Movie News

అసూయ పుట్టిస్తున్న అబ్బవరం

ఏ బ్యాగ్రౌండ్ లేకుండా వచ్చి సినీ రంగంలో స్టార్ ఇమేజ్ సంపాదించడం చిన్న విషయం కాదు. సక్సెస్ రేట్ చాలా తక్కువగా ఉండే ఈ ఇండస్ట్రీలో ఫ్యాన్ ఫాలోయింగ్, మార్కెట్ అన్నవి ఊరికే వచ్చేయవు. మంచి జడ్జిమెంట్ ఉండాలి. సరైన సినిమాలు చేయాలి. నిలకడగా విజయాలు అందుకుని, ప్రేక్షకుల నమ్మకం సంపాదించాలి. యువ కథానాయకుడు కిరణ్ అబ్బవరం ఇలాంటి నమ్మకమే సంపాదించాడు.

మధ్యలో అతను కూడా కొన్ని తప్పటడుగులు వేశాడు కానీ.. వాటి నుంచి పాఠాలు నేర్చుకుని ఈ మధ్య వరుసగా హిట్లు కొడుతున్నాడు. తన చివరి చిత్రం ‘చెన్నై లవ్ స్టోరీ’ రూ.50 కోట్ల గ్రాస్ కలెక్షన్లు రాబట్టి తన రేంజి పెంచింది. ఇప్పుడు కిరణ్ నుంచి ‘రియాలిటీ’ సినిమా రాబోతోంది. ఆ చిత్రానికి దర్శకుడు కూడా అబ్బవరమే. క్రిస్మస్ సీజన్లో కింగ్ 100, దాదా, కింగ్ లాంటి భారీ చిత్రాలు బరిలో ఉన్నా సరే.. తన సినిమాను కూడా పోటీలో నిలబెట్టాడు కిరణ్. అయినా ఈ సినిమాకు ట్రేడ్‌లో మంచి డిమాండ్ ఉండడం విశేషమే.

‘రియాలిటీ’ థియేట్రికల్ రైట్స్‌ను రూ.16 కోట్లకు అమ్మారట నిర్మాత. హక్కుల కోసం నలుగురు డిస్ట్రిబ్యూటర్లు పోటీ పడ్డారట. చివరికి నిర్మాత చెప్పిన రేటుకే ఒక డిస్ట్రిబ్యూటర్ హక్కులు కొన్నట్లు వార్తలు వస్తున్నాయి. ‘చెన్నై లవ్ స్టోరీ’కి కాంబినేషన్ క్రేజ్ ఉంది. సాయిరాజేష్, ఎస్కేఎన్ బ్రాండు ఉపయోగపడింది. ఆ సినిమా బడ్జెట్, కాస్టింగ్ అంతా వేరు. కానీ ‘రియాలిటీ’కి అన్నీ కిరణే. తన ముఖం చూసే ప్రేక్షకులు సినిమాకు రావాలి. తన పేరు మీదే బిజినెస్ కూడా అయింది. ఆల్రెడీ నాన్ థియేట్రికల్ రైట్స్‌ను మంచి రేటుకు అమ్మారు. ఇప్పుడు రిలీజ్‌కు రెండు నెలల ముందే థియేట్రికల్ బిజినెస్ కూడా పూర్తయింది.

మంచి అభిరుచితో ‘భజగోవిందం’ పాట చేయించుకుని, ఆ పాటను చక్కగా చిత్రీకరించడం ద్వారా దాన్ని జనాల్లోకి తీసుకెళ్లిపోయాడు కిరణ్.
ఈ పాట బ్యాక్‌డ్రాప్‌లో ఆంధ్రప్రదేశ్‌లో ప్రకృతి అందాలకు సంబంధించి ఒక వీడియో చేస్తే దాన్ని సీఎం నారా చంద్రబాబు నాయుడు షేర్ చేయడం విశేషం. దీన్ని బట్టే పాట ఎంతగా పాపులర్ అయిందో అర్థం చేసుకోవచ్చు. మిడ్ రేంజ్ హీరోల్లో కిరణ్ స్థాయిలో బిజినెస్ అవుతున్న హీరోలు చాలా కొద్దిమందనే. ఏ బ్యాగ్రౌండ్ లేకుండా ఇలాంటి బ్రాండ్ వాల్యూ సంపాదించిన కిరణ్‌ను చూసి యంగ్ హీరోలు అసూయ పడుతుంటారనడంలో సందేహం లేదు.

This post was last modified on October 29, 2026 12:05 am

Share

Recent Posts

‘తల్లిని చెల్లిని అగౌరవపరచడం జగన్ కే చెల్లు’

వేదిక ఎక్కి మైకు చేతపట్టుకుంటే చాలు అక్కలు, చెల్లెమ్మలంటూ నీతులు వల్లించే జగన్ సొంత తల్లీ, చెల్లి విషయంలో మాత్రం…

53 minutes ago

గేమింగ్ పిచ్చి పీక్స్.. GTA 6 ఆడేందుకు పెళ్ళాంతోనే డీల్

వీడియో గేమ్స్ అంటే యువతకు ఎంత ఇష్టమో ప్రత్యేకంగా చెప్పాల్సిన అవసరం లేదు. తమకు నచ్చిన గేమ్ కోసం గంటల…

2 hours ago

ఛార్జిషీట్ నంబర్ పదికి చేరింది జగన్

వైసీపీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి మీద మరో ఛార్జిషీట్ దాఖలైంది. జగన్ అక్రమాస్తుల కేసును…

2 hours ago

రామాయణ మేనియా.. థియేటర్లలో నాన్‌వెజ్‌కు బ్రేక్

బాలీవుడ్ స్టార్ హీరో రణ్‌బీర్ కపూర్ నటించిన పౌరాణిక చిత్రం 'రామాయణ: రైజ్ ఆఫ్ ఏ లెజెండ్' ఇప్పుడు థియేటర్లలో…

4 hours ago

బండ్ల గణేష్ కు జైలు శిక్ష

టాలీవుడ్ సినీ నిర్మాత, నటుడు బండ్ల గణేష్ కు ఒంగోలు కోర్టు ఏడాది జైలు శిక్ష విధించింది. చెక్ బౌన్స్…

5 hours ago

‘శ‌బ‌రిమ‌ల‌ను తిరుమ‌ల చేస్తా’: సీఎం ప్ర‌క‌ట‌న.. సాధ్య‌మేనా?!

కొన్ని కొన్ని ప్ర‌క‌ట‌న‌లు విని ఊరుకోవాల్సిందే!. కానీ, నాయ‌కులు మాత్రం ఊద‌ర‌గొడుతూనే ఉంటారు. తాజాగా ప్ర‌పంచ ప్ర‌ఖ్యాత శ‌బ‌రిమ‌ల ఆల‌యాన్ని…

6 hours ago