ఒకప్పుడు తెలుగులో స్ట్రెయిట్ సినిమాలకు ధీటుగా తమిళ డబ్బింగులు ఆడేవి. వీటి ప్రభావం ఎంతగా ఉండేదంటే దెబ్బకు మన నిర్మాతలు తమ రిలీజులు వాయిదా వేసుకోవాల్సి వచ్చేది. ముఖ్యంగా శంకర్ వచ్చాక ఈ ట్రెండ్ మరింత ఊపందుకుంది. జెంటిల్ మెన్, బాయ్స్, అపరిచితుడు లాంటివి ఒరిజినల్ వెర్షన్ కన్నా తెలుగు రాష్ట్రాల్లో ఎక్కువ ఆడిన వాస్తవాన్ని ఇక్కడ గుర్తు చేసుకోవాలి. తర్వాత విక్రమ్, సూర్య, కార్తీ మొదలైనవాళ్లు వరసగా ఫ్లాపులు ఇవ్వడం వల్ల క్రమంగా డబ్బింగ్ మార్కెట్ తగ్గింది.
ఊహించని విధంగా 2026 సంవత్సరం మన టాలీవుడ్ చుట్టూ అనువాద మేఘాలను కమ్మేలా చేస్తోంది. పదికి పైగా డబ్బింగ్ హిట్లు పడటం థియేటర్ల ఫీడింగ్ కోణంలో సంతోషించాల్సిన విషయమే అయినా, ఇండస్ట్రీ మనుగడలకు ఆహ్వానించదగ్గ పరిణామం కాదనేది ఒప్పుకోవాల్సిన వాస్తవం. అసలే హడావిడి చేయకుండా సూర్య ‘సీన్’ ఎంత రాబట్టిందో చూస్తున్నాం. రెండో వారంలోనూ చాలా బలంగా కొనసాగుతూ హీరోకి హ్యాట్రిక్ హిట్ ఇచ్చింది. సెలవుల్లో దాదాపు హౌస్ ఫుల్స్ పడుతున్నాయి.
ఏఐ వాడి లిప్ సింక్ చేశారు కానీ ‘రామాయణ’ కూడా డబ్బింగ్ బాపతే. ఇప్పటికే అరవై కోట్లకు పైగా గ్రాస్ లాగేసి బయ్యర్లను సేఫ్ సైడ్ దిశగా తీసుకెళ్తోంది. గత నెల ‘జైలర్ 2’ వల్ల రణబాలి ప్రభావితం చెందిందనేది ఒప్పుకోవాల్సిన వాస్తవం. విజయ్ దేవరకొండ పెర్ఫార్మన్స్ కన్నా రజనీకాంత్ స్టయిల్ కే మనోళ్లు పట్టం కట్టారు. వీటికన్నా ముందు లోకేష్ కనగరాజ్ హీరోగా పరిచయమైన ‘డిసి’ మెయిన్ సెంటర్స్ లో వసూళ్లు అదరగొట్టింది. ‘విశ్వనాథ్ అండ్ సన్స్’ తీసింది మనోళ్లే అయినా డబ్బింగ్ కిందకే వస్తుంది. ఇదీ హిట్టే.
తమిళ టైటిల్ యథాతధంగా పెట్టిన ‘మండాడి’కి అర్థం తెలియకపోయినా అందులో యాక్షన్, ఎమోషన్ కి కనెక్ట్ అయిపోయిన మన ఆడియన్స్ దానికీ డబ్బులు ఇచ్చారు. సూర్య ‘వీరభద్రుడు’కి నెగటివ్ రివ్యూస్ వచ్చినా కలెక్షన్లకు అది అడ్డంకి కాలేదు. కేవలం తమిళమే కాదు హాలీవుడ్, బాలీవుడ్ సినిమాలు సైతం మనల్ని బాగానే కొల్లగొట్టాయి. ది ఒడిస్సి, దురంధర్ ది రివెంజ్, స్పైడర్ మ్యాన్ తదితరాలు పెద్ద నెంబర్లు చూపించాయి. దీన్ని బట్టే డబ్బింగుల ఎఫెక్ట్ మన మీద ఏ స్థాయిలో ఉందో అర్థం చేసుకోవచ్చు.
This post was last modified on November 16, 2026 2:05 pm
సోషల్ మీడియాలో ఒక వీడియో వైరల్ కావడానికి పెద్దగా కారణాలు అవసరం లేదు. కొన్నిసార్లు సెలబ్రిటీలకు కూడా సాధ్యం కాని…
టాలీవుడ్ లో టాలెంటెడ్ దర్శకులకు లోటు లేదు. కానీ దాన్ని పరిపూర్ణంగా, క్రమం తప్పకుండా వాడుకునేవాళ్ళు ఎంతమంది అంటే సమాధానం…
ఈ వారం విడుదల కాబోతున్న వాటిలో ఎక్కువ ప్రామిసింగ్ గా కనిపిస్తున్న సినిమా ఆకాశంలో ఒక తార. స్వప్న సినిమా,…
తెలంగాణలో కాంగ్రెస్, బీజేపీ నేతలపై బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్ తీవ్రస్థాయిలో విమర్శలు గుప్పిస్తున్న సంగతి తెలిసిందే.…
కరోనా వచ్చి వెళ్ళిపోయిన ఒకటి రెండు సంవత్సరాలు ఓటిటిలో వచ్చే కంటెంట్, కొత్త సినిమాల గురించి సోషల్ మీడియాలో డిబేట్లు…
భారతీయ రైల్వేలో ఆధునిక ప్రయాణానికి గుర్తింపుగా నిలుస్తున్న వందే భారత్ ఎక్స్ప్రెస్కు సంబంధించిన ఓ ఘటన ఇప్పుడు భద్రతా వ్యవస్థపై…