Movie News

డ‌బుల్ రామ్.. త్రిబుల్ కాబోతున్నాడా?


కెరీర్లో తొలిసారి రెడ్ సినిమాలో ద్విపాత్రాభిన‌యం చేశాడు యువ క‌థానాయ‌కుడు రామ్. త‌మిళ హిట్ త‌డ‌మ్‌కు రీమేక్‌గా తెర‌కెక్కిన ఈ సినిమా బాక్సాఫీస్ ద‌గ్గ‌ర మంచి ఫ‌లితాన్నే అందుకుంది. ఆదిత్య‌, సిద్దార్థ్ పాత్ర‌ల్లో రామ్ బాగానే వైవిధ్యం చూపించాడు. ద్విపాత్రాభిన‌యం చేయ‌డంలో ఏమాత్రం త‌డ‌బ‌డిన‌ట్లు క‌నిపించ‌లేదు. ఈ సినిమా ఇచ్చిన ఆత్మ‌విశ్వాసంతో రామ్.. ఈసారి ఏకంగా ట్రిపుల్ రోల్ చేయ‌డానికి రెడీ అవుతున్న‌ట్లుగా ఒక క్రేజీ రూమ‌ర్ టాలీవుడ్ స‌ర్కిల్స్‌లో వినిపిస్తుండ‌టం విశేషం.

ఓ కొత్త ద‌ర్శ‌కుడు చెప్పిన క‌థ‌కు రామ్ బాగా ఇంప్రెస్ అయ్యాడ‌ట‌. సినిమా చేస్తాన‌ని హామీ ఇచ్చాడ‌ట‌. అందులో రామ్ త్రిపాత్రాభిన‌యం చేస్తాడ‌ని అంటున్నారు. రామ్ నుంచి హామీ అందుకున్న ఆ యువ ద‌ర్శ‌కుడు ఈ సినిమా గురించి త‌న స‌న్నిహితుల‌తో చెప్పుకోగా.. ఈ వార్త బ‌య‌టికి వ‌చ్చింది.

కొత్త ద‌ర్శ‌కుడితో కొంచెం రిస్క్‌తో కూడుకున్న స‌బ్జెక్ట్ కావ‌డంతో ఈ చిత్రాన్ని కూడా త‌న హోం బేన‌ర్ స్ర‌వంతి మూవీస్‌లోనే రామ్ చేయ‌బోతున్నాడ‌ని అంటున్నారు. దీనిపై త్వ‌ర‌లోనే ప్ర‌క‌ట‌న వ‌చ్చే అవ‌కాశ‌ముంది. రెడ్ త‌ర్వాత రామ్ కొత్త సినిమా ఎంచుకునే విష‌యంలో ఆచితూచి వ్య‌వ‌హ‌రిస్తున్నాడు.

రెడ్ గ‌త ఏడాది మార్చిలోనే పూర్త‌యింది. అప్ప‌ట్నుంచి అత‌ను ఖాళీగానే ఉన్నాడు. మ‌ధ్య‌లో త్రివిక్ర‌మ్ ద‌ర్శ‌క‌త్వంలో రామ్ ఓ సినిమా చేస్తాడ‌ని ప్ర‌చారం జ‌రిగింది. కానీ అలాంటి ప్ర‌క‌ట‌న ఏమీ రాలేదు. త్రివిక్ర‌మ్ ఈ వేస‌వి నుంచి ఎన్టీఆర్ సినిమాను మొద‌లుపెట్టే ప్ర‌య‌త్నాల్లో ఉన్నాడు. ఇటీవ‌లే స్వామి మాల వేసుకున్న రామ్.. కొంచెం గ్యాప్ తీసుకుని త్వ‌ర‌లోనే రీఎంట్రీ ఇస్తాన‌న్న‌ట్లుగా సంకేతాలు ఇచ్చాడు. ఈ మాల తీయ‌గానే రామ్ కొత్త సినిమాను మొద‌లుపెడ‌తాడ‌ని అంటున్నారు.

This post was last modified on February 8, 2021 11:52 am

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

9 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

9 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

9 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

9 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

10 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

10 hours ago