వీర శంకర్ గుర్తున్నాడా? పవర్ స్టార్ పవన్ కళ్యాణ్తో గుడుంబా శంకర్ లాంటి భారీ చిత్రం తీసిన దర్శకుడతను. ఆ సినిమా అంచనాలను అందుకోలేకపోయింది. అతను అడ్రస్ లేకుండా పోయాడు. నిజానికి గుడుంబా శంకర్ కంటే ముందు కూడా వీరశంకర్ లైమ్ లైట్లో లేడు. అప్పుడెప్పుడో శ్రీకాంత్ హీరోగా తెరకెక్కిన హలో ఐ లవ్యూ సినిమాతో అతను దర్శకుడిగా పరిచయమయ్యాడు. ఆ తర్వాత ప్రేమ కోసం, విజయరామరాజు లాంటి సినిమాలు తీశాడు.
పవన్ కళ్యాణ్ అనుకోకుండా టీవీలో హలో ఐ లవ్యూ సినిమా చూసి ఇంప్రెస్ అయిపోయి వీర శంకర్ను పిలిపించుకుని గుడుంబా శంకర్ చేసే అవకాశం ఇచ్చాడు. ఆ సినిమా రైటింగ్, మేకింగ్లో పవన్దే కీ రోల్ కాగా.. వీరశంకర్ దర్శకుడిగా ఉన్నాడు.
ఐతే గుడుంబా శంకర్కు మంచి హైప్ అయితే వచ్చింది కానీ.. సినిమా ఆడలేదు. దీంతో వీర శంకర్ మళ్లీ కనుమరుగైపోయాడు. కన్నడలో రెండు సినిమాలు తీసిన వీరశంకర్.. తెలుగులోనూ ఏవో రెండు చిన్న సినిమాలు తీశాడు. ఇప్పుడతను.. ఓ కొత్త సినిమాకు స్క్రీన్ ప్లే అందిస్తున్నాడు. ఆ చిత్రం పేరు.. గంధర్వ.
ఇందులో వంగవీటి, జార్జిరెడ్డి చిత్రాల కథానాయకుడు సందీప్ మాధవ్ హీరోగా నటించనున్నాడు. అప్సర్ హుసేన్ అనే కొత్త దర్శకుడు ఈ చిత్రాన్ని రూపొందించనున్నాడు. ఎం.ఎన్.మధు ఈ చిత్రానికి నిర్మాత. థియేటర్ ఫీల్డ్ నుంచి వచ్చిన సందీప్.. వంగవీటి, జార్జిరెడ్డి చిత్రాలతో మంచి గుర్తింపే తెచ్చుకున్నాడు. ఐతే ఆ సినిమాలే అనుకున్నంతగా ఆడలేదు. గంధర్వతో అయినా అతను తొలి సక్సెస్ అందుకుంటాడేమో చూడాలి. ఈ సినిమాతో వీర శంకర్ ఎలాంటి ముద్ర వేస్తాడో మరి.
This post was last modified on December 27, 2020 10:24 am
టిల్లు స్క్వేర్ తో ఏకంగా వంద కోట్ల బ్లాక్ బస్టర్ ఖాతాలో వేసుకున్న సిద్దు జొన్నలగడ్డ ఒకపక్క జాక్, తెలుసు…
కొందరు డైరెక్టర్లు నిదానమే ప్రధానం సూత్రం పాటిస్తారు. నెంబర్ కన్నా నాణ్యత ముఖ్యమని ఆ దిశగా స్క్రిప్ట్ కోసమే సంవత్సరాలు…
వేసవిలో కీలక సమయం వచ్చేసింది. స్కూళ్ళు, కాలేజీలకు పూర్తి స్థాయి సెలవులు ఇచ్చేశారు. జనాలు థియేటర్లకు వెళ్లేందుకు మంచి ఆప్షన్ల…
ఏపీలో తలెత్తిన ఎన్నికల గుర్తు రగడ మరో మలుపు తిరిగింది. జనసేనకు కేటాయించిన ఎన్నికల గుర్తు గాజు గ్లాసును స్వతంత్ర…
టాలీవుడ్ దర్శకుల్లో క్రిష్ జాగర్లమూడిది డిఫరెంట్ స్టైల్. ‘గమ్యం’ లాంటి సెన్సేషనల్ మూవీతో మొదలుపెట్టి ఆయన వైవిధ్యమైన సినిమాలతో తనకంటూ…
ప్రస్తుతం తమిళ, తెలుగు భాషల్లో మోస్ట్ వాంటెడ్ లేడీ ఆర్టిస్టుల్లో వరలక్ష్మి శరత్ కుమార్ ఒకరు. ఆమె ఓవైపు లీడ్…