దక్షిణాదిన కొన్ని సినిమాల్లో నటించి, ఆ తర్వాత బాలీవుడ్కు పరిమితం అవుతుంటారు కొందరు హీరోయిన్లు. బాలీవుడ్లో కెరీర్ పుంజుకున్నాక.. మళ్లీ సౌత్ సినిమాల్లో ఛాన్సులు రావు అని ఫిక్సయిపోయాక ఇక్కడి చిత్రాల మీద విమర్శలు చేస్తుంటారు. తక్కువ చేసి మాట్లాడుతుంటారు. ఇలియానా, తాప్సి పన్ను లాంటి హీరోయిన్లు ఇదే పని చేశారు. రాధికా ఆప్టేది కూడాా ఇలాంటి వ్యవహారమే కానీ.. సౌత్ సినిమాల విషయంలో ఆమె చేసిన విమర్శలు, ఆరోపణలు కొంచెం భిన్నమైనవి.
తాను ఇక్కడ నటించిన ఓ సినిమాకు సంబంధించిన హీరో తనతో అసభ్యంగా ప్రవర్తించినట్లు ఆమె ఆరోపణలు గుప్పించింది. ఇక్కడ హీరోలకు ఇచ్చే అతి ప్రాధాన్యం గురించి కూడా ఆమె అభ్యంతరం వ్యక్తం చేసింది. ఐతే కెరీర్ ఆరంభంలో ఇక్కడ కొన్ని సినిమాలు చేశాక.. మళ్లీ ఇటువైపు చూడలేదు రాధిక. ముఖ్యంగా ఆమె చేసిన ఆరోపణలు, విమర్శల తర్వాత రాధికకు ఇక్కడ ఛాన్సులు రాలేదు.
ఐతే సౌత్ హీరోయిన్ కీర్తి సురేష్తో కలిసి నటించిన ‘అక్క’ వెబ్ సిరీస్ ఈ నెల 30న నెట్ ఫ్లిక్స్ ద్వారా స్ట్రీమ్ కానున్న నేపథ్యంలో దాన్ని ప్రమోట్ చేస్తూ ఇచ్చిన ఒక ఇంటర్వ్యూలో రాధిక సౌత్ సినిమా గురించి వివాదాస్పద వ్యాఖ్యలు చేసింది. తాను ఎక్కువ రంగు లేకపోవడం వల్లే దక్షిణాది సినిమాల్లో ఛాన్సులు ఇవ్వట్లేదని ఆమె ఆరోపించింది. నార్త్ హీరోయిన్లలో ఫెయిర్గా ఉన్న వాళ్లను చూసి వాళ్లకే దక్షిణాది చిత్రాల్లో అవకాశాలు ఇస్తున్నారని, తాను వాళ్లంత రంగు లేకపోవడం వల్లే అక్కడి నుంచి ఆఫర్లు రావట్లేదని ఆమె వ్యాఖ్యానించింది.
అదే సమయంలో తాను దక్షిణాది హీరోయిన్లను తక్కువ చేయనని, వాళ్లది అద్భుతమైన టాలెంట్ అని.. వాళ్ల సొంత భాషల్లో వారికే అవకాశాలు ఇవ్వాలని, డబ్బింగ్ చెప్పుకునే నార్త్ హీరోయిన్లకు ఛాన్సులు ఇవ్వడం కరెక్ట్ కాదని అభిప్రాయపడింది. రాధిక చేసిన ఈ కామెంట్ల మీద సోషల్ మీడియాలో తీవ్ర విమర్శలు వస్తున్నాయి. సౌత్ సినిమాల ఫిలిం మేకర్స్ రంగును చూసి ఛాన్సులిచ్చే రకమా.. రాధికకు ఛాన్సులివ్వకపోవడానికి తన కలర్ కారణమా అంటూ ప్రశ్నలు సంధిస్తున్నారు.
This post was last modified on October 29, 2026 9:14 am
వేదిక ఎక్కి మైకు చేతపట్టుకుంటే చాలు అక్కలు, చెల్లెమ్మలంటూ నీతులు వల్లించే జగన్ సొంత తల్లీ, చెల్లి విషయంలో మాత్రం…
వీడియో గేమ్స్ అంటే యువతకు ఎంత ఇష్టమో ప్రత్యేకంగా చెప్పాల్సిన అవసరం లేదు. తమకు నచ్చిన గేమ్ కోసం గంటల…
వైసీపీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి మీద మరో ఛార్జిషీట్ దాఖలైంది. జగన్ అక్రమాస్తుల కేసును…
బాలీవుడ్ స్టార్ హీరో రణ్బీర్ కపూర్ నటించిన పౌరాణిక చిత్రం 'రామాయణ: రైజ్ ఆఫ్ ఏ లెజెండ్' ఇప్పుడు థియేటర్లలో…
టాలీవుడ్ సినీ నిర్మాత, నటుడు బండ్ల గణేష్ కు ఒంగోలు కోర్టు ఏడాది జైలు శిక్ష విధించింది. చెక్ బౌన్స్…
కొన్ని కొన్ని ప్రకటనలు విని ఊరుకోవాల్సిందే!. కానీ, నాయకులు మాత్రం ఊదరగొడుతూనే ఉంటారు. తాజాగా ప్రపంచ ప్రఖ్యాత శబరిమల ఆలయాన్ని…