వరుణ్ తేజ్ హీరోగా యుదు వంశీ దర్శకత్వం వహించే బరి షూటింగ్ ఇవాళ లాంఛనంగా ప్రారంభమయ్యింది. నీహారిక కొణిదెల నిర్మాత కావడంతో ప్రత్యేక అతిథిగా ఏపీ డిప్యూటీ సిఎం పవన్ కళ్యాణ్ ముఖ్యఅతిథిగా విచ్చేసి టీమ్ ని ఆశీర్వదించారు. గతంలో వంశీతోనే కమిటీ కుర్రాళ్ళు తీసి అవార్డులు, వసూళ్లు రాబట్టుకున్న నీహారిక ఈసారి పెద్ద బడ్జెట్ తోనే బరికి రెడీ అవుతోంది. పేరుకి స్పోర్ట్స్ డ్రామాగా కనిపిస్తున్నా విలేజ్ నేటివిటీతో ఇందులో చాలా అంశాలు ఉంటాయట.
ఆశ్చర్యకరమైన విషయం ఏంటంటే బరిని 2027 సంక్రాంతికి విడుదల చేయాలని టీమ్ ఫిక్స్ అయిపోయింది. ఆ మేరకు ప్రెస్ మీట్ లో అఫీషియల్ గా చెప్పేశారు కూడా. మంచి సీజన్ కాబట్టి నిర్ణయం సరైనదే కానీ పోటీ చాలా గట్టిగా ఉండబోతోంది. ఆల్రెడీ అనిల్ రావిపూడి కర్చీఫ్ వేసేశారు. వెంకటేష్ – కళ్యాణ్ రామ్ కాంబో మూవీ పండక్కు రావడం పక్కా. చిరంజీవి – బాబీ కొల్లి సినిమా ఈ ఏడాది రాకపోతే అది కూడా ఫెస్టివల్ సెంటిమెంట్ వాడుకోవడానికి సిద్ధ పడుతుంది.
శ్రీను వైట్ల డైరెక్షన్లో శర్వానంద్ హీరోగా మైత్రి మూవీ మేకర్స్ సినిమా, నితిన్ హీరోగా సంక్రాంతి శుభాకాంక్షలు అనే ప్రాజెక్ట్ ఇదే సీజన్ ని టార్గెట్ చేసుకున్నాయి. సోగ్గాడే చిన్నినాయన సిరీస్ లో మూడో భాగం సంక్రాంతికే వస్తుందని అన్నపూర్ణ స్టూడియోస్ కొన్ని వారాల క్రితం ప్రకటించిన సంగతి తెలిసిందే. దసరా లేదా దీపావళి మిస్ అయితే బాలకృష్ణ – గోపీచంద్ మలినేని సినిమా కూడా సంక్రాంతికి దిగుతుంది. చూస్తుంటే అరడజను దాకా లిస్టులో ఉన్నాయి.
వీటిలో ఏవి మాట మీద ఉంటాయి ఏవి తప్పుకుంటాయి అనేది చెప్పలేం కానీ మొత్తానికి బరి మాత్రం చాలా పెద్ద గురి పెట్టుకుంది. 2026 సంక్రాంతికి వచ్చిన ఫలితాలు చూస్తే నాలుగు సినిమాలు ఈజీగా సేఫ్ అవుతాయని క్లారిటీ రావడంతో నిర్మాతలు ఈ రేంజ్ లో పోటీ పడుతున్నారు. అయినా కంటెంట్ బాగుంటే ఏ సీజనైనా ఒకటే కానీ జనవరిలో వసూళ్లు ఎక్కువగా వస్తాయి కాబట్టి దాన్ని లక్ష్యంగా పెట్టుకునే వాళ్ళు ఎక్కువవుతున్నారు. చూడాలి మరి బరి ఏం చేస్తుందో.
This post was last modified on March 28, 2026 12:51 pm
తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…
ఇటీవల జరిగిన మునిసిపల్ కార్పొరేషన్ ఎన్నికల్లో మిగిలిపోయిన కార్పొరేషన్ స్థానాలకు, అలానే మునిసిపాలిటీలకు త్వరలోనే ఎన్నికలు జరగనున్నాయి. ఈ నేపథ్యంలో…
ఏపీ సీఎం చంద్రబాబుతో రాష్ట్ర కాంగ్రెస్ పార్టీ చీఫ్ వైఎస్ షర్మిల భేటీ అయ్యారు. ఆదివారం సాయంత్రం షర్మిల.. హైదరాబాద్లోని…
వచ్చే శుక్రవారం దక్షిణాదిన మంచి అంచనాల మధ్య విడుదల కాబోతున్న సినిమా.. ఆకాశంలో ఒక తార. దుల్కర్ సల్మాన్ హీరోగా…
ఏపీ రాజధాని అమరావతి ప్రాంతంలో భూముల వ్యవహారంపై తమ కుటుంబానికి సంబంధించి అసత్య ఆరోపణలతో కథనాలు ప్రచురించారంటూ వైసీపీ అధినేత…
ప్రపంచ టెక్నాలజీ రంగంలో ప్రస్తుతం ఆర్టిఫిషియల్ ఇంటెలిజెన్స్ కీలక శక్తిగా ఎదుగుతోంది. ఈ మార్పులో ఎన్విడియా సంస్థ పోషిస్తున్న పాత్ర…