Movie News

కొత్త ‘హీరో’ కొడతాడా హిట్టు?

ప్రదీప్ మాచిరాజు.. కొత్తగా పరిచయం చేయాల్సిన అవసరం లేని పేరు. తెలుగులో బెస్ట్ మేల్ యాంకర్ ఎవరు అంటే మరో మాట లేకుండా అతడి పేరు చెప్పేస్తారందరూ. ‘గడసరి అత్త సొగసరి కోడలు’ అనే చిన్న కార్యక్రమంతో యాంకర్‌గా ప్రస్థానాన్ని ఆరంభించి.. తనదైన వాక్చాతుర్యంతో బోలెడన్ని షోలను నడిపిస్తూ టాలీవుడ్లో హైయెస్ట్ పెయిడ్ మేల్ యాంకర్ స్థాయికి ఎదిగాడతను. యాంకర్‌గా చేస్తూనే నటుడిగానూ సినిమాల్లో కొన్ని పాత్రలు చేసిన ప్రదీప్.. ఇప్పుడు హీరోగా తెరంగేట్రం చేస్తున్నాడు.

అతను కథానాయికగా పరిచయమవుతున్న సినిమా ‘30 రోజుల్లో ప్రేమించడం ఎలా?’. మున్నా అనే కొత్త దర్శకుడు రూపొందించిన ఈ చిత్రంలో తమిళ అమ్మాయి అమృత అయ్యర్ కథానాయికగా నటించింది. గత ఏడాది మార్చి 25నే రావాల్సిన ఈ చిత్రం కరోనా కారణంగా వాయిదా పడింది.

మొత్తానికి పది నెలలు ఆలస్యంగా, బాక్సాఫీస్ దగ్గర పెద్దగా పోటీ లేని సమయంలో ఈ శుక్రవారం థియేటర్లలోకి దిగుతోంది ‘30 రోజుల్లో ప్రేమించడం ఎలా?’. ఏ ఓటీటీకో వెళ్లిపోకుండా ఇంతకాలం ఈ సినిమాను ఆపగలగడం గొప్ప విషయమే. హీరోగా ప్రదీప్ అరంగేట్రం వెండితెరపైనే జరగాలని పట్టుదలతో ఆగిన నిర్మాత అభినందనీయుడే. ఐతే ఇన్నాళ్ల నిరీక్షణ తర్వాత వస్తున్న ఈ చిత్రం బాక్సాఫీస్ దగ్గర ఎలాంటి ఫలితాన్ని రాబడుతుందన్నది ఆసక్తికరం.

యూట్యూబ్‌ను ఊపేసిన ‘నీలి నీలి ఆకాశం..’ పాటతో ఈ సినిమా బాగానే జనాల నోళ్లలో నానింది చిత్ర బృందం కూడా ‘ఈ పాట అంత బాగుంటుందీ సినిమా’ అంటూ ప్రచారం చేసుకుంటోంది. ఐతే ఆ పాట నచ్చినంత మాత్రాన జనాలు థియేటర్లకు పరుగులు పెట్టేస్తారనేమీ లేదు. ప్రదీప్ కోసం కూడా ఎగబడేస్తారని అనుకోలేం. సినిమాలో విషయం ఉందంటే.. బాగుందన్న టాక్ వస్తే ఓ లుక్కేయడానికి ప్రేక్షకులు ఆలోచించరు. మరి శుక్రవారం ఈ సినిమాకు ఎలాంటి టాక్ వస్తుందో.. రివ్యూలెలా ఉంటాయో.. ప్రదీప్ హీరో అరంగేట్రంపై ఎవరేమంటారో చూడాలి.

This post was last modified on January 29, 2021 11:21 am

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

9 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

9 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

9 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

9 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

9 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

10 hours ago