Movie News

ఫ్లాష్ బ్యాక్: రాఘవేంద్రుడి కసి తీరేలా..

రాఘవేంద్రరావు టాలీవుడ్లో ఎంత పెద్ద కమర్షియల్ డైరెక్టరో.. ఆయన ఎలాంటి బ్లాక్ బస్టర్లు అందించారో కొత్తగా చెప్పాల్సిన పని లేదు. ఐతే ఏ దర్శకుడికైనా మధ్యలో ఒక లీన్ ఫేజ్ ఉంటుంది. వరుస పరాజయాలతో ఇబ్బంది పడతాడు. అందులోనూ ఇప్పటి దర్శకుల్లా ఏడాదికి రెండేళ్లకు ఒక సినిమా చేయలేదు ఆయన. 30 ఏళ్ల వ్యవధిలో వంద సినిమాలు తీశారంటే ఎంత వేగం చూపించారో అర్థం చేసుకోవచ్చు.

ఆయన కూడా మధ్య మధ్యలో వరుస పరాజయాలతో ఇబ్బంది పడ్డారు. మంచి ఫాంలో ఉండగా ఆయన బాగా స్ట్రగులైన ఫేజ్ అంటే 1988-90 మధ్యే. మెగాస్టార్ చిరంజీవితో చేసిన యుద్ధభూమి, రుద్రనేత్ర సినిమాలతో పాటు నాగార్జునతో తీసిన అగ్ని, వెంకటేష్ హీరోగా తెరకెక్కించిన ఒంటరి పోరాటం ఫ్లాప్ అయ్యాయి. దీంతో రాఘవేంద్రరావు పనైపోయిందన్న కామెంట్లు వినిపించాయి.

అలాంటి సమయంలోనే మెగాస్టార్ చిరంజీవి హీరోగా రాఘవేంద్రరావు దర్శకత్వంలో ‘జగదేక వీరుడు అతిలోక సుందరి’ సినిమాకు సన్నాహాలు మొదలు పెట్టారు నిర్మాత అశ్వినీదత్. అప్పుడు దర్శకేంద్రుడి ఫామ్ చూసి.. ఆయనకు అవకాశమివ్వడమేంటి అని చాలామంది దత్‌ను వెనక్కి లాగారట. చిరంజీవితో వరుసగా రెండు ఫ్లాపులు ఇచ్చిన రాఘవేంద్రరావును ఎలా నమ్మారని ప్రశ్నించారట. కానీ ‘జగదేక వీరుడు అతిలోక సుందరి’ లాంటి సినిమాను ఆయన మాత్రమే అందంగా తెరకెక్కించగలరని దత్ నమ్మారు.

చిరు కూడా ఆయనకే ఓటేశారు. తనపై వీళ్లు పెట్టుకున్న నమ్మకాన్ని దర్శకేంద్రుడు ఎంతమాత్రం వమ్ము చేయలేదు. కెరీర్ తొలి రోజుల్లో తనేంటో రుజువు చేయడానికి ఎలా కసితో పని చేశారో.. ఈ చిత్రానికి కూడా అంతే కష్టపడ్డారు. ఈ సినిమాను దర్శకేంద్రుడు ఎంత అద్భుతంగా తీర్చిదిద్దారో.. ఈ సినిమా ఫలితమేంటో కొత్తగా చెప్పాల్సిన పని లేదు. చారిత్రక విజయాన్నందుకున్న ఈ సినిమా తర్వాత చిరు, రాఘవేంద్రరావు కలిసి ‘ఘరానా మొగుడు’ రూపంలో మరో ఇండస్ట్రీ హిట్ డెలివర్ చేసిన సంగతి తెలిసిందే.

This post was last modified on May 10, 2020 8:41 am

Share

Recent Posts

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

29 minutes ago

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

2 hours ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

3 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

3 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

13 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

13 hours ago