టాలీవుడ్ లో ఇప్పుడున్న ట్రెండ్ ఏంటంటే, అయితే వరల్డ్ బిల్డింగ్ లేదా ప్యాన్ ఇండియా. వీటి పేరుతో ఎలివేషన్లు ఉన్న కథలు రాస్తున్నారు. అడవి, దశాబ్దాల వెనుక ప్రపంచం, వింత శక్తులు ఉన్న పల్లెటూరు, గ్యాంగ్ స్టర్ మాఫియా, నేర సామ్రాజ్యం ఇలా ఒక పది రకాల కాన్సెప్టుల చుట్టే దర్శకులు చక్కర్లు కొడుతున్నారు. నిర్మాతలు కూడా ఇవే కావాలంటూ కోట్లకు కోట్లు ధారపోస్తున్నారు. ఇలాంటి తొందరపాటు చర్యల వల్లే రిలీజ్ ఆగిపోయిన పెద్ద సినిమాలు అయిదారు దాకా ఉన్నాయి.
అసలు జానర్ ని మన రచయితలు నిర్లక్ష్యం చేయడం ముమ్మాటికి తప్పే. తాజాగా వచ్చిన మా ఇంటి బంగారం మంచి ఉదాహరణగా నిలుస్తోంది. బడ్జెట్ హద్దులు మీరలేదు. పదుల కొద్దీ లొకేషన్లు, గ్రీన్ మ్యాట్లు, విఎఫ్ఎక్స్, విదేశీ ప్రయాణాలు ఇవేవి లేకుండా సింపుల్ గా ఫ్యామిలీ ఎలిమెంట్స్ తో కూడిన ఒక క్లీన్ స్టోరీ రాశారు రాజ్ నిడిమోరు. దానికి తన అనుభవం ఉపయోగించిన దర్శకురాలు నందిని రెడ్డి మంచి అవుట్ ఫుట్ ఇచ్చి సమంత ఖాతాలో భారీ బ్లాక్ బస్టర్ వేశారు.
ఈ వాస్తవాన్ని చరిత్ర చాలా సార్లు చెప్పింది. మూస చిత్రాలు రాజ్యమేలుతున్న టైంలో నాగార్జున నిన్నే పెళ్లాడతా రికార్డులు బద్దలు కొట్టింది. వెంకటేష్ కలిసుందాం రా సాధించిన మైలురాళ్ళు గురించి చెప్పాలంటే పుస్తకాలు సరిపోవు. జూనియర్ ఎన్టీఆర్ బృందావనం, మహేష్ వెంకటేష్ సీతమ్మ వాకిట్లో సిరిమల్లె చెట్టు, ప్రభాస్ మిస్టర్ పర్ఫెక్ట్ మొదలైన సినిమాల్లో కమర్షియల్ ఎలిమెంట్స్ అతిగా ఉండవు. మితంగా ఉంటూనే క్లాసు మాస్ ఆడియన్స్ ని బ్రహ్మాండంగా మెప్పించాయి.
మళ్ళీ అలాంటి ట్రెండ్ ఊపిరి పోసుకోవాలి. అప్పుడే సినిమాలు వేగంగా పూర్తవుతాయి. జెన్ జీ పేరుతో సింపుల్ గా తప్పించుకుంటే కుదరదు. ప్రసాద్ మల్టీప్లెక్స్ లో మా ఇంటి బంగారం మహిళలకు స్పెషల్ షో వేస్తే స్క్రీన్ దగ్గర డాన్స్ చేసింది పాతికేళ్ల లోపు యువతులే. సో కాన్సెప్ట్ బాగుండాలే కానీ అన్నీ కెజిఎఫ్ పుష్పలే కావాలని జనాలు కోరుకోవడం లేదు. కుటుంబ కథా చిత్రాలు అనే ట్యాగ్ లో ఎంత బలముందో హిస్టరీ బుక్స్ ని మరోసారి తిరగేసి మన రైటర్లు ఆ దిశగా ఆలోచించడం అవసరం.
This post was last modified on June 25, 2026 10:52 pm
నెల్సన్ దిలీప్ కుమార్.. ప్రస్తుతం సౌత్ ఇండియాలో మోస్ట్ వాంటెడ్ డైరెక్టర్లలో ఒకడు. సూపర్ స్టార్ రజినీకాంత్తో అతను తీసిన…
పుట్టి పెరిగింది కర్ణాటకలో అయినా.. కథానాయికగా పరిచయమైంది కూడా కన్నడ ఇండస్ట్రీలోనే అయినా.. శ్రీలీల అచ్చమైన తెలుగమ్మాయే. ‘పెళ్ళిసంద-డి’ చిత్రంతో…
``దాదాపు 17 ఏళ్లకుపైగానే దోషులు జైల్లో ఉన్నారు. ఇక, చాలు. వారిని ఇంటికి పంపేయొచ్చు.`` అని 2002 నాటి బిల్కిస్…
సీనియర్ నటి, పవన్ కళ్యాణ్ మాజీ భార్య రేణు దేశాయ్ చాలా రోజుల తర్వాత ఒక సినిమాలో కనిపించబోతున్నారు. ఆ…
తెలుగు సంగీత ప్రపంచంలో సినిమా పాటలకే కాదు.. జానపద గీతాలకు కూడా భారీ ఆదరణ లభిస్తోందని మరోసారి ప్రూవ్ అయ్యింది.…
తక్కువ టైంలో బెస్ట్ క్వాలిటీ, రీజనబుల్ బడ్జెట్ లో అత్యధిక రిటర్న్స్ తెచ్చిపెట్టగల దర్శకులు ఎవరయ్యా అంటే టాలీవుడ్ మొత్తం…