Movie News

యువ హీరోకి బాబాయితో చెడిందా

యువ కథానాయకుడు రామ్ పోతినేని తన పుట్టిన రోజు సందర్భంగా అభిమానులకు పెద్ద సర్ప్రైజే ఇచ్చాడు. తన కొత్త సినిమాను అనౌన్స్ చేస్తూ.. దీనికి తనే రచయిత-దర్శకుడు అని ప్రకటించాడు. ఈ చిత్రంలో రామ్ ‘వీర’ అనే పాత్రలో కనిపించబోతున్నాడు. ముఖం చూపించకుండా బ్యాక్ లుక్‌తో ప్రేక్షకుల్లో క్యూరియాసిటీ పెంచేలా ప్రి లుక్ పోస్టర్ డిజైన్ చేయించుకున్నాడు రామ్.

ఒక మాస్ హీరో ఇలా తనే సొంతంగా కథ రాసుకుని డైరెక్ట్ చేయడం అన్నది అరుదైన విషయమే. పైగా ఇదేమీ రెగ్యులర్ మాస్ మసాలా సినిమా కూడా కాదట. ఇదొక సైకలాజికల్ థ్రిల్లర్ అంటున్నారు. మరి మాస్ సినిమాలకు పెట్టింది పేరైన రామ్.. స్వీయ దర్శకత్వంలో ఇలాంటి వైవిధ్యమైన సినిమాతో ఎలా మెప్పిస్తాడో చూడాలి.

ఈ సినిమాకు సంబంధించి మరో విశేషం ఏంటంటే.. రామ్ సోదరుడైన కృష్ణ పోతినేని ఈ చిత్రంతో నిర్మాతగా మారుతున్నాడు. కాబట్టి ఇది అసలైన రామ్ ‘సొంత’ సినిమాగా చెప్పొచ్చు. ఐతే రామ్‌కు ఇప్పటికే ఒక హోం బేనర్ ఉంది. అదే.. స్రవంతి మూవీస్. అది రామ్ పెదనాన్న, లెజెండరీ ప్రొడ్యూసర్ రవికిషోర్‌ది.

ఆ బేనర్ మీద ఎన్నో అద్భుతమైన సినిమాలు నిర్మించారాయన. రామ్‌‌తోనూ రెడీ, ఎందుకంటే ప్రేమంట, శివమ్, నేను శైలజ, రెడ్.. ఇలా చాలా సినిమాలు తీశారు రవికిషోర్. ఐతే ఆ బేనర్ ఉండగా.. రామ్ సొంతంగా వేరే బేనర్ పెట్టుకోవడం ఆశ్చర్యం కలిగించే విషయం.

కొన్నేళ్లుగా రవికిషోర్ సినిమాల నిర్మాణానికి దూరంగా ఉన్నారు. రామ్ కెరీర్లో కూడా జోక్యం చేసుకుంటున్నట్లుగా కనిపించడం లేదు. ఐతే బాబాయితో చెడి రామ్ సొంత బేనర్ మొదలుపెట్టాడా అనే చర్చ జరుగుతోంది.

కానీ ప్రస్తుత పరిస్థితుల్లో సినిమా నిర్మాణం జూదంలా మారిపోయిన నేపథ్యంలో నిర్మాతగా తాను ఇమడలేనన్న ఉద్దేశంతోనే రవికిషోర్ ప్రొడక్షన్‌కు దూరంగా ఉన్నారని.. అందుకే రామ్ సొంతంగా బేనర్ పెట్టుకుని సినిమా చేయాల్సి వస్తోందని.. అంతకుమించి బాబాయితో గొడవలేమీ లేవని తెలుస్తోంది.

This post was last modified on May 15, 2026 4:37 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

2 hours ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

2 hours ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

2 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

2 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

3 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

3 hours ago