ఎల్లుండి విడుదల కాబోతున్న చిత్రాల్లో అందరి దృష్టి కొరియన్ కనకరాజు మీదే ఉంది. కొద్దో గొప్పో తమిళ దర్శకుడు లోకేష్ కానగరాజ్ హీరోగా పరిచయమవుతున్న డిసి వైపు లేకపోలేదు. ఇవి కాకుండా ఇంకో రెండు మూడు సినిమాలు వస్తున్నాయి కానీ అవేవి ప్రేక్షకుల ఫోకస్ లో పెద్దగా లేవు. వాటిలో జిడిఎన్ ఒకటి. అంటే గోపాలస్వామి దొరస్వామి నాయుడు. మాధవన్ టైటిల్ రోల్ పోషిస్తున్న ఈ బయోపిక్ తెలుగు వెర్షన్ ని ఒరిజినల్ తో పాటు సమాంతరంగా ఆగస్ట్ 7 రిలీజ్ చేస్తున్నారు.
విచిత్రంగా మన ప్రేక్షకులకు కనెక్ట్ అయ్యేలా ఎలాంటి ప్రచారాలు చేయకపోవడంతో అసలిది వస్తున్న సంగతే రిజిస్టర్ కానంత వీక్ గా ప్రమోషన్లలో వెనుకబడింది. భారతదేశంలో తొలి ఎలెక్ట్రిక్ మోటార్ కనిపెట్టిన మహానుభావుడిగా జిడిఎన్ జీవితం ఒక స్ఫూర్తివంతమైన పుస్తకం లాంటిది. లెక్కలేనన్ని అవార్డులు గెలుచుకున్న ఈ గొప్ప ప్రతిభాశాలి లైఫులో ఎన్నో మలుపులు, డ్రామా ఉన్నాయి. వాటిని చూపించే ప్రయత్నం చేశారు దర్శకుడు కృష్ణ కుమార్ రామకుమార్.
జిడిఎన్ లో చెప్పుకోదగ్గ క్యాస్టింగ్ ఉంది. మాధవవ్ తో పాటు ప్రియమణి, సత్యరాజ్, జయరాం, దుశారా విజయన్, వినయ్ రాయ్, అదితి బాలన్ తదితరులు ఇందులో భాగం పంచుకున్నారు. గతంలో రాకెట్రి తీసిన నిర్మాతలే ఈ ప్యాన్ ఇండియా మూవీ నిర్మించడం విశేషం. బడ్జెట్ భారీగానే పెట్టారు. స్వాతంత్రం నాటి పరిస్థితులను రీ క్రియేట్ చేసి ఆర్ట్ వర్క్ విషయంలో చాలా శ్రద్ధ తీసుకున్నారు. ఇంతా చేసి ఓపెనింగ్స్ రావాలంటే ప్రచార ఘట్టాన్ని బాగా డిజైన్ చేసుకోవాలి.
మాధవన్ తన వంతుగా ఇంటర్వ్యూలు ఇస్తూ సినిమా విశేషాలు పంచుకునే ప్రయత్నం చేస్తున్నాడు. ట్రైలర్ ఆసక్తికరంగానే ఉంది. స్పైడర్ మ్యాన్ బ్రాండ్ న్యూ డే ప్రభంజనం ఇంకా కొనసాగుతుండగానే జిడిఎన్ థియేటర్లలో అడుగు పెడుతున్నాడు. పైగా పెద్ద కాంపిటీషన్ స్వాగతం చెబుతోంది. మౌత్ టాక్ తోనే ఇలాంటి సినిమాలు నిలబడతాయి. మరి మాధవన్ ఈ విషయంలో పాజిటివ్ రెస్పాన్స్ తెచ్చుకుంటే కమర్షియల్ గా వర్కౌట్ చేసుకోవచ్చు. లేదంటే ఎదురీదాల్సి ఉంటుంది.
This post was last modified on August 5, 2026 5:25 pm
రాజకీయ నాయకుల ప్రసంగాలు సాధారణంగా ప్రజా సమస్యలు, ప్రభుత్వ విధానాలు, రాజకీయ భవిష్యత్తు చుట్టూనే సాగుతుంటాయి. కానీ ఆస్ట్రేలియాలో ఓ…
నేచురల్ స్టార్ నానికి హీరోగా కంటే నిర్మాతగా ఎక్కువ క్రెడిబిలిటీ ఉంది అంటే అతిశయోక్తి కాదు. తాను హీరోగా నటించినా,…
ఓవైపు డబ్బింగ్ సినిమాలేమో ఒక్కొక్కటిగా దున్నేస్తున్నాయి. తెలుగు సినిమాల కంటెంట్ ఏమో వీక్గా ఉంటోంది. అవిప్రేక్షకుల ఆదరణకు నోచుకోవడం లేదు.…
అరుదైన వ్యాధితో బాధపడుతున్న చిన్నారులకు మందులు అందుబాటులో ఉన్నా.. వాటి ధర కోట్ల రూపాయల్లో ఉండటంతో తల్లిదండ్రులు చికిత్స చేయించలేని…
వైసీపీ మీద మరోసారి విరుచుకొని పడ్డారు ఎమ్మెల్సీ నాగబాబు. వైసీపీ ఒక డెడ్ బాడీ అని, దాన్ని పట్టించుకోవాల్సిన అవసరం లేదని…
వచ్చే వారం నవంబర్ 27 విడుదల కావాల్సిన హైందవ వాయిదా వేసినట్టు విశ్వసనీయ వర్గాల సమాచారం. కొత్త రిలీజ్ డేట్…