ఇప్పుడు టాలీవుడ్లో ఎక్కడ చూసినా ‘జాతిరత్నాలు’ గురించే చర్చంతా. ఈ సినిమాలో భాగమైన ప్రతి ఒక్కరికీ మంచి పేరు వచ్చింది. హీరో నవీన్ పొలిశెట్టి అయితే ఈ సినిమాతో మంచి మార్కెట్ తెచ్చుకుని మంచి స్థాయికి వెళ్లేట్లే కనిపిస్తున్నాడు. ప్రియదర్శి, రాహుల్ రామకృష్ణలకు ఇంకా డిమాండ్ పెరిగేలా ఉంది. ఈ చిత్రంతోనే కథానాయికగా పరిచయం అయిన ఫారియా అబ్దుల్లాకు సైతం చాలా మంచి పేరే వచ్చింది. కాకపోతే ట్రెడిషనల్ గ్లామర్ హీరోయిన్ల లాగా కాకుండా టిపికల్గా కనిపించే ఈ అమ్మాయికి కమర్షియల్ సినిమాల్లో అవకాశాలు దక్కుతాయా.. ఆమెను గ్లామర్ తారగా చూడ్డానికి జనాలు ఇష్టపడతారా అన్నదే కొంచెం సందేహంగా ఉంది. కానీ టాలీవుడ్ ఫిలిం మేకర్స్ అలా ఏమీ ఆలోచిస్తున్నట్లు లేరు. ఆమెకు ఒక పెద్ద స్టార్ సరసన ఓ కమర్షియల్ సినిమాలోనే కథానాయికగా అవకాశం దక్కడం విశేషం.
తన రెండో సినిమాలో మాస్ రాజా రవితేజతో రొమాన్స్ చేయబోతోంది ఫారియా అబ్దుల్లా. ప్రస్తుతం ‘ఖిలాడి’లో నటిస్తున్న రవితేజ.. దీని తర్వాత త్రినాథరావు నక్కిన దర్శకత్వంలో ఓ సినిమా చేయనున్న సంగతి తెలిసిందే. ఈ చిత్రానికి ఇప్పటికే ఇద్దరు హీరోయిన్లు ఖరారయ్యారు. తమిళ అమ్మాయి ఐశ్వర్యా మీనన్తో పాటు కన్నడ భామ శ్రీలీలను కథానాయికలుగా ఎంపిక చేశారు. అంతటితో హీరోయిన్ల సంగతి ఓకే అయినట్లే అనుకున్నారు. కానీ ఈ చిత్రంలో ఫారియా సైతం ఒక పాత్రకు ఎంపిక కావడం విశేషం. అదేమీ స్పెషల్ రోల్ కూడా కాదు. రవితేజకు జోడీగానే ఆమె కూడా నటించబోతున్నట్లు చెబుతున్నారు. మరి ముగ్గురు హీరోయిన్లకు ఈ సినిమాలో ఎంత స్కోప్ ఉంటుందో.. ఫారియా ఏమాత్రం తన ప్రత్యేకతను చాటుకుంటుందో చూడాలి. తొలి చిత్రంలో ఒక మామూలు అమ్మాయిలా కనిపించిన ఫారియా.. ఈ చిత్రంలో గ్లామరస్గా కనిపించి తనలో కొత్త కోణాన్ని చూపిస్తుందేమో చూడాలి.
This post was last modified on March 20, 2021 8:58 pm
జాతీయ రాజకీయాల్లో చక్రం తిప్పాలని ఆశపడ్డ బీఆర్ఎస్ అధినేత, మాజీ ముఖ్యమంత్రి కేసీఆర్ గతంలో ఏ చిన్న అవకాశం దొరికినా…
తన 12 మెట్ల కిన్నెర వాయిద్యంతో జాతీయస్థాయిలో గుర్తింపు పొంది రాష్ట్రపతి రాంనాథ్ కోవింద్ చేతుల మీదుగా పద్మశ్రీ అవార్డు అందుకున్న కిన్నెర మొగులయ్య…
ప్రతి సినిమాకు విభిన్నంగా కొత్తగా ప్రయత్నిస్తున్న సుహాస్ తాజాగా ప్రసన్నవదనంతో థియేటర్లలో అడుగు పెట్టాడు. ఈ ఏడాది అంబాజీపేట మ్యారేజీ…
దర్శకుడు శేఖర్ కమ్ముల సెన్సిటివ్ సినిమాలు తీస్తాడనే పేరే కానీ సీరియస్ సబ్జెక్టులు టచ్ చేస్తే అవుట్ ఫుట్ ఏ…
పీసీసీ అధ్యక్షుడు, తెలంగాణ సీఎం రేవంత్ రెడ్డి పట్ల కాంగ్రెస్ అధిష్ఠానం ఫుల్ ఖుషీగా ఉందని తెలిసింది. లోక్సభ ఎన్నికల…
తెలంగాణ ప్రధాన ప్రతిపక్షం బీఆర్ ఎస్కు భారీ షాక్ తగిలింది. ప్రస్తుతం బీఆర్ ఎస్ ఎమ్మెల్సీగా ఉన్న దండే విఠల్రావు…