బాలీవుడ్ భామ నిధి అగర్వాల్.. టాలీవుడ్ కెరీర్ విచిత్రంగా సాగుతోంది. ఆమె తెలుగులో చేసిన తొలి సినిమా సవ్యసాచి డిజాస్టర్. అయినా మిస్టర్ మజ్నులో అవకాశం దక్కింది. ఆ సినిమా కూడా ఆడలేదు. అయినా సరే.. ఇస్మార్ట్ శంకర్లో ఛాన్సొచ్చింది. తొలి రెండు సినిమాలకు భిన్నంగా ఈ చిత్రం బ్లాక్బస్టర్ అయింది.
కానీ ఆ తర్వాత ఆమెకు టాలీవుడ్లో ఆశించిన స్థాయిలో అవకాశాలు రావట్లేదు. అదే సినిమాలో నిధికి దీటుగా అందాలు ఆరబోసిన నభా నటేష్ ఏమో క్రేజీ సినిమాల్లో ఛాన్సుల మీద ఛాన్సులందుకుంటోంది. కానీ నిధి మాత్రం క్రమంగా కనుమరుగైపోతోంది. కొత్త హీరో గల్లా అశోక్ పక్కన ఓ సినిమా దక్కించుకుంది కానీ.. ఆ సినిమా ఏమైందో ఎవరికీ తెలియదు. అసలు ఆ సినిమా పూర్తవుతుందో లేదో అన్న సందేహాలు కలుగుతున్నాయి.
దాన్ని పక్కన పెడితే నిధికి తెలుగులో సినిమానే లేదు. టాలీవుడ్లో హీరోయిన్ల కొరత కనిపిస్తున్న సమయంలో ఓ బ్లాక్బస్టర్లో నటించిన హీరోయిన్.. పైగా అందచందాలకు లోటు లేని అమ్మాయికి ఛాన్సుల్లేకపోవడం ఆశ్చర్యమే. పెద్ద సినిమాలు కాకపోయినా ఓ మోస్తరు చిత్రాల్లో కూడా ఆమెకు చోటు దక్కట్లేదు. ఐతే ఆశ్చర్యకరంగా తమిళంలో నిధికి మంచి సినిమాలు పడుతున్నాయి.
ఇప్పటికే జయం రవి సరసన భూమి అనే పెద్ద బడ్జెట్ సినిమాలో నటిస్తోంది. అలాగే శింబు సరసన ఈశ్వరన్ అనే చిత్రంలోనూ ఆమెనే కథానాయిక. ఇప్పటిదాకా అన్ని సినిమాల్లో మోడర్న్ రోల్స్ చేసిన నిధి.. తమిళంలో మాత్రం చేస్తున్న రెండు సినిమాల్లోనూ పల్లెటూరి అమ్మాయిగా కనిపించనుండటం విశేషం. ఆ సినిమాలైనా బాగా ఆడి.. నిధికి తమిళంలో అయినా కెరీర్ అందిస్తాయేమో చూడాలి.
ఇండస్ట్రీ, ప్రేక్షకుల్లో టాపిక్ పాతదే అయినా మరోసారి కొత్త డిబేట్ మొదలయ్యింది. లెనిన్ ప్రమోషన్లలో భాగంగా ఒక ఇంటర్వ్యూలో నిర్మాత…
ఈ నెల విడుదలవుతున్న సినిమాల్లో చెన్నై లవ్ స్టోరీ మీద మంచి అంచనాలున్నాయి. దర్శకుడు రవి నంబూరి అయినప్పటికీ, కథ…
సలార్ లో వరదరాజ మన్నార్ గా తెలుగు ప్రేక్షకులకు దగ్గరైన మలయాళ హీరో పృథ్విరాజ్ సుకుమారన్ ఆ తర్వాత తెలుగులో…
మొన్న విడుదలైన రావు బహదూర్ సినిమాకు కొందరు విమర్శకుల ప్రశంసలు దక్కాయి. ఫస్ట్ హాఫ్ మరీ నెమ్మదిగా ఉన్నా సెకండాఫ్…
తెలుగులో ఒకప్పుడు చిన్న సినిమాల కథానాయకుడిగా చాలా ఏళ్ల పాటు కెరీర్ను నడిపించాడు శివాజీ. కానీ తర్వాత అతడి మనసు…
ఏపీలో ప్రతిపక్షంగా ఉన్న వైసీపీలో చీలిక రానుందా? ఆ పార్టీ నాయకులు చీలిపోవడమో.. లేక కూటమిలోని ఓ పార్టీలో చేరిపోవడమో…