తెలుగులో విలక్షణ చిత్రాలకు కేరాఫ్ అడ్రస్గా నిలిచే దర్శకుడు చంద్రశేఖర్ యేలేటి. ఇప్పుడందరూ కొత్తదనం కొత్తదనం అంటున్నారు కానీ.. తెలుగు సినిమా ఒక మూసలో నడుస్తున్న సమయంలో ఐతే, అనుకోకుండా ఒక రోజు, ఒక్కడున్నాడు లాంటి విభిన్న సినిమాలతో అతను తన ప్రత్యేకతను చాటుకున్నాడు. కానీ యేలేటి సినిమాల్లో కమర్షియల్గా సక్సెస్ అందుకున్నవి తక్కువ. అందుకే అతడి కెరీర్ అనుకున్నంతగా జోరందుకోలేదు.
స్క్రిప్ట్ రెడీ చేసుకోవడం, షూటింగ్ చేయడంలో యేలేటి కొంచెం నెమ్మది అన్న సంగతీ తెలిసిందే. అందుకే దాదాపు రెండు దశాబ్దాల కెరీర్లో అరడజను సినిమాలే చేశాడు. చివరగా 2016లో ‘మనమంతా’ సినిమాతో అతను ప్రేక్షకులను పలకరించాడు. మళ్లీ ఇప్పుడు నితిన్ హీరోగా ‘చెక్’ సినిమాతో రాబోతున్నాడు. ఇటీవలే రిలీజైన ఈ చిత్ర టీజర్ ప్రేక్షకుల దృష్టిని బాగానే ఆకర్షించింది.
‘చెక్’ సినిమా షూటింగ్ అంతా కూడా పూర్తయిపోవడంతో విడుదలకు రంగం సిద్ధం చేశారు. ఫిబ్రవరి 19న ఈ చిత్రాన్ని విడుదల చేయనున్నారట. అన్ సీజన్ అయినప్పటికీ సినిమా మీద నమ్మకంతో ఫిబ్రవరి విడుదలకు ఫిక్స్ అయినట్లు తెలుస్తోంది. మార్చి నెలాఖర్లో నితిన్ మరో సినిమా ‘రంగ్ దె’ విడుదల కానుంది. ఆ తర్వాత వేసవి అంతా ఊపిరి సలపని విధంగా షెడ్యూల్ ఉన్నాయి. పెద్ద సినిమాలు పెద్ద సంఖ్యలో విడుదల కానున్నాయి. అందుకే ముందుగా ఫిబ్రవరిలో ‘చెక్’ను రిలీజ్ చేసేయాలని ఫిక్సయ్యారు ఈ చిత్రాన్ని నిర్మిస్తున్న ‘భవ్య క్రియేషన్స్’ అధినేత ఆనంద్ ప్రసాద్. ఆయన గత ఏడాది ‘మిడిల్ క్లాస్ మెలోడీస్’తో విజయాన్నందుకున్నారు.
‘చెక్’లో నితిన్ చెస్ క్రీడాకారుడిగా కనిపించనున్నాడు. చేయని నేరానికి అతడికి జీవిత ఖైదు పడితే చెస్ను ఆధారంగా చేసుకుని ఎలా తన సమస్యల నుంచి బయటపడ్డాడన్న కథతో ఈ సినిమా తెరకెక్కింది. ఈ సినిమాతో యేలేటి బలంగా బౌన్స్ బ్యాక్ అవుతాడని ఆయన అభిమానులు ఆశిస్తున్నారు.
This post was last modified on January 22, 2021 6:45 pm
బీఆర్ఎస్ అధినేత, మాజీ ముఖ్యమంత్రి కేసీఆర్ ఏదో అనుకుంటే ఇంకేదో అయింది. జాతీయ రాజకీయాల్లో చక్రం తిప్పాలనే కలలు గన్న…
కాంగ్రెస్ పీసీసీ చీఫ్ షర్మిల సంచలన వ్యాఖ్యలు చేశారు. కొన్నాళ్లుగా వైసీపీ అధినేత, సొంత అన్నపై ఆమె తీవ్రస్థాయిలో యుద్ధం…
పెద్ద హీరోల పుట్టిన రోజులు, ఇంకేదైనా ప్రత్యేక సందర్భాలు వస్తే అభిమానులు వాళ్లు నటిస్తున్న కొత్త చిత్రాల నుంచి అప్డేట్స్…
ఆంధ్రప్రదేశ్లో జనాభా పరంగా అగ్రస్థానంలో ఉండే కాపు కులస్థుల కోసం ఉద్యమించిన నాయకుడిగా వంగవీటి మోహనరంగా తర్వాత ఓ మోస్తరు…
ఎన్నికలు జరగబోతున్నపుడు అనుకోకుండా కొన్ని విషయాలు కీలకంగా మారి అధికార పక్షాలను తీవ్ర ఇబ్బందుల్లోకి నెట్టేస్తుంటాయి. అవి ఎన్నికల ఫలితాలనే…
భారీ నమ్మకంతో రోజుల తరబడి ప్రమోషన్లు చేసిన ఆ ఒక్కటి అడక్కుకి మిక్స్డ్ టాక్ కొనసాగుతోంది. మాములుగా ఇలాంటి సినిమాలకు…