మిస్ శెట్టి మిస్టర్ పోలిశెట్టి తర్వాత అనుకోకుండా జరిగిన చిన్న ప్రమాదం వల్ల గ్యాప్ తీసుకున్న నవీన్ పోలిశెట్టి ఈసారి అనగనగా ఒక రాజుతో వస్తున్నాడు. జనవరి 14 విడుదల కాబోతున్న ఈ ఎంటర్ టైనర్ ని సితార ఎంటర్ టైన్మెంట్స్ బ్యానర్ మీద నాగవంశీ నిర్మించారు.
జాతి రత్నాలు నుంచి నవీన్ కు యూత్ లో మంచి ఫాలోయింగ్ ఏర్పడింది. మాములు కామెడీని కూడా తన టైమింగ్ తో పెద్ద స్థాయికి తీసుకెళ్తాడనే అభిప్రాయం ప్రేక్షకుల్లో ఉంది. అయితే ఈసారి సంక్రాంతి పండక్కు చిరంజీవి, ప్రభాస్, రవితేజ, శర్వానంద్ లాంటి సీనియర్లతో పోటీ పడేందుకు రెడీ అవుతున్నాడు. ఇవాళ ట్రైలర్ వచ్చేసింది.
కథేంటో దాచలేదు. అరటిపండు ఒలిచినట్టు చెప్పేశారు. అనగనగా గోదావరి జిల్లాల సైడులో ఒక పెద్ద గ్రామం. డబ్బు డాబు రెండూ ఉన్న కుర్రాడు రాజు (నవీన్ పోలిశెట్టి) ఒకే కూతురు ఉండే సంబంధం కోసం చూస్తుంటాడు. అప్పుడే మెరుపులా ఒక అమ్మాయి (మీనాక్షి చౌదరి) పరిచయమై ప్రేమలో పడేలా చేస్తుంది.
జాలీగా జీవితాన్ని గడుపుతున్న రాజు జీవితంలో లోకల్ లీడర్ (తారక్ పొన్నప్ప) వల్ల ఒక సమస్య తలెత్తుతుంది. ఏకంగా లవ్ స్టోరీనే రిస్కులో పడుతుంది. ప్రతిదీ నవ్వుతూ పరిష్కరించుకునే రాజు ఈసారి కూడా అదే చేస్తాడు. మరి ఈ క్రమంలో అతనికి ఎదురైన సరదా సవాళ్లు ఏంటో తెలుసుకోవాలంటే జనవరి 14 థియేటర్లలో చూడాలి.
దర్శకుడు మారి ఎంచుకున్నది సింపుల్ స్టోరీనే అయినా నవీన్ పోలిశెట్టి వల్ల సన్నివేశాలకు కామెడీ గ్లామర్ తోడయ్యింది. చిన్న చిన్న మాటలతో నవ్వించడమే టార్గెట్ గా పెట్టుకున్న వైనం ట్రైలర్ లో బయట పడింది. ఫన్ కంటెంట్ కావడంతో మిక్కీ జె మేయర్ కు రిస్క్ అనిపించే బ్యాక్ గ్రౌండ్ స్కోర్ ఇవ్వాల్సిన అవసరం పడలేదు.
ఆల్రెడీ పాటలు రీచ్ తెచ్చుకున్నాయి. మొత్తానికి అనగనగా ఒక రాజులో నవీన్ పోలిశెట్టి వన్ మ్యాన్ షోతో పాటు మీనాక్షి గ్లామర్ అదనపు అర్హతగా పబ్లిక్ ని టార్గెట్ చేయబోతోంది. అంచనాలు రేపడంలో టీమ్ సక్సెస్ అయ్యిందని చెప్పాలి. ఇంతే మోతాదులో మొత్తం సినిమా ఉంటే టెన్షన్ అక్కర్లేదు.
This post was last modified on January 8, 2026 1:22 pm
తెలంగాణ అధికార పార్టీ కాంగ్రెస్లో వన్ మ్యాన్ `ఆర్మీ`గా ముఖ్యమంత్రి రేవంత్ రెడ్డి కనిపిస్తున్నారు. గత ఎన్నికల్లో పార్టీని అధికారంలోకి…
ఉత్తరాంధ్ర రాజకీయాల్లో ఒకప్పుడు దూకుడుగా ఉన్న వైసీపీ ఇప్పుడు పెద్దగా కనిపించడం లేదన్న టాక్ వినిపిస్తోంది. కీలక నాయకులు ఉన్నప్పటికీ..…
కరణం బలరామకృష్ణమూర్తి.. రాజకీయ ఉద్ధండుడిగా పేరొందిన ఉమ్మడి ప్రకాశం జిల్లాకు చెందిన నేత. కుమారుడు కరణం వెంకటేష్ను ఎమ్మెల్యేగా చూసుకోవాలన్న…
నియోజకవర్గాల పునర్విభజన అనూహ్య పరిణామాల నేపథ్యంలో అలా వెనక్కెళ్లిపోయింది. దక్షిణాది, ఈశాన్య రాష్ట్రాలకు తీరని అన్యాయం అంటూ కాంగ్రెస్ నేతృత్వంలోని ఇండియా…
బ్లాక్ బస్టర్ సినిమాల వెనుక కొన్ని వేల మంది కష్టం దాగి ఉంటుంది. కాకపోతే ప్రేక్షకులకది అనవసరం. థియేటర్ లో…
ప్రతి నెల ఒకటో తారీకు కోసం ఉద్యోగులు ఎదురు చూడడం సహజం. కారణం నెలంతా కష్టపడితే జీవితాలు అకౌంట్ లో…