Movie News

హీరోగా మాయమై.. దర్శకుడిగా తిరిగొచ్చాడు

కార్తికేయ గుమ్మకొండ.. ఎనిమిదేళ్ల ముందు టాలీవుడ్లో మార్మోగిన పేరిది. తన తొలి చిత్రం ‘ప్రేమతో మీ కార్తీక్’తో ఎలాంటి ప్రభావం చూపించలేకపోయినా.. రెండో సినిమా ‘ఆర్ఎక్స్ 100’తో ఓవర్ నైట్ స్టార్ అయిపోయాడీ యువ కథానాయకుడు. ఆ తర్వాత అతడికి అవకాశాలు వరుస కట్టాయి. దీపం ఉండగానే ఇల్లు చక్కదిద్దుకునే తరహాలో ముందు వెనుక చూడకుండా వరుసగా సినిమాలు చేసుకుంటూ పోయాడు.

హీరోగానే కాక విలన్‌గానూ ‘గ్యాంగ్ లీడర్’, ‘వలిమై’ లాంటి క్రేజీ సినిమాల్లో నటించాడు. కానీ ఇవేవీ అతడికి ఆశించిన ఫలితాలను ఇవ్వలేదు. కానీ మళ్లీ పుంజుకుని ‘బెదురు లంక 2012’, ‘భజే వాయు వేగం’ చిత్రాలతో మంచి విజయాలను అందుకున్నాడు. దీంతో కెరీర్ గాడిన పడ్డట్లే కనిపించింది. ఈ ఊపులో మరిన్ని మంచి సినిమాలు చేస్తాడనుకుంటే.. హఠాత్తుగా ఇండస్ట్రీ నుంచి మాయమైపోయాడు. రెండేళ్లకు పైగా కార్తికేయ పేరే వినిపించలేదు ఇండస్ట్రీలో. ఇలా గ్యాప్ తీసుకున్న నటులను ఇండస్ట్రీ జనాలే కాదు.. ప్రేక్షకులూ మరిచిపోతారు.

ఈ మధ్య సోషల్ మీడియాలో చాలామంది కార్తికేయ ఏమైపోయాడు అంటూ ‘దూకుడు’లో ప్రకాష్ రాజ్ మీమ్ ఒకటి వేసి అతణ్ని ట్రోల్ చేస్తున్న పరిస్థితి కనిపించింది. ఐతే ఎట్టకేలకు కార్తికేయ తన పునరాగమనానికి సిద్ధమయ్యాడు. అతను తన కొత్త సినిమాతో దర్శకుడిగా పరిచయం అవుతుండడం విశేషం. తన కోసం సొంతంగా కథ రాసుకుని స్వీయ నిర్మాణంలో సినిమా రూపొందించే ప్రయత్నంలో ఉన్నాడు కార్తికేయ. బుధవారం ఈ చిత్రానికి పెద్దగా హడావుడి లేకుండా ముహూర్త వేడుక కూడా పూర్తి చేశారు.

త్వరలోనే సినిమాను అధికారికంగా ప్రకటించబోతున్నారు. షూటింగ్ మొదలుపెట్టనున్నారు. దర్శకుడిగా అరంగేట్రం చేయడానికే కార్తికేయ ఇంత గ్యాప్ తీసుకున్నాడని అర్థమవుతోంది. సైలెంటుగా స్క్రిప్టు రెడీ చేసుకుని.. సినిమా తీయడానికి రెడీ అయ్యాడు. టాలీవుడ్లో ఈ మధ్య కొందరు యువ కథానాయకులు సొంతంగా సినిమాలు తీసుకుంటున్నారు. విశ్వక్సేన్, కిరణ్ అబ్బవరం బాటలోనే ఇప్పుడు కార్తికేయ కూడా మెగా ఫోన్ పట్టేశాడు. మరి తన రీఎంట్రీకి ఆ సినిమా ఎంతమేర ఉపయోగపడుతుందో చూడాలి.

This post was last modified on September 16, 2026 2:12 pm

Share

Recent Posts

3 వేల జీతం వచ్చే సర్పంచ్ స్థానాల కోసం కోట్ల ఎందుకు?

ఒక గ్రామానికి స‌ర్పంచ్‌. నిజానికి పెద్ద‌గా జీతం ఉండ‌దు. ప్ర‌భుత్వం నుంచి పెద్ద‌గా ఆద‌ర‌వు కూడా ద‌క్క‌దు. కేవ‌లం 3…

38 minutes ago

తెలంగాణ కోసం పని చేస్తున్నారా? ఐతే ఈ అవార్డు మీదే!

తెలంగాణ ప్ర‌జ‌ల కోసం.. తెలంగాణ స‌మాజం కోసం అనేక మంది క‌ష్ట‌ప‌డ్డారు. క‌ష్ట‌ప‌డుతున్నారు. అయితే.. వారికి స‌రైన గుర్తింపు లేక‌పోవ‌డం..…

3 hours ago

ఐపీఎల్‌తో ధోని మొత్తం ఆదాయం ఎంత?

ఐపీఎల్‌లో ఆటగాడిగా మహేంద్ర సింగ్ ధోనీ సంపాదన రూ.200 కోట్ల మార్కును దాటింది. 2008లో రూ.6 కోట్లతో మొదలైన అతడి…

4 hours ago

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

6 hours ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

7 hours ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

7 hours ago