Movie News

సల్మాన్ తెలుగు ప్రేమ

దక్షిణాదిన ఏ భాషలో సినిమా హిట్టయినా బాలీవుడ్ వాళ్ల కళ్లు పడిపోతుంటాయి. ఇక్కడి నుంచి పెద్ద ఎత్తున కథలు హిందీలోకి వెళ్తుంటాయి. ముఖ్యంగా కమర్షియల్ సినిమాలు తీయడంలో దిట్టలైన టాలీవుడ్ ఫిలిం మేకర్స్ తీసే సినిమాలపై బాలీవుడ్ వాళ్లు ఎప్పుడూ ఓ కన్నేసి ఉంచుతారు. కేవలం సినిమాలను రీమేక్ చేయడమే కాదు.. ఇక్కడి సన్నివేశాలు, పాటలు, డైలాగుల నుంచి స్ఫూర్తి పొందడం ఎన్నో సినిమాల్లో గమనించవచ్చు.

ముఖ్యంగా సల్మాన్ ఖాన్‌కు తెలుగు సినిమాలంటే మహా ప్రీతి. ఒక దశలో బాగా దెబ్బ తిన్న ఆయన కెరీర్‌ను గాడిన పెట్టుకున్నదే ‘పోకిరి’ రీమేక్ ద్వారా. ఇక అప్పట్నుంచి తెలుగు సినిమాల నుంచి ఇన్‌స్పైర్ అవుతూనే ఉన్నాడు సల్మాన్. రెడీ, కిక్, స్టాలిన్.. ఇలా సల్మాన్ తెలుగు నుంచి ముచ్చటపడి రీమేక్ చేసుకున్న సినిమాలు చాలానే ఉన్నాయి. ఇప్పుడు సల్మాన్ నుంచి వస్తున్న ‘రాధె’ ఏ తెలుగు సినిమాకూ రీమేక్ కాదు కానీ.. దాని ట్రైలర్ చూస్తుంటే మాత్రం అచ్చంగా తెలుగు సినిమా చూసినట్లే కనిపిస్తోంది.

‘పోకిరి’ సినిమాకు సీక్వెలా అన్నట్లుగా ఉంది ‘రాధె’ సినిమా. ఇందులో సల్మాన్ పోలీసుల కోసం పని చేసే ఏజెంట్ తరహా పాత్రలో నటించాడు. ‘‘ఒకసారి కమిట్మెంట్ తీసుకుంటే నా మాట నేనే వినను’’ అంటూ ‘పోకిరి’ సినిమాను గుర్తు చేసే డైలాగ్ పేల్చాడు సల్మాన్ ఇందులో. కొంత వరకు సల్మాన్ పాత్రలో ‘ఏక్ నిరంజన్’లో హీరో ఛాయలు కనిపించాయి. హీరో క్యారెక్టరైజేషన్, డైలాగులు పూరి జగన్నాథ్ సినిమాలను తలపిస్తున్నాయి.

మరోవైపు అల్లు అర్జున్ సూపర్ హిట్ సాంగ్ ‘సీటీమార్’ ట్యూన్‌ను ఈ సినిమాలో వాడేయడం విశేషం. ఇంతకుముందు కూడా బన్నీ సినిమాలోని ఓ పాటను సల్మాన్ వాడుకున్నాడు. ‘రింగ రింగ’ పాటను ‘రెడీ’ రీమేక్‌లో ఉపయోగించారు. ఆ పాట సూపర్ హిట్టయింది. ఇప్పుడు మళ్లీ బన్నీ పాటను సల్మాన్ వాడుకోవడం స్టైలిష్ స్టార్ అభిమానులకు సంతోషాన్నిస్తోంది. మొత్తంగా చూస్తే ‘రాధె’ సినిమాలో తెలుగు టచ్ బాగా కనిపిస్తుండటంతో మన అభిమానులు ట్రైలర్‌కు బాగా కనెక్టవుతున్నారు.

This post was last modified on April 22, 2021 2:45 pm

Share
Show comments
Published by
Satya

Recent Posts

బన్నీతో లోకీ – అడవిలో అరాచకం ?

గత కొన్ని రోజులుగా విపరీతమైన ప్రచారానికి నోచుకున్న అల్లు అర్జున్ - దర్శకుడు లోకేష్ కనగరాజ్ కాంబినేషన్ ఎట్టకేలకు అఫీషియల్…

25 minutes ago

షాకింగ్… బాహుబలి 2ని దాటేసిన దురంధర్

చరిత్ర సృష్టిస్తూ బాలీవుడ్ బిగ్గెస్ట్ బ్లాక్ బస్టర్ గా నిలిచిన దురంధర్ ఇప్పుడు ఏకంగా బాహుబలి 2 రికార్డుకే ఎసరు…

55 minutes ago

అన్నగారు తప్పుకోవడమే మంచిదయ్యింది

తమిళ హీరోనే అయినప్పటికీ కార్తీకి తెలుగులోనూ మంచి ఫాలోయింగ్ ఉంది. నా పేరు శివతో మొదలుపెట్టి ఖైదీతో దాన్ని వీలైనంత…

1 hour ago

భర్త కోసం చైన్ స్నాచర్ గా మారిన భార్య!

తన ప్రియురాలి కోసం చైన్ స్నాచింగ్స్ దొంగగా మారిన ఒక ప్రియుడు... బైకుల మీద స్పీడుగా వెళుతూ మహిళల మెడల…

3 hours ago

థియేటర్లు సరిపోవట్లేదు మహాప్రభో !

సంక్రాంతి పండక్కు తెలుగు రాష్ట్రాల థియేటర్లకు ఊహించిన సమస్యే తలెత్తింది. షోలు చాలక ప్రేక్షకుల డిమాండ్ అధికం కాగా దానికి…

4 hours ago

సజ్జల కాదు.. జగన్‌నే అసలు సమస్య..?

వైసీపీలో నిన్న మొన్నటి వరకు పార్టీ ముఖ్య నాయకుడు, మాజీ సలహాదారు సజ్జల రామకృష్ణారెడ్డి కేంద్రంగా అనేక విమర్శలు వచ్చాయి.…

5 hours ago