నా పేరు సూర్య తర్వాత ఏడాదికి గ్యాప్ తీసుకుంటే తీసుకున్నాడు కానీ.. రీఎంట్రీలో అల వైకుంఠపురములో లాంటి బ్లాక్ బస్టర్ను అందించి అభిమానుల్ని సంబరాల్లో ముంచెత్తాడు అల్లు అర్జున్. దీని తర్వాత అతను సుకుమార్ దర్శకత్వంలో కొత్త చిత్రం చేస్తున్న సంగతి తెలిసిందే. అనివార్య కారణాల వల్ల ఆలస్యంగా పట్టాలెక్కబోతోందీ సినిమా. కరోనా ప్రభావం తగ్గాక ఈ మూవీ రెగ్యులర్ షూటింగ్ మొదలు కావచ్చు.
ఈ ఏడాది చివరికి ఈ చిత్రాన్ని బన్నీ పూర్తి చేసే అవకాశాలున్నాయి. దాని తర్వాత బన్నీ చేయబోయే సినిమా మీద రకరకాల ప్రచారాలు నడిచాయి. వేణు శ్రీరామ్తో ఐకాన్ మూవీని ఎప్పుడో అనౌన్స్ చేశారు. కానీ దాన్ని ఇమ్మీడియట్గా అయితే బన్నీ మొదలుపెట్టేలా లేడు.
సురేందర్ రెడ్డి దర్శకత్వంలో రేసుగుర్రం సీక్వెల్ గురించి ప్రచారం జరిగింది కానీ.. బన్నీ ఇంకా కమిట్మెంట్ ఏమీ ఇవ్వలేదట. ప్రస్తుతానికి బన్నీ దృష్టి కొరటాల శివ మీద ఉన్నట్లు సమాచారం. తాను సుకుమార్ సినిమా పూర్తి చేసే సమయానికే కొరటాల ఆచార్య పూర్తి చేసి ఖాళీ అవుతాడు.
సామాజికాంశాలతో కూడిన కమర్షియల్ ఎంటర్టైనర్లు తీసే కొరటాలతో సినిమా చేస్తే తన కెరీర్కు బాగా ఉపయోగపడుతుందన్న ఉద్దేశంతో ఇంతకుముందే ఆయనతో సినిమా కోసం ప్రయత్నించాడు కానీ.. కాంబినేషన్ సెట్ కాలేదు.
ఇప్పుడు మెగా కాంపౌండ్లో అడుగు పెట్టిన ఆయనతో సినిమా కోసం బన్నీ ఆసక్తి ప్రదర్శిస్తున్నాడని.. కొరటాల ఓకే అంటే తర్వాతి సినిమాను గీతా ఆర్ట్స్ బేనర్లో ఆయనతోనే చేయొచ్చని అంటున్నారు. బుధవారం బన్నీ పుట్టిన రోజు నేపథ్యంలో కొత్త ప్రాజెక్టుల గురించి ఏమైనా ప్రకటిస్తారేమో చూడాలి.
This post was last modified on April 9, 2020 6:25 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…