Movie News

వకీల్ సాబ్ వాళ్లకు నచ్చట్లేదా?


పవర్ స్టార్ పవన్ కళ్యాణ్‌కు తెలుగు రాష్ట్రాల్లోనే కాదు.. బౌండరీల అవతల కూడా మంచి ఫాలోయింగ్, మార్కెట్ ఉంది. కర్ణాటకలో పవన్ సినిమాలకు భారీ వసూళ్లు వస్తాయి. అంతకుమించి వసూళ్లు వచ్చే ఏరియా యుఎస్. పవన్ సినిమాలకు ఓ మోస్తరు టాక్ వస్తే చాలు మిలియన్ డాలర్ వసూళ్లన్నవి కేక్ వాక్ అన్నట్లే. అజ్ఞాతవాసి లాంటి డిజాస్టర్ అక్కడ ప్రిమియర్లతోనే మిలియన్ డాలర్ క్లబ్బులో అడుగు పెట్టడం గమనార్హం.

తన సినిమాకు పాజిటివ్ టాక్ వస్తే 3 మిలియన్ డాలర్లు అలవోకగా కొట్టేస్తాడనే పేరుండేది పవన్‌కు. ఐతే కరోనా తర్వాత యుఎస్ మార్కెట్ దెబ్బ తిన్న మాట వాస్తవం. దేశీయ మార్కెట్‌తో పోలిస్తే అది పుంజుకోవడం కష్టమైంది. ఐతే ‘జాతిరత్నాలు’ సినిమాతో అక్కడ కూడా ఊపొచ్చింది. ఆ చిత్రం అనూహ్యంగా మిలియన్ డాలర్ క్లబ్బులోకి చేరింది. దీంతో యుఎస్‌లో తెలుగు సినిమాల మార్కెట్ పూర్వ వైభవం సంతరించుకోబోతున్నట్లే అనిపించింది.

‘వకీల్ సాబ్’కు మంచి టాక్ వస్తే 1.5 మిలియన్ డాలర్లు అలవోకగా కొట్టేస్తుందన్న అంచనాలు కలిగాయి. ఈ నేపథ్యంలోనే ఈ చిత్రానికి మంచి రేటు పెట్టారు అక్కడి బయ్యర్లు. 1.3 మిలియన్ డాలర్లు సాధిస్తే అక్కడ బ్రేక్ ఈవెన్ అన్నట్లు. ఇదేమంత కష్ట సాధ్యంగా అనిపించలేదు. ప్రి సేల్స్ జోరుగా సాగడంతో సానుకూల దృక్పథంతో ఉన్నారంతా. కానీ ప్రిమియర్లతో 3 లక్షల డాలర్లు వసూలు చేసిన ‘వకీల్ సాబ్’.. ఆ తర్వాత అనుకున్నంత జోరు చూపించలేకపోయింది.

శనివారానికి హాఫ్ మిలియన్ క్లబ్బులో అడుగు పెట్టిన ‘వకీల్ సాబ్’ సోమవారానికి 6 లక్షల మార్కును టచ్ చేయగలిగింది. వీకెండ్ తర్వాత సినిమా అనుకున్నంతగా ఊపు చూపించట్లేదు. మంచి టాక్ వచ్చినప్పటికీ ‘వకీల్ సాబ్’ను చూసేందుకు యుఎస్ ప్రేక్షకులు మరీ ఆసక్తితో ఏమీ లేరని స్పష్టమవుతోంది. ఈ మాత్రం టాక్ తెచ్చుకున్న సినిమాకు వీకెండ్లో ఈజీగా మిలియన్ డాలర్లు వచ్చేయాలి. కానీ అలా జరగలేదు. మున్ముందు కూడా సినిమా పుంజుకునే అవకాశాలు కనిపించడం లేదు. రీమేక్ మూవీ కావడం వల్లో, కరోనా భయాల వల్లో ఈ సినిమాకు ఆశించిన వసూళ్లు రావట్లేదని భావిస్తున్నారు. యుఎస్‌లో ఈ చిత్రం లాస్ వెంచర్ అయ్యేలాగే ఉంది.

This post was last modified on April 14, 2021 12:23 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

1 hour ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

1 hour ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

2 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

2 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

2 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

2 hours ago