క్రాక్‍ బుకింగులు వీక్‍!

రవితేజ క్రాక్‍ సినిమాకు ఇండస్ట్రీలో, ట్రేడ్‍ వర్గాలలో క్రేజ్‍ బాగానే వుంది. ఎందుకంటే నాలుగు ఫ్లాపుల తర్వాత కూడా ఈ చిత్రానికి కరోనా సమయంలో, సగం టికెట్లే అమ్మాల్సిన రూలు అమల్లో వున్న వేళ చాలా మంచి బిజినెస్‍ జరిగింది. తెలుగు రాష్ట్రాల నుంచే దాదాపు పద్ధెనిమిది కోట్లు వచ్చాయి. రవితేజ గత నాలుగు చిత్రాలు ప్రపంచ వ్యాప్తంగా కూడా పది కోట్ల షేర్‍ రాబట్టలేకపోయాయి. దీనిని బట్టి క్రాక్‍ని ట్రేడ్‍ ఎంత గట్టిగా నమ్ముతుందనేది అర్థమవుతోంది.

ఈ సినిమా ట్రెయిలర్‍కు కూడా చాలా మంచి వ్యూస్‍ వచ్చాయి. పాటలకు కూడా స్పందన బాగానే వుంది. అయితే అదంతా అడ్వాన్స్ బుకింగ్‍ విషయంలో కనిపించడం లేదు. సినిమాలకు జనం మొహం వాచిపోయి వున్నారని అందరూ నమ్ముతోన్న టైమ్‍లో ఇది మంచి పరిణామం కాదు. అందులోను ఈ చిత్రం శుక్రవారం కాకుండా వీకెండ్‍ చూసుకుని శనివారం రిలీజ్‍ అవుతోంది. బహుశా రవితేజ ఇటీవలి కాలంలో చేసిన సినిమాల ఎఫెక్టు కూడా కావచ్చు లేదా మల్టీప్లెక్స్ ల సినిమా కాదనే భావన అయివుండొచ్చు. ఏదేమైనా క్రాక్‍ టాక్‍ తెచ్చుకుంటే తప్ప పండక్కి ముందొచ్చిన అడ్వాంటేజ్‍ని క్యాష్‍ చేసుకోడం కష్టం కావచ్చు.