సాయి పల్లవి అద్భుతః

సాయి పల్లవి టాలెంట్‍ గురించి ప్రత్యేకించి చెప్పాల్సిన పని లేదు. మంచి పాత్ర ఇస్తే దానికి జీవం పోసేయడంలో ఆమె దిట్ట. అందుకు నెట్‍ఫ్లిక్స్లో లేటెస్ట్గా రిలీజ్‍ అయిన పావ కధైగళ్‍ చక్కని ఉదాహరణ. నాలుగు కథల సమాహారమయిన ఈ చిత్రంలో సాయి పల్లవి నటించిన సెగ్మెంట్‍కి ప్రముఖ తమిళ దర్శకుడు వెట్రిమారన్‍ దర్శకత్వం వహించాడు. ప్రకాష్‍రాజ్‍ కూతురిగా సాయి పల్లవి ఇందులో కనిపిస్తుంది. తండ్రికి ఇష్టం లేకుండా కులాంతర వివాహం చేసుకుని వెళ్లిపోయిన కూతురిగా సాయి పల్లవి నటించింది.

రెండేళ్ల తర్వాత ఆమె ఆచూకీ తెలుసుకుని వచ్చిన తండ్రి కూతురు గర్భవతి కావడంతో సీమంతం చేస్తానంటూ ఇంటికి తీసుకెళతాడు. కుటుంబ పరువు తీసిందనే కోపంతో ఆమె గర్భవతి అని కూడా చూడకుండా విషం ఇచ్చేస్తాడు. కంటి ముందే కూతురు చనిపోతున్నా కానీ చలించకుండా చూస్తాడే తప్ప బ్రతికించాలని చూడడు. ఈ సెగ్మెంట్‍లో సాయి పల్లవి నటన గురించి ఇప్పుడు సోషల్‍ మీడియా అంతా గొప్పగా మాట్లాడుకుంటున్నారు. విమర్శకులు కూడా ఆమెపై ప్రశంసల వర్షం కురిపిస్తున్నారు.

చాలా కాలం తర్వాత ప్రకాష్‍రాజ్‍ మళ్లీ ఒక స్ట్రయికింగ్‍ క్యారెక్టర్‍ చేసాడు. నాలుగు కథలలో ఇదే అత్యంత హృదయ విదారకంగా వుందంటూ విమర్శకులు ఈ చిత్రం గురించి మాట్లాడుకుంటున్నారు. అలాగే మరో సెగ్మెంట్‍లో సిమ్రన్‍ నటన కూడా అందరి ప్రశంసలను చూరగొంటోంది.