Movie News

విశ్వక్ సేన్ నిర్ణయం ఎటువైపు ఉంటుందో

ఆదర్శ కుటుంబం ఏకె 47 వాయిదా పడటం కేవలం వెంకటేష్ అభిమానులకే కాదు ఇతర హీరోలు, నిర్మాతలకు కూడా సంకటంగా మారింది. కొత్త డేట్ అక్టోబర్ 30 అని ట్రేడ్ వర్గాల్లో బలంగా తిరుగుతోంది కానీ నిర్మాత నాగవంశీ ప్రకటన ఇవ్వడానికి తొందరపడే ఉద్దేశంలో లేరు. తమన్ రీ రికార్డింగ్ ఫుల్ స్వింగ్ లో ఉంది. ఇంకో వారం రోజుల్లోపే మొత్తం పూర్తి చేసి హీరోతో పాటు టీమ్ అందరికి షో వేశాక అప్పుడు డేట్ డిసైడవ్వాలని త్రివిక్రమ్ తో సహా అందరూ ఫిక్స్ అయ్యారట.

అయితే అక్టోబర్ 30 విశ్వక్ సేన్ కల్ట్ ఆల్రెడీ రిలీజ్ కు ఫిక్స్ అయ్యింది. ప్రకటన కూడా ఇచ్చేశారు. దీనికి విశ్వక్ దర్శకుడు కూడా. ఇది మిస్ చేయడానికి తనకు సుతరామూ ఇష్టం లేదట. ఎందుకంటే తనదే మరో సినిమా లెగసి డిసెంబర్ 4 వస్తుంది. అంటే కేవలం ముప్పై అయిదు రోజుల గ్యాప్ లో రెండు మూవీస్ రిలీజవుతాయి. అయినా సరే రిస్క్ తీసుకోవడానికి విశ్వక్ రెడీ అయ్యాడు. ఇప్పుడు ఆదర్శ కుటుంబం వల్ల మనసు మార్చుకుంటే ఈ గ్యాప్ మరింత తగ్గిపోతుంది.

ఏది ఏమైనా వీలైనంత త్వరగా హారిక హాసిని నుంచి అనౌన్స్ మెంట్ వస్తే బెటర్ గా ఉంటుంది. కల్ట్ పూర్తిగా యాక్షన్ అండ్ వయొలెన్స్ నిండిన పెద్దల సినిమా. ఇది విశ్వక్ సేన్ ముందే చెప్పాడు. సెన్సార్ కూడా ఏ ముద్ర ఇస్తుందని ఆల్రెడీ ఫిక్స్ అయిపోయాడు. ఒకవేళ ఆదర్శ కుటుంబంతో క్లాష్ అవ్వాల్సి వచ్చినా రెండు పరస్పరం విరుద్ధ జానర్లు కాబట్టి ఎవరి ఆడియన్స్ వాళ్లకు విడిగా ఉంటారనే ఉద్దేశంతో విశ్వక్ ఢీ కొట్టడానికి రెడీ అయినట్టు సన్నిహితులు చెబుతున్న మాట.

ఈ ఏడాది ఫంకీ రూపంలో పెద్ద డిజాస్టర్ చూసిన విశ్వక్ సేన్ కల్ట్ మీద చాలా ఆశలు పెట్టుకున్నాడు. పైగా తనలో డైరెక్టర్ ని మరోసారి బయటికి తీశాడు. బాధ్యత మరింత పెరిగింది. ఖచ్చితంగా హిట్టు కొట్టాల్సిన టైంలో విపరీతమైన హింస ఉండే సబ్జెక్టు ఎంచుకున్న విశ్వక్ సేన్ కల్ట్ లో చాలా షాకులే ఇస్తాడని వినికిడి. కంటెంట్ క్లిక్ అయితే మాత్రం ఎక్కడికో వెళ్ళిపోతుందని రషెస్ చూసిన వాళ్ళు అంటున్నారు. చూడాలి మరి విశ్వక్ సై అంటే సై అంటాడా లేక ఆదర్శంతో పోటీ వద్దంటాడో.

This post was last modified on October 7, 2026 11:05 pm

Share

Recent Posts

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

56 minutes ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

1 hour ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

2 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

11 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

12 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

12 hours ago