టాలీవుడ్లో మీడియం రేంజిలో సినిమాలు చేస్తూ.. మినిమం గ్యారెంటీ రిటర్న్స్ తెచ్చే హీరోల్లో నేచురల్ స్టార్ నాని ఒకడు. ముందు సినిమాల ఫలితాలతో సంబంధం లేకుండా నాని సినిమాలకు బిజినెస్ కూడా జరిగిపోతుంటుంది. వరుస ఫ్లాపుల నుంచి బయటపడి గత ఏడాది ‘జెర్సీ’తో హిట్ ట్రాక్ ఎక్కిన నానికి.. ఆ తర్వాత ‘గ్యాంగ్ లీడర్’ కాస్త బ్రేకులేసింది. ఆపై ‘వి’ సినిమా సైతం అతణ్ని నిరాశకు గురి చేసింది. కానీ ఆ ప్రభావం ఏమీ నాని కొత్త సినిమాపై పడుతున్నట్లు కనిపించడం లేదు.
ప్రస్తుతం నాని తనకు ‘నిన్ను కోరి’ లాంటి మంచి సినిమాను అందించిన శివ నిర్వాణ దర్శకత్వంలో ‘టక్ జగదీష్’ అనే సినిమా చేస్తున్న సంగతి తెలిసిందే. కరోనా కారణంగా వాయిదా పడి రెండు నెలల కిందటే ఈ చిత్రం మళ్లీ పట్టాలెక్కింది. చకచకా షూటింగ్ పూర్తి చేసుకుంటోంది. చివరి దశలో ఉన్న ఈ సినిమాకు అప్పుడే బిజినెస్ అంతా పూర్తయినట్లు సమాచారం.
ఒక ప్రముఖ నిర్మాణ సంస్థ అధినేత ‘టక్ జగదీష్’ రషెస్ చూసి ఇంప్రెస్ అయి.. ఈ సినిమాను హోల్సేల్గా కొనేసినట్లు సమాచారం. రూ.47 కోట్లకు ఈ డీల్ జరిగిందట. ఐతే ఇందులో అన్ని ఏరియాల థియేట్రికల్ రైట్స్ మాత్రమే ఉన్నాయా.. డిజిటల్, శాటిలైట్ రైట్స్ కూడా ఉన్నాయా అన్నది స్పష్టత లేదు. కేవలం థియేట్రికల్స్ మాత్రమే అయితే నిర్మాతలు జాక్ పాట్ కొట్టినట్లే.
ఇంతకుముందు నాని, శివలతో ‘నిన్ను కోరి’ సినిమాను నిర్మించిన షైన్ స్క్రీన్స్ అధినేతలు హరీష్ పెద్ది, సాహు గరికపాటిలే ఈ సినిమాను నిర్మిస్తున్నారు. సూపర్ హిట్ కాంబినేషన్లో తెరకెక్కుతున్న సినిమా కావడం, టైటిల్ సహా అన్నీ పాజిటివ్గా కనిపిస్తుండటంతో సదరు నిర్మాణ సంస్థ భారీ మొత్తానికి సినిమాను హోల్సేల్గా కొనేసినట్లు తెలుస్తోంది. కరోనా వల్ల ఇప్పుడు సినిమాలకు కష్ట కాలం నడుస్తోంది కానీ.. వచ్చే వేసవి సమయానికి సాధారణ పరిస్థితులు నెలకొని మళ్లీ జనాలు థియేటర్లలో విరగబడి సినిమాలు చూస్తారని ఆశిస్తున్నారు. భవిష్యత్ను దృష్టిలో ఉంచుకుని నాని సినిమా మీద ఈ రేటు పెట్టడం రిస్కేమీ కాదనే అనుకోవాలి.
This post was last modified on December 17, 2020 12:28 pm
ఈ మధ్య రీ రిలీజ్ ట్రెండ్ ఎక్కువైపోయి జనాలు పెద్దగా పట్టించుకోవడం మానేశారు. వరసబెట్టి దింపుతుంటే వాళ్ళు మాత్రం ఏం…
కొత్త సినిమాలు వస్తున్నా బాక్సాఫీస్ కు ఎలాంటి ఉత్సాహం కలగడం లేదు. కారణం కనీసం యావరేజ్ అనిపించుకున్నవి కూడా లేకపోవడమే.…
ఏపీ సీఎం జగన్పై జనసేన అధినేత పవన్కల్యాణ్.. ఓ రేంజ్లో విమర్శలు గుప్పించారు. "సొంత చెల్లెలు కట్టుబొట్టుతో బాగుండాలని సగటు…
ఇప్పుడు ఇండియా మొత్తం ఒక సినిమా రిలీజ్ డేట్ కోసం ఎంతో ఉత్కంఠగా ఎదురు చూస్తోంది. అదే.. పాన్ ఇండియా…
ఈ మధ్య కాలంలో విపరీతంగా సోషల్ మీడియా ట్రోలింగ్కు గురైన సినిమా అంటే.. ఫ్యామిలీ స్టార్ అనే చెప్పాలి. ఈ…
ఒక హీరోయిన్ ముందు ఒకరితో రిలేషన్షిప్లోకి వెళ్లడం.. ఆ తర్వాత అతణ్నుంచి విడిపోయి కొత్త బాయ్ఫ్రెండ్ను వెతుక్కోవడం.. మళ్లీ బ్రేకప్…