గత కొన్నేళ్లుగా సరైన హిట్ లేక అభిమానులను బాధ పెడుతున్న మాస్ మహారాజ రవితేజ ఎట్టకేలకు రూటు మార్చేశారు. రొటీన్ ఫార్ములాకు దూరంగా వెళ్లే ప్రయత్నంలో చేసిన ఇరుముడి విడుదలకు రెడీ అవుతోంది. రిలీజ్ డేట్ ఇంకా ప్రకటించలేదు కానీ ఆగస్ట్ లో వచ్చే అవకాశాలు ఎక్కువగా ఉన్నాయి. మజిలీ, టక్ జగదీశ్, ఖుషి ఫేమ్ శివ నిర్వాణ దర్శకత్వం వహించిన ఇరుముడికి జివి ప్రకాష్ కుమార్ సంగీతం సమకూర్చారు. ఇవాళో చిన్న టీజర్ లాంచ్ చేశారు.
పూర్తిగా కాదు కానీ స్టోరీ లైన్ క్లుప్తంగా రివీల్ చేశారు. కూతురే ప్రాణంగా బ్రతికే ఒక తండ్రికి తాగుడు అలవాటు ఉంటుంది. అయితే దాన్ని తొలుత నిర్లక్ష్యం చేసే క్రమంలో వీళ్లిద్దరికీ అనుకోని ప్రమాదాలు ఎదురవుతాయి. దీంతో మందు మానేయాలంటే అయ్యప్ప స్వామి మాల వేసుకోవడం మంచి మార్గమని భావించి కూతురితో పాటు దీక్ష తీసుకుంటాడు. ఇంతకీ ఈ కుటుంబాన్ని కమ్మిన శత్రువులు ఎవరు, ఇంత ఫ్లాష్ బ్యాక్ ఏంటి, భార్య ఏమయ్యింది లాంటి ప్రశ్నలకు సమాధానమే సినిమా.
హడావిడి లేకుండా, సింపుల్ ఫాదర్ డాటర్ ఎమోషన్ తో మంచి ఫీల్ అయితే ఇచ్చారు శివ నిర్వాణ. అలాని మాస్ అంశాలు టచ్ చేయలేదని కాదు. కత్తి పట్టుకుని రౌడీల భుజాలను ఎక్కి వాళ్ళ భరతం పట్టే శాంపిల్ కూడా పొందుపరిచారు. మొత్తానికి ఫ్యామిలీ ఆడియన్స్ తో పాటు అయ్యప్ప భక్తులను లక్ష్యంగా చేసుకున్న ఇరుముడికి పాజిటివ్ వైబ్స్ అయితే కనిపిస్తున్నాయి. గతంలో స్టార్ హీరోతో ఇలాంటి బ్యాక్ డ్రాప్ ఎవరూ చేయలేదు.
చిరంజీవి బిగ్ బాస్ లో కొన్ని సన్నివేశాల్లో మాత్రమే హీరో మాలలో కనిపిస్తాడు కానీ ఇలా ఇరుముడి లాంటి టైటిల్ పెట్టి అయ్యప్ప నేపధ్యాన్ని హైలైట్ చేయడం ఇదే మొదటిసారి. జనవరిలో భర్త మహాశయులకు విజ్ఞప్తితో ఆశించిన ఫలితం అందుకోలేకపోయిన రవితేజ ఈసారి ఇరుముడితో హిట్టు కొట్టాల్సిందే. ఫ్యాన్స్ నుంచి ఈ సినిమాకు మంచి మద్దతు కనిపిస్తోంది. కోలీవుడ్ ఫేమ్ ప్రియా భవాని శంకర్ హీరోయిన్ గా నటిస్తుండగా విలన్ తదితర వివరాలు ఇంకా రివీల్ చేయలేదు.
This post was last modified on June 3, 2026 12:21 pm
పిల్లలను పెంచడం తల్లి ఒక్కరి బాధ్యత మాత్రమేనా? పిల్లలకు ఆహారం పెట్టడం, డైపర్ మార్చడం, స్నానం చేయించడం వంటి పనులు…
బాహుబలి సహా కొన్ని సినిమాలు పాన్ ఇండియా స్థాయిలో ఘనవిజయం సాధించి తెలుగు సినిమాలకు మేలుచేశాయో, చేటు చేశాయో తెలియని…
తెలంగాణ కాంగ్రెస్ పార్టీ వ్యవహారాల కొత్త ఇన్ఛార్జ్గా బీఎం సందీప్ నియమితులయ్యారు. తాజాగా హైదరాబాద్కు వచ్చిన ఆ పార్టీ అగ్రనేత…
ఏపీలో కూటమి ప్రభుత్వం త్వరలోనే పూర్తిస్థాయిలో డిజిటల్ పాలనను అందించేందుకు సిద్ధమైంది. ఇప్పటి వరకు కూడా పాలన విషయాల్లో చాలా…
స్థానిక ఎన్నికల్లో పరాజయం తర్వాత.. వైసీపీలో మరింతగా సహాయ నిరాకరణ పెరిగిందా? నాయకుల తీరు మారుతోందా? అంటే.. ఔననే సమాధానమే…
ఏపీలో గ్రామ పంచాయతీ ఎన్నికల పర్వం ప్రారంభమైంది. మూడు విడతల్లో రాష్ట్ర వ్యాప్తంగా ఉన్న గ్రామ పంచాయతీలకు ఎన్నికలను నిర్వహించనున్నారు.…