ఈ రోజుల్లో పెద్ద సినిమాలకే ఆశించిన స్థాయిలో ప్రేక్షకులు థియేటర్లకు రావడం లేదు. అలాంటపుడు చిన్న స్థాయి సినిమాలను జనాల్లోకి తీసుకెళ్లడం, వారికి థియేటర్లకు తీసుకురావడం సవాలుగా మారిపోయింది. ఈ నేపథ్యంలో తమ చిత్రాల గురించి ఫిలిం మేకర్స్ పెద్ద పెద్ద స్టేట్మెంట్లు ఇచ్చేస్తున్నారు. లేదంటే లేని పోని కాంట్రవర్శీలు కూడా లేవనెత్తుతున్నారు.
సినిమాను ప్రమోట్ చేయడంలో వారి తాపత్రయం అర్థం చేసుకోదగ్గదే కానీ.. కొన్నిసార్లు వాళ్లిచ్చే స్టేట్మెంట్లకు తగ్గట్లు సినిమా లేకపోతే అవి ట్రోల్ మెటీరియల్స్గా మారిపోయే ప్రమాదమూ ఉంటుంది. జులై 3న తెలుగు ప్రేక్షకుల ముందుకు రాబోతున్న రావు బహదూర్ సినిమా గురించి హీరో సత్యదేవ్ ఇచ్చిన స్టేట్మెంట్లు కొంచెం అతిగానే అనిపిస్తున్నాయి సోషల్ మీడియా జనాలకు.
మహేష్ బాబు నిర్మాణంలో తెరకెక్కిన ఈ చిత్రాన్ని కేరాఫ్ కంచరపాలెం దర్శకుడు వెంకటేష్ మహా రూపొందించాడు. ఇంతకుముందు రిలీజ్ చేసిన రావు బహదూర్ గ్లింప్స్, తాజాగా లాంచ్ చేసిన టీజర్ చాలా కొత్తగా, ప్రామిసింగ్గా అనిపించిన మాట వాస్తవం. విజువల్స్.. కాన్సెప్ట్ స్టన్నింగ్గా అనిపించాయి.
కెరీర్లో ఇప్పటికే ఎన్నో ప్రయత్నాలు చేసినా హీరోగా సరైన బ్రేక్ రాక ఇబ్బంది పడుతున్న సత్యదేవ్.. ఈ చిత్రం తాను కోరుకునే బ్రేక్ ఇస్తుందని ఆశిస్తున్నాడు. కెరీర్లో బిగ్గెస్ట్, మోస్ట్ ప్రామిసింగ్ మూవీ చేసిన ఎగ్జైట్మెట్లో అతను తన చిత్రాన్ని బాహుబలి, ఆర్ఆర్ఆర్ లాంటి మెగా మూవీస్తో పోల్చేసుకున్నాడు.
ఆ సినిమాల గురించి ఇతర ఇండస్ట్రీల వాళ్లు ఎలా మాట్లాడుకుంటారో.. రావు బహదూర్ గురించి కూడా అలాగే చర్చించుకుంటారని.. మన వాళ్లు ఎప్పుడూ ఇతర భాషల్లో వచ్చిన గొప్ప సినిమాల గురించి మాట్లాడుతుంటారని, అలాగే రావు బహదూర్ దేశవ్యాప్తంగా చర్చనీయాంశం అవుతుందని అతనన్నాడు.
అంతే కాక వెంకటేష్ మహా కల్ట్ మూవీ కేరాఫ్ కంచరపాలెం చిత్రాన్ని రావు బహదూర్ బ్రేక్ ఫాస్ట్లో తినేస్తుందని కూడా సత్యదేవ్ ఒక పెద్ద స్టేట్మెంట్ ఇచ్చాడు. సినిమా మీద నమ్మకం ఉండడం మంచిదే కానీ.. ఇలా మరీ పెద్ద స్టేట్మెంట్లు ఇచ్చేస్తే, సినిమా అంచనాలకు తగ్గట్లు లేని పక్షంలో విమర్శలు ఎలా ఉంటాయో కూడా దృష్టిలో ఉంచుకుంటే మంచిదేమో. ఈ ఈవెంట్లో మిగతా టీమ్ సభ్యులు సైతం రావు బహదూర్ గురించి మరీ ఎక్కువ చెప్పుకున్నారనే అభిప్రాయాలు సోషల్ మీడియాలో వ్యక్తమవుతున్నాయి.
This post was last modified on June 13, 2026 6:27 am
చిరంజీవి పుట్టినరోజు ఇంకో ఆరు రోజుల్లో రానుంది. రెండు కీలక అప్డేట్స్ కోసం అభిమానులు ఎదురు చూస్తున్నారు. మెగా 158…
ఇంకో పది రోజుల్లో టాక్సిక్ విడుదల కానుంది. కెజిఎఫ్ తర్వాత సుమారు నాలుగేళ్ల విలువైన కాలాన్ని దీని కోసమే ఖర్చు…
ఏపీలో వచ్చే సెప్టెంబరులో నిర్వహించాలని భావిస్తున్న స్థానిక సంస్థల ఎన్నికలను బ్యాలెట్ విధానంలోనే నిర్వహించాలని రాష్ట్ర ఎన్నికల సంఘం నిర్ణయించింది. దీంతో…
తెలంగాణాలో స్థానిక ఎన్నికలు దగ్గర పడుతున్న కొద్ది అధికార, ప్రతిపక్ష పార్టీల మధ్య విమర్శలు జోరందుకుంటున్నాయి. దీంతో రాజకీయ వేడి రాజుకుంటుంది.…
విజయనగరం జిల్లాలోని భోగాపురంలో అధునాతన వసతులతో నిర్మించిన అల్లూరి సీతారామరాజు అంతర్జాతీయ గ్రీన్ ఫీల్డ్ విమానాశ్రయం కార్యకలాపాలు ఆదివారం అర్ధరాత్రి…
బండ్ల గణేష్ అనే నటుడు ఎప్పుడూ తెలుగులో పెద్ద పాత్రలు చేసింది లేదు. నటుడిగా అతడిది గొప్ప కెరీర్ కాదు.…