Movie News

ఓటిటి రియాక్షన్లు ఎందుకు తగ్గుతున్నాయి

కరోనా వచ్చి వెళ్ళిపోయిన ఒకటి రెండు సంవత్సరాలు ఓటిటిలో వచ్చే కంటెంట్, కొత్త సినిమాల గురించి సోషల్ మీడియాలో డిబేట్లు కనిపించేవి. జనాల రియాక్షన్లు తెలుసుకోవడానికి ఇవి బాగా ఉపయోగపడేవి. థియేటర్ లో బాగా ఆడినవి డిజిటల్ లో నెగటివ్ అయిన దాఖలాలు ఎన్నో. బాక్సాఫీస్ దగ్గర ఫ్లాప్ అయినవి ఆన్ లైన్ చూసి మెచ్చుకున్న ఉదంతాలు ఎన్నో. అయితే గత కొంత కాలంగా జరుగుతున్న ట్రెండ్స్ గమనిస్తే ఓటిటి పట్ల ఆడియన్స్  స్పందన క్రమంగా తగ్గడం గమనించవచ్చు.

ఇటీవలే కేవలం నాలుగు వారాల వ్యవధిలో జైలర్ 2, రణబాలి వేర్వేరు ఓటిటి ప్లాట్ ఫార్మ్స్ లో స్ట్రీమింగ్ కు వచ్చాయి. విచిత్రంగా వీటి గురించి పెద్దగా సౌండ్ లేదు. రజనీకాంత్ స్టయిల్ స్వాగ్ గురించి గత నెల పొగడ్తల వర్షం కురిపించిన వాళ్ళు అదే సినిమా బుల్లితెరపైకి వచ్చాక అంతగా రియాక్ట్ అవ్వడం లేదు. రణబాలి కేసు కొంచెం డిఫరెంట్ గా ఉంది. ఇంకా బాగా ఆడి ఉండాల్సిందని, దర్శకుడు రాహుల్ కొన్ని మార్పులు చేసి ఉంటే ఎక్కడికో వెళ్లేదనే అభిప్రాయం చాలా మంది వ్యక్తపరుస్తున్నారు.

మొన్నటికి మొన్న ప్యారడైజ్ వచ్చినప్పుడు ఎంత ట్రోలింగ్ జరిగిందో తెలిసిందే. అది కూడా మరీ తీవ్రంగా కాదు. రాజా సాబ్ టైంలో మారుతీ మీద చూసినంత ఎటాకింగ్ శ్రీకాంత్ ఓదెల విషయంలో కొంచెం తగ్గింది. అంతే తప్ప పూర్తిగా క్షమించారని కాదు. ఇంకొంచెం వెనక్కు వెళ్తే సర్ప్రైజ్ బ్లాక్ బస్టర్స్ గా నిలిచిన లెనిన్, మా ఇంటి బంగారం లాంటివి ఓటిటిలో జస్ట్ పాస్ అనిపించుకున్నాయి తప్ప వావ్ అనిపించుకోలేదు. పెద్ది కోసం రామ్ చరణ్ పడిన కష్టాన్ని ఓటిటి ఆడియన్స్ లైట్ తీసుకున్నారు.

భారీ వసూళ్లు సాధించిన మీర్జాపూర్ ఓటిటికి వచ్చిన తర్వాత చేసిన సౌండ్ తక్కువే. ఇదంతా విశ్లేషణ చేసుకుంటే క్రమంగా థియేటర్, ఓటిటి మధ్య ఉన్న సన్నని గీత మరింత పెద్దదవుతోందని చెప్పొచ్చు. ఇది మంచిదే. ఎందుకంటే ఎలాగూ ఓటిటిలో వస్తుందనే భావన జనంలో పెరిగితే థియేటర్ ఆక్యుపెన్సీలు తగ్గుతాయి. అలా కాకుండా ముందు బిగ్ స్క్రీన్ మీద చూసేద్దాం అనే ప్రేక్షకుల సంఖ్య పెరిగితే అవి టికెట్ల రూపంలో కలెక్షన్లుగా మారతాయి.నిర్మాతలు, డిస్ట్రిబ్యూటర్లు కోరుకునేది ఇదే. 

This post was last modified on November 16, 2026 1:58 pm

Share

Recent Posts

బ్రేకులు లేకుండానే 463 కి.మీ. ప్రయాణం.. వందే భారత్ భద్రతపై ప్రశ్నలు..

భారతీయ రైల్వేలో ఆధునిక ప్రయాణానికి గుర్తింపుగా నిలుస్తున్న వందే భారత్ ఎక్స్‌ప్రెస్‌కు సంబంధించిన ఓ ఘటన ఇప్పుడు భద్రతా వ్యవస్థపై…

1 hour ago

తల్లి గర్భంలో ఉండగానే వెన్నుముక ఆపరేషన్

వైద్యరంగంలో సాంకేతిక పరిజ్ఞానం అభివృద్ధి చెందుతున్న కొద్దీ ఒకప్పుడు అసాధ్యమనుకున్న చికిత్సలు కూడా సాధ్యమవుతున్నాయి. ప్రాణాపాయ పరిస్థితుల్లో ఉన్న చిన్నారులకు…

2 hours ago

కొత్త శుక్రవారం… డబ్బింగ్ VS స్ట్రెయిట్

ఇంకో హాట్ క్లాష్ కు టాలీవుడ్ బాక్సాఫీస్ సిద్ధమవుతోంది. నవంబర్ మొదటి వారంలో రామాయణ పార్ట్ 1, సీన్ రెండు…

3 hours ago

తారకు తోడుగా రాకా రావడం ప్లస్సే

నిన్న హైదరాబాద్ లో ఆకాశంలో ఒక తార ప్రీ రిలీజ్ ఈవెంట్ జరిగింది. ఐకాన్ స్టార్ అల్లు అర్జున్ ముఖ్య…

3 hours ago

మౌళికి ఆలోచించే టైమ్ వచ్చింది

సోషల్ మీడియాలో పాపులారిటీ తెచ్చుకున్న మౌళికి లిటిల్ హార్ట్స్ రూపంలో గత ఏడాది అదిరిపోయే డెబ్యూ దొరికింది. సింపుల్ లవ్…

4 hours ago

పీకేతో టచ్ లో సాయిరెడ్డి?

ప‌రివ‌ర్త‌న రాజ‌నీతి పార్టీ(పీఆర్ పీ) పేరుతో సొంత పార్టీని స్థాపించుకున్న వైసీపీ మాజీ నేత‌, రాజ్య‌స‌భ మాజీ ఎంపీ వేణుంబాకం…

6 hours ago