బంగార్రాజు సినిమా గురించి చర్చ ఈనాటిది కాదు. 2016 సంక్రాంతికి ‘సోగ్గాడే చిన్నినాయనా’ విడుదలై భారీ విజయం అందుకున్న కొన్ని నెలల నుంచే.. ఆ చిత్రంలో ప్రధాన పాత్ర అయిన బంగార్రాజు బ్యాక్ స్టోరీతో ఓ సినిమా తీయడానికి సన్నాహాలు మొదలయ్యాయి. ఈ స్క్రిప్టు మీద దర్శకుడు కళ్యాణ్ కృష్ణ కురసాల మూడేళ్లకు పైగానే పని చేస్తున్నాడు. కానీ దాన్ని నాగార్జున ఓ పట్టాన ఓకే చేయట్లేదు. ఈ సినిమా చేయడం పక్కా, అది కూడా సొంత బేనర్లోనే అంటున్నాడే తప్ప.. స్క్రిప్టుకు ఆమోద ముద్ర వేసి షూటింగ్ మాత్రం మొదలుపెట్టట్లేదు.
‘బంగార్రాజు’ స్క్రిప్టు ఓకే అయిందని, ఇక షూటింగే మొదలు కావడమే ఆలస్యం అని వార్తలు రావడం.. ఆ తర్వాత బ్రేక్ పడటం .. ఇలా చాలాసార్లు జరిగింది ఇప్పటికే. దీంతో ‘బంగార్రాజు’ వార్తలపై జనాలకు కూడా ఆసక్తి సన్నగిల్లిపోయింది. మొదలైనపుడు చూసుకుందాంలే అన్నట్లు లైట్ తీసుకుంటున్నారు.
ఐతే అక్కినేని వారి కాంపౌండ్ నుంచి అందుతున్న తాజా సమాచారం ప్రకారం.. ఎట్టకేలకు 2021 ఆరంభంలో ఈ సినిమా పట్టాలెక్కబోతోందట. నాగార్జున ఇటీవలే స్క్రిప్టు లాక్ చేయించారని.. ప్రి ప్రొడక్షన్ పనులు కూడా మొదలయ్యాయని.. సంక్రాంతి తర్వాత ఈ సినిమా మొదలవుతుందని అంటున్నారు. నాగ్ ఇప్పటికే ‘వైల్డ్ డాగ్’ సినిమాను పూర్తి చేసి ‘బిగ్ బాస్’ పని కూడా ముగించి ఖాళీ అయ్యారు. ప్రవీణ్ సత్తారుతో ఓ సినిమా చేయాల్సి ఉంది కానీ.. అదెప్పుడన్నదానిపై క్లారిటీ లేదు. ఈలోపు ఆయన ‘బంగార్రాజు’ను పట్టాలెక్కిస్తున్నట్లు చెబుతున్నారు.
స్క్రిప్టు ఓకే అయిపోవడంతో కళ్యాణ్ సంగీత దర్శకుడు అనూప్తో కలిసి సంగీత చర్చలు కూడా జరుపుతున్నాడట. ‘సోగ్గాడే..’కు అతనందించిన సంగీతం పెద్ద ప్లస్ అయిన సంగతి తెలిసిందే. అంతా ఓకే అనుకుంటే ఈ చిత్రంలో నాగచైతన్య కూడా ఓ కీలక పాత్రలో కనిపించే అవకాశాలున్నాయి. రమ్యకృష్ణ పాత్ర ఇందులోనూ కొనసాగుతుందట.
This post was last modified on December 28, 2020 10:52 am
కేరళ రాష్ట్రానికి చెందిన నటుడు, ప్రస్తుతం కేంద్ర మంత్రిగా ఉన్న సురేష్ గోపి తన నోటికి పని చెప్పారు. బీజేపీ…
సీనియర్ హీరో గోపీచంద్ మొదట ‘తొలి వలపు’ సినిమాతో కథానాయకుడిగానే ప్రయాణం మొదలుపెట్టాడు కానీ.. అతడికి నటుడిగా మంచి పేరొచ్చింది…
సంగీత దర్శకుడిగా ప్రయాణం మొదలుపెట్టి.. నటుడిగా ఫుల్ బిజీ అయిపోయాడు విజయ్ ఆంటోనీ. ‘బిచ్చగాడు’ చిత్రంతో అతను తెలుగులోనూ మంచి…
నవంబర్ నెల టెక్ ప్రపంచానికి ఊహించని షాక్లను ఇస్తోంది. ప్రపంచవ్యాప్తంగా ప్రముఖ టెక్నాలజీ సంస్థలు, బ్యాంకులు, విమానయాన సంస్థల డిజిటల్…
ఇటీవలే పూజా కార్యక్రమంతో మొదలైన రామ్ చరణ్ 17 ఇంకా రెగ్యులర్ షూటింగ్ కి వెళ్ళలేదు. డిసెంబర్ నుంచి సెట్…
దర్శకుడు, నటుడు తరుణ్ భాస్కర్.. కథానాయిక ఈషా రెబ్బా కలిసి ప్రయాణం సాగిస్తున్న విషయం ఎప్పుడో వెల్లడైంది. ఇంకా వాళ్లిద్దరూ…