వచ్చే వారం జూలై 24 విడుదల కాబోతున్న చెన్నై లవ్ స్టోరీ మీద క్రమంగా పాజిటివ్ బజ్ పెరుగుతోంది. టీమ్ చెప్పిన స్థాయిలో మణిశర్మ పాటలు బ్రహ్మాండాన్ని బద్దలు కొట్టేయలేదు కానీ ఉన్నంతలో మంచి వ్యూస్ తో అంచనాలు పెంచేందుకు తోడ్పడ్డాయి. కిరణ్ అబ్బవరం తన కెరీర్ బెస్ట్ మూవీగా దీనికే కిరీటం పెట్టేయగా నిర్మాతలుగా వ్యవహరిస్తున్న సాయిరాజేష్, ఎస్కెఎన్, ధీరజ్ మొగిలినేని హిట్టు ఖాయమనే నమ్మకంతో కనిపిస్తున్నారు. ఇక శకునాల విషయానికి వద్దాం.
ముందు వెనుకా చెన్నై లవ్ స్టోరీకి పెద్దగా కాంపిటీషన్ లేదు. జూలై 17 తెలుగులో ఏడెనిమిది సినిమాలు రిలీజవుతున్నా వాటిలో ఒక్కదానికి కూడా సరైన బజ్ లేదు. యునానిమస్ గా దేనికైనా టాక్ వస్తే తప్ప అవి నిలదొక్కుకోలేవు. క్రిస్టోఫర్ నోలన్ ది ఒడిస్సి ఉంది కానీ బిసి సెంటర్స్ లో దీని ప్రభావం ఒక మోతాదు వరకే ఉంటుంది. రెండో వారంలో అదింకా తగ్గిపోతుంది. సో చేతిలో ఉన్న తొమ్మిది రోజులు కిరణ్ టీమ్ పబ్లిసిటీ బాగా చేసుకుంటే ఓపెనింగ్స్ పెంచుకోవచ్చు.
ఇక ఒక రోజు ముందు వస్తున్న జన నాయకుడు గురించి చెన్నై లవ్ స్టోరీ టెన్షన్ పడటం లేదు. ఏపీ తెలంగాణలో విజయ్ కు ఎంత పెద్ద రిలీజ్ దక్కినా అది భగవంత్ కేసరి రీమేక్ కావడం వల్ల మన జనాలు పొలోమని థియేటర్లకు పోవడం ఉండదు. అభిమానులు మొదటి రోజు స్వాగతం చెప్పినా తర్వాత రావాల్సింది కామన్ ఆడియన్సే. ఆల్రెడీ బాలయ్యని అదే కథలో చూశాక మళ్ళీ విజయ్ ని ఫ్రెష్ గా చూడమంటే మాస్ జనాలకు పనయ్యే వ్యవహారం కాదు.
అటుపై వారం శ్రీనివాస మంగాపురం ఉంది కానీ ఆలోగా చెన్నై లవ్ స్టోరీ కనక పాజిటివ్ టాక్ తో స్టాండ్ అయితే ఎలాంటి ఇబ్బంది ఉండదు. పేరుకి సాఫ్ట్ లవ్ స్టోరీలా అనిపించినా అసలు సినిమాలో బోలెడంత ఎమోషన్లు ట్విస్టులు ఉంటాయట. వాటిని టీజర్ లో ట్రైలర్ లో చూపించకుండా జాగ్రత్త పడతారట. చెన్నై లవ్ స్టోరీ హిట్ అయితే కిరణ్ అబ్బవరం మార్కెట్ మరింత పెరుగుతుంది. ఇదే ఏడాది తన డైరెక్షన్ డెబ్యూ సినిమా కూడా విడుదల కానుంది కాబట్టి దానికీ ప్లస్ అవుతుంది.
This post was last modified on July 15, 2026 10:26 pm
ఇటీవల జరిగిన మునిసిపల్ కార్పొరేషన్ ఎన్నికల్లో మిగిలిపోయిన కార్పొరేషన్ స్థానాలకు, అలానే మునిసిపాలిటీలకు త్వరలోనే ఎన్నికలు జరగనున్నాయి. ఈ నేపథ్యంలో…
ఏపీ సీఎం చంద్రబాబుతో రాష్ట్ర కాంగ్రెస్ పార్టీ చీఫ్ వైఎస్ షర్మిల భేటీ అయ్యారు. ఆదివారం సాయంత్రం షర్మిల.. హైదరాబాద్లోని…
వచ్చే శుక్రవారం దక్షిణాదిన మంచి అంచనాల మధ్య విడుదల కాబోతున్న సినిమా.. ఆకాశంలో ఒక తార. దుల్కర్ సల్మాన్ హీరోగా…
ఏపీ రాజధాని అమరావతి ప్రాంతంలో భూముల వ్యవహారంపై తమ కుటుంబానికి సంబంధించి అసత్య ఆరోపణలతో కథనాలు ప్రచురించారంటూ వైసీపీ అధినేత…
ప్రపంచ టెక్నాలజీ రంగంలో ప్రస్తుతం ఆర్టిఫిషియల్ ఇంటెలిజెన్స్ కీలక శక్తిగా ఎదుగుతోంది. ఈ మార్పులో ఎన్విడియా సంస్థ పోషిస్తున్న పాత్ర…
న్యాయం కోసం కోర్టు మెట్లు ఎక్కిన సామాన్యుడికి తీర్పు ఎప్పుడు వస్తుందో తెలియని పరిస్థితి నెలకొంది. కేసు నమోదు చేసినప్పటి…