నిన్న కల్ట్ టీజర్ రిలీజయ్యాక దాని మీద పెద్ద చర్చే జరుగుతోంది. ముఖ్యంగా హీరో కం దర్శకుడు విశ్వక్ సేన్ మాట్లాడుతూ తాను సోషల్ మీడియా ట్రెండ్స్ అన్నీ గమనించి ఆడియన్స్ ఏం కోరుకుంటున్నారో చూసి ఇది తీశానని నొక్కి చెప్పాడు. పిల్లలు, సున్నిత మనస్కులు దూరంగా ఉండమని హింట్ కూడా ఇచ్చాడు.
ఇదంతా బాగానే ఉంది కానీ నిజంగా ట్రెండ్ అనేది విపరీత హింసను కోరుకుంటుందా అనేది కాస్త విశ్లేషించుకోవాలి. కరోనా తర్వాత ఓటిటిల పుణ్యమా అంటూ ఓవర్ వయొలెన్స్ ఉన్న కంటెంట్ రాజ్యమేలుతున్న మాట వాస్తవం. స్క్విడ్ గేమ్ లాంటి సిరీస్ లు, సైకో కిల్లింగ్ సినిమాలు దీన్ని ఇబ్బడి ముబ్బడిగా పెంచేశాయి.
అలాని థియేటర్ ఎక్స్ పీరియన్స్ కేవలం ఈ రక్తపాతాన్ని కోరుకుంటుందని భావిస్తే పప్పులో కాలేసినట్టే. ఎందుకంటే యానిమల్, దురంధర్, పుష్ప లాంటి బ్లాక్ బస్టర్స్ లోనూ హింస ఉన్నా బలమైన కథా కథనాలు, యాక్షన్, ఎమోషన్ వాటి విజయంలో కీలక పాత్ర పోషించాయి.
వెబ్ సిరీస్ లో భావోద్వేగాలు లేకపోయినా చల్తా. ఎందుకంటే ఫార్వార్డ్ ఆప్షన్ ఉంటుంది కాబట్టి. కానీ సినిమాకు ఈ ట్రీట్ మెంట్ పనికిరాదు. కట్టిపడేసే సాలిడ్ స్క్రీన్ ప్లే పడాలి. అప్పుడే ప్రేక్షకులు ఎంగేజ్ అవుతారు. అంతే తప్ప నరకడాలు, జుగుప్సాకరంగా హత్యలు చేయడాలు చూపించినంత మాత్రాన పొలోమని టికెట్లు కొనరు.
ఇంకా ఇది ప్రారంభమే కాబట్టి కల్ట్ గురించి ఒక అభిప్రాయానికి రాలేం కానీ విశ్వక్ ఒకవేళ హింసతో మెప్పిస్తాను ఇంకేం అక్కర్లేదనునకుంటే పొరపాటే అవుతుంది. నాని హిట్ 3 కూడా పెద్ద స్థాయికి వెళ్లలేకపోవడానికి కారణం ఇదే. గేమ్స్ ఆడే వాళ్ళ ప్రాణాలు తీయడమనే పాయింట్ ఎక్కడి నుంచి తీసుకొచ్చినా దాన్ని కన్విన్సింగ్ గా చెప్పడం విశ్వక్ కు సవాల్ అవుతుంది.
అసలే వరస డిజాస్టర్లు తన మార్కెట్ ని బాగా డ్యామేజ్ చేశాయి. ఎంత సమర్ధించుకున్నా ఫంకీని ఎవరూ హిట్ అనరు. బాగుందని సర్టిఫికెట్ ఇవ్వరు. కాబట్టి ఇకపై వీలైనంత ప్రాక్టికల్ యాంగిల్ లోకి విశ్వక్ వచ్చేయడం బెటర్. ముఖ్యంగా కల్ట్ తనకు పెద్ద ఛాలెంజ్.
This post was last modified on February 22, 2026 4:15 pm
ప్రధాని మోదీ, హోం మంత్రి అమిత్ షాలు చేసింది అత్యంత అరుదైన నేరం, వారు న్యాయ ప్రక్రియ నుంచి ఎప్పటికీ…
ప్ర‌పంచంలోనే అత్యంత ధ‌నికుల జాబితాలో ఉండే ముకేష్‌ అంబానీ కుటుంబానికి ఇండియాలో అస‌లు పోటీయే లేదు. ఎప్ప‌టిక‌ప్పుడు వారి సంప‌ద…
పులివెందుల‌లో జ‌రుగుతున్న స్థానిక ఎన్నిక‌ల పోలింగ్‌ను ప‌రిశీలించేందుకు వెళ్లిన జ‌గ‌న్‌కు అడుగ‌డుగునా ప‌రాభ‌వాలు ఎదుర‌య్యాయి. ఆయ‌న అడుగు పెట్టీ పెట్ట‌డంతోనే…
అనంతపురం జిల్లా రాప్తాడు ప్రభుత్వ పాఠశాలలో పదవతరగతి విద్యార్థినిపై రంపంతో దాడి చేసిన ఘటన యావత్ రాష్ట్రాన్ని కలవరపాటుకు గురించేసింది.…
ప్రధాని మోడీ మెడ‌లు వంచుతామ‌ని.. ఆయ‌న‌ను గ‌ద్దె నుంచి దింపుతామ‌ని తెలంగాణ ముఖ్య‌మంత్రి రేవంత్ రెడ్డి వ్యాఖ్యానించారు. ఆదివారం ఢిల్లీలోని…
తమిళ సినిమాలో సెన్సేషనల్ జోడీ అంటే శింబు, నయనతారలదే. వీళ్లిద్దరూ కలిసి నటించిన తొలి చిత్రం ‘వల్లభ’ అప్పట్లో పెను…