Movie News

థియేటర్లలో హర్షాతిరేకాలు


థియేటర్లను పునర్నిర్మించాల్సి వచ్చినపుడు.. కొత్తగా ఏదైనా సొబగులు అద్దాలనుకున్నపుడు ఆయా థియేటర్లను తాత్కాలికంగా కొంత కాలం మూసి ఉంచడం జరుగుతుంది తప్ప.. ఒకే సమయంలో మొత్తం అన్ని థియేటర్లనూ నెలల తరబడి మూసి వేసి సినిమాల ప్రదర్శన ఆపేయడం ఇంతకుముందెన్నడూ చూడనిది. వరదలు, సమ్మెలు జరిగినపుడు కూడా ఒకట్రెండు షోలు ఆపేసి మళ్లీ సినిమాలు నడిపిస్తుంటారు. అలాంటిది ఏకంగా తొమ్మిది నెలల పాటు థియేటర్లను మూసి ఉంచడం అన్నది ఊహకందని విషయం.

కరోనా పుణ్యమా అని ఈ వైపరీత్యం చోటు చేసుకుంది. కొన్ని వారాలు అనుకున్న లాక్ డౌన్‌ను నెలల తరబడి కొనసాగించి.. తర్వాత సడలింపులు ఇచ్చినా సరే థియటర్లను మినహాయిస్తూ వచ్చిన ప్రభుత్వం.. ఎట్టకేలకు అక్టోబరులో థియేటర్ల పున:ప్రారంభానికి అనుమతులిచ్చింది. కానీ తెలుగు రాష్ట్రాల్లో మాత్రం థియేటర్లు తెరుచుకోవడానికి చాలా సమయం పట్టేసింది. అవి పూర్తి స్థాయిలో మొదలైంది ఈ రోజు, అంటే డిసెంబరు 25న.

‘సోలో బ్రతుకే సో బెటర్’ లాంటి కాస్త పేరున్న కొత్త సినిమా విుడదల కావడంతో చాలా థియేటర్ల బూజు దులిపి ముస్తాబు చేశారు. మల్లీప్టెక్సులు ముందే తెరుచుకున్నప్పటికీ.. ఇప్పటిదాకా డల్లుగానే నడిచాయి. ఈ సినిమాతో మళ్లీ వాటికి కళ వచ్చింది. అడ్వాన్స్ బుకింగ్స్.. హౌస్ ఫుల్స్ లాంటి మాటలు సుదీర్ఘ విరామం తర్వాత వినిపించాయి. తొమ్మిది నెలలకు పైగా జీవం కోల్పోయిన తెరలకు మళ్లీ కళ వచ్చింది. థియేటర్లు తెరుచుకుంటే.. మంచి సినిమా వస్తే వెళ్లి సినిమా చూడాలని ఎప్పట్నుంచో అనుకుంటున్న ప్రేక్షకులు కూడా ఎట్టకేలకు కదిలారు.

ఇంతకాలం ఉపాధి, ఆదాయం కోల్పోయిన థియేటర్ కార్మికులు, యజమానులకు మళ్లీ ఉత్సాహం వచ్చింది. పార్కింగ్స్ ఫుల్ అయ్యాయి. హాళ్లు నిండాయి. క్యాంటీన్లలో సండిది నెలకొంది. ఇక థియేటర్ హాళ్ల లోపల వాతావరణం గురించి చెప్పాల్సిన పని లేదు. ప్రసాద్ మల్టీప్లెక్స్ సహా చాలా థియేటర్లు ‘వెల్కమ్ బ్యాక్’ అంటూ ప్రేక్షకులతో తమ ఉద్వేగాన్ని పంచుకున్నాయి. ఇక సినిమా టైటిల్స్ పడేటపుడు అందరిలోనూ ఒక ఎగ్జైట్మెంట్ కనిపించింది. అది స్క్రీన్ షాట్ తీసి సోషల్ మీడియాలో ఎంతోమంది షేర్ చేస్తున్నారు. ‘సోలో బ్రతుకే సో బెటర్’కు టాక్ కొంచెం అటు ఇటుగా ఉన్నప్పటికీ.. ఈ రోజుకు సోషల్ మీడియాలో హాట్ టాపిక్ మాత్రం ఈ సినిమానే. అందుకే జాతీయ స్థాయిలో ట్రెండ్ అవుతోంది.

This post was last modified on December 25, 2020 5:47 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

36 minutes ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

51 minutes ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

1 hour ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

1 hour ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

2 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

2 hours ago