కమెడియన్ సత్య హీరోగా రూపొందిన జెట్లీ రేపు విడుదలకు రెడీ అయిపోయింది. ప్రమోషన్ల పరంగా టీమ్ ఎంత చేయాలో అంతా చేసింది. ఇక తీర్పు చెప్పాల్సింది ప్రేక్షకులే. ఇప్పటిదాకా చాలా సినిమాల్లో బలమైన హాస్య పాత్రలతో తన ఉనికిని చాటుకున్న సత్య మత్తువదలరా లాంటి మూవీస్ తో ఆడియన్స్ కి మరింత దగ్గరయ్యాడు. అయితే ఇప్పుడు సోలో హీరోగా బాధ్యత మొత్తం తన భుజాల మీద వేసుకుని వెరైటీ యాక్షన్ థ్రిల్లర్ తో జనాల ముందుకు రాబోతున్నాడు.
ఒకవేళ జెట్లీ కనక హిట్ టాక్ తెచ్చుకుంటే సత్య జాక్ పాట్ కొట్టినట్టే. ఎందుకంటే సమ్మర్ హాలిడేస్ లో థియేటర్లు ఖాళీగా ఉన్నాయి. డెకాయిట్ తర్వాత ఇంకేదీ కనీస స్థాయిలో పబ్లిక్ ని ఆకట్టుకోలేదు. దీంతో వేస్తున్న షోల కన్నా క్యాన్సిల్ అవుతున్నవి రెట్టింపు సంఖ్యలో ఉంటున్నాయి. ఇది ప్రతి సెంటర్ లో కనిపిస్తున్న దృశ్యం. జెట్లీతో పాటు వస్తున్న గాయపడ్డ సింహం ఈ అవకాశాన్ని వాడుకోవడం గురించి బయ్యర్ వర్గాలు ఆసక్తిగా ఎదురు చూస్తున్నాయి.
గతంలో కమెడియన్లు హీరోగా బ్లాక్ బస్టర్స్ సాధించిన దాఖలాలు ఎన్నో ఉన్నాయి. అలీని పెట్టి ఎస్వి కృష్ణారెడ్డి యమలీల ప్రకటించినప్పుడు అందరూ నవ్వుకున్నారు. కట్ చేస్తే 1994 ఏప్రిల్ నెలలో నాగార్జున హలో బ్రదర్, బాలకృష్ణ భైరవ ద్వీపం, రాజశేఖర్ అన్న లాంటి సూపర్ హిట్స్ పోటీని తట్టుకుని యమలీల అద్భుత విజయాన్ని సొంతం చేసుకుంది. జెట్లీ ఆ స్థాయిలో ఉంటుందని చెప్పడం లేదు కానీ కంటెంట్ ఉంటే ప్రభావం ఎలా ఉంటుందో చెప్పడానికి ఇదే ఉదాహరణ.
సునీల్ కూడా సోలో హీరోగా మంచి కెరీర్ చూశాడు. తర్వాత మళ్ళీ క్యారెక్టర్ ఆర్టిస్టుగా మారిపోయాడు. ఇప్పుడు జెట్లీతో సత్య కేవలం హీరోగా నటిస్తాడని కాదు కానీ మార్కెట్, ఇమేజ్ రెండూ పెరిగే ఛాన్స్ అయితే వాడుకోవాలి. గాయపడ్డ సింహంని మినహాయిస్తే పోటీలో ఉన్న డబ్బింగ్ సినిమాల ప్రభావం అంతంత మాత్రంగా ఉండటం జెట్లీ క్యాష్ చేసుకోవాలి. ముఖ్యంగా వీకెండ్ దాకా సాలిడ్ గా నిలబడితే చాలు వేగంగా బ్రేక్ ఈవెన్ అందుకుకోవచ్చు. చూడాలి మరి ఏం చేస్తాడో.
ఉప ముఖ్యమంత్రి పవన్ కల్యాణ్ తన పేరు వెనుక ఉన్న ఆసక్తికరమైన కథను వెల్లడించారు. జాతీయ మీడియాకు ఇచ్చిన ఇంటర్వ్యూలో…
ఏపీ ప్రభుత్వ పాఠశాలల్లో ప్రముఖ ప్రవచ కర్త చాగంటి కోటేశ్వరరావు ప్రసంగాలను పాఠ్యాంశాలుగా ప్రవేశ పెడుతున్నట్టు ప్రకటించింది. దీనికి సంబంధించి…
ఏపీలో కూటమిగా ఏర్పడిన టిడిపి, జనసేన, బిజెపిలు అధికారంలోకి వచ్చి రెండు సంవత్సరాలు పూర్తయింది. ఈ క్రమంలో కూటమికి నేతృత్వం…
ఓ రాజకీయ పార్టీ తనను వేధించిన విషయంపై అలుపెరగని పోరాటం చేసి తీరుతుంది. అలా చేయకుంటే… అది రాజకీయ పార్టీ…
భారత దేశ ప్రధాన మంత్రి నరేంద్ర మోదీ బుధవారం ఓ అరుదైన రికార్డును సొంతం చేసుకున్నారు. దేశానికి అత్యధిక కాలం…
జనసేన అధినేత, ఏపీ డిప్యూటీ సీఎం పవన్ కల్యాణ్ మరోమారు తెలంగాణ అంశం మీద నోరు విప్పారు. భారత దేశంలో…