Movie News

మురారి స్టామినా పూర్తిగా బయటపడినట్టేనా

శర్వానంద్ మళ్ళీ హిట్టు కొట్టాడు. సంక్రాంతి సెంటిమెంట్ కి మరింత బలం చేకూరుస్తూ నారి నారి నడుమ మురారితో మరొక విజయం ఖాతాలో వేసుకున్నాడు. పోటీ మరీ తీవ్రంగా ఉండటంతో కలెక్షన్ల పరంగా కొంచెం నెంబర్లు తక్కువగా కనిపిస్తూ ఉండొచ్చు కానీ పండగ చివర్లో వచ్చినా, ఇంత రెస్పాన్స్ తెచ్చుకోవడం చూస్తే శర్వా మామూలోడు కాదని ఫ్యాన్స్ ఫీలవుతున్నారు.

రామ్ అబ్బరాజు దర్శకత్వంలో అనిల్ సుంకర నిర్మించిన ఈ ఎంటర్ టైనర్ కు వీలైనన్ని థియేటర్లు వచ్చేలా చేయడంలో టీమ్ చాలానే కష్టపడింది. రెండో వారం నుంచి భారీ మొత్తంలో స్క్రీన్లు పెరుగుతాయనే నమ్మకం బలంగా ఉంది.

అయితే ఒకటి మాత్రం నిజం. నారి నారి నడుమ మురారి లాంటి కంటెంట్ ఉన్న కామెడీ సినిమాలు సోలోగా రావాలి. అప్పుడే అధిక శాతం ఆడియన్స్ కి రీచ్ అవుతుంది. ఇప్పుడు పండగ హడావిడిలో వసూళ్లు వేగంగా వచ్చి షేర్లు కనిపిస్తాయి కానీ లాంగ్ రన్ కు స్కోప్ ఉండే ఇలాంటి వాటికి మంచి ప్లానింగ్ అవసరం.

సామజవరగమనకు కాంపిటీషన్ లేకపోవడం వల్లే పెద్ద విజయం సాధించిందనేది కాదనలేని వాస్తవం. కానీ నారి నారికి ఆ ఛాన్స్ లేకుండా పోయింది. మన శంకరవరప్రసాద్ గారు, అనగనగా ఒక రాజు, భర్త మహాశయులకు విజ్ఞప్తి, రాజా సాబ్ వల్ల స్క్రీన్ కౌంట్ లో బాగా వ్యత్యాసం వచ్చేసింది.

హిట్టు స్టాంప్ పడింది కానీ దాని పూర్తి కెపాసిటీ బయట పడుతుందా లేదానేది ఇంకో వారం రోజులు ఆగితే క్లారిటీ వస్తుంది. బ్రేక్ ఈవెన్ పరంగా సులభంగానే టార్గెట్ అందుకునేలా ఉంది కానీ, లాభాలు ఎంత శాతంలో వస్తాయనేది వేచి చూడాలి.

ఒకవేళ వచ్చిన సినిమాల్లో కనీసం రెండు మూడింటికి నెగటివ్ టాక్ వచ్చి ఉంటే పరిస్థితి ఇంకోలా ఉండేది. కానీ రాజా సాబ్ మినహాయించి అన్నింటికి డీసెంట్ నుంచి బ్లాక్ బస్టర్ దాకా పాజిటివ్ ముద్ర పడింది. ఇది కూడా నారి నారి నడుమ మురారికి ఇబ్బందిగా మారింది. ఏదైతేనేం ఎక్స్ ప్రెస్ రాజా, శతమానం భవతి సెంటిమెంట్ కొనసాగిస్తూ శర్వా సంక్రాంతి హ్యాట్రిక్ అయితే కొట్టేశాడు.

This post was last modified on January 18, 2026 6:38 am

Share

Recent Posts

ఈసీ vs యోగి… ఇది ఊహించలేదే..!

డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…

7 minutes ago

ధోనీ లేకుండా CSK… ఇప్పుడు మారాల్సింది ఏంటి?

ఐపీఎల్‌లో చెన్నై సూపర్ కింగ్స్‌కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…

18 minutes ago

అంతా ఎప్పటిలాగే ఉంటుందని చెప్పనన్న నాదెళ్ల

మైక్రోసాఫ్ట్‌ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…

46 minutes ago

మాట నిలబెట్టుకోవడానికి కింగ్ పరుగులు

లెనిన్ నుంచి ఇట్లు అర్జున దాకా నాగార్జున పలు సందర్భాల్లో టాలీవుడ్ దర్శక నిర్మాతలు పనులు వేగవంతం చేసుకోవడం గురించి…

56 minutes ago

కామెడీ అంటే క్రింజ్ కాదు క్వాలిటీ

చిన్న వయసులో సక్సెస్ రావడం అంత ఈజీ కాదు. దాన్ని నిలబెట్టుకోవడమే పెద్ద ఛాలెంజ్. ఇది అందరి వల్లా కాదు.…

2 hours ago

హెల్ప్ చేయండి మేడం… నిర్మలమ్మకు చంద్ర‌బాబు విన‌తి!

ఏపీ సీఎం చంద్ర‌బాబు మంగ‌ళ‌వారం ఢిల్లీలో ప‌ర్య‌టించారు. కేంద్ర ఆర్థిక మంత్రి నిర్మ‌లాసీతారామ‌న్‌తో ఆయ‌న భేటీ అయ్యారు. సుమారు గంట‌న్న‌ర…

2 hours ago