు వారాల తర్వాత విడుదల చేయడం పై వారు అభ్యంతరం వ్యక్తం చేస్తున్నారట. మూడు కోట్లు వెనక్కి కట్టమని అడుగుతున్నారట. కరోనా ఓ ప్రక్క, పైరసీ మరోప్రక్క ‘వకీల్ సాబ్’ ని ఇబ్బంది పెడుతున్నాయి.
This post was last modified on April 30, 2021 11:42 am
లోకనాయకుడు కమల్ హాసన్ ‘విక్రమ్’ మూవీతో గ్రాండ్ రీఎంట్రీ ఇచ్చారు. ఇక దీని కంటే ముందు మొదలై మధ్యలో ఆగి..…
జనసేన అధినేత పవన్ కళ్యాణ్.. ఉమ్మడి తూర్పుగోదావరి జిల్లాలోని పిఠాపురం నియోజకవర్గం నుంచి పోటీ చేస్తున్న విషయం తెలిసిందే. ఈ…
పుష్ప 2 ది రూల్ విడుదల ఇంకో నాలుగు నెలల్లోనే ఉన్నా ఐకాన్ స్టార్ అల్లు అర్జున్ కొత్త సినిమా…
రాయ్ బరేలీ నుండి ప్రియాంక, అమేథి నుండి రాహుల్ పార్లమెంట్ ఎన్నికల బరిలోకి దిగుతారని కాంగ్రెస్ అభిమానులు ఆశిస్తున్న నేపథ్యంలో…
క్రేజ్ పరంగా నిర్మాణంలో ఉన్న సీక్వెల్స్ పుష్ప, సలార్ లతో పోటీపడే స్థాయిలో బజ్ తెచ్చుకున్న కాంతార 2 షూటింగ్…
టీడీపీ, జనసేన మేనిఫెస్టోను ఈ రోజు టీడీపీ అధినేత చంద్రబాబు, జనసేన అధినేత పవన్ కల్యాణ్, బీజేపీ నేత సిద్ధార్థ్…