Movie News

చిరు-వెంకీ పాట‌లో లిరిక్ మార్పు నిజ‌మే

సంక్రాంతి కానుక‌గా విడుద‌ల కాబోతున్న‌ మెగాస్టార్ చిరంజీవి సినిమా మ‌న శంక‌ర వ‌ర‌ప్ర‌సాద్ గారు నుంచి ఇటీవ‌ల రిలీజ్ చేసిన ఒక పాట‌లో ఆస‌క్తిక‌ర ప‌రిణామం చోటు చేసుకుంది. అందులో చిరు, వెంకీల మీద తీసిన మెగా విక్ట‌రీ పాట‌లో ఒక చోట‌.. లిర‌క్‌ను మ‌ధ్య‌లో మార్చిన విష‌యం బ‌య‌ట‌ప‌డిపోయింది.

ఈ పాట‌లో చిరు.. “ఏంది వెంకీ సంగ‌తి”.. అంటే, “అదిరిపోద్ది సంక్రాంతి” అని వెంకీ అంటాడు. త‌ర్వాత వెంకీ.. “ఏంది బాసూ సంగ‌తి” అంటే.. “ఇర‌గ‌దీద్దాం సంక్రాంతి” అని చిరు బ‌దులిస్తాడు. ఐతే ఆ పాట‌లో విజువ‌ల్స్‌ను జాగ్ర‌త్త‌గా గ‌మ‌నిస్తే.. “ఇర‌గ‌దీద్దాం సంక్రాంతి” అన్న చోట చిరుకు లిప్ సింక్ ఉండ‌దు.

ఆయ‌న వాస్త‌వంగా “మ‌న‌దే క‌దా సంక్రాంతి” అన్నట్లుగా అర్థ‌మ‌వుతుంది. మ‌రి మ‌ధ్య‌లో లిరిక్ ఎందుకు మార్చార‌న్న‌ది ఆస‌క్తిక‌రం. మ‌న‌దే సంక్రాంతి అంటే పండ‌క్కి వ‌స్తున్న మిగ‌తా సినిమాల‌ను చిన్న‌బుచ్చిన‌ట్లు అవుతుంది.. అవి ఫెయిల‌వ్వాల‌ని కోరుకున్న‌ట్లు ఉంటుంది.

అందులోనూ రాజాసాబ్ ప్రి రిలీజ్ ఈవెంట్లో ప్ర‌భాస్ సీనియ‌ర్ల ప‌ట్ల గౌర‌వ‌భావాన్ని చూపించిన తీరు చూశాక ఆ లిరిక్ అలా ఉంచ‌డం క‌రెక్ట్ కాద‌ని మ‌న శంక‌ర వ‌ర‌ప్ర‌సాద్ గారు టీం భావించిన‌ట్లుంది. చిరు, వెంకీల‌ను ఉద్దేశించే ప్ర‌భాస్ అలా మాట్లాడాడ‌న్న‌ది స్ప‌ష్టం. అందుకే అనిల్ రావిపూడి టీం లిరిక్‌ను మార్చింద‌ని అంతా అనుకున్నారు.

ఇప్పుడు ఆ విష‌యాన్ని చిరునే స్వ‌యంగా ధ్రువీక‌రించారు. బుధ‌వారం రాత్రి జ‌రిగిన‌ మ‌న శంక‌ర వ‌ర‌ప్ర‌సాద్ గారు ప్రి రిలీజ్ ఈవెంట్లో చిరు మాట్లాడుతూ.. మ‌న‌దే క‌దా సంక్రాంతి అని ఉన్న లిరిక్‌ను.. ఇర‌గ‌దీద్దాం సంక్రాంతి అని మార్చామ‌ని సంకేతాలు ఇచ్చారు.

ఈ సంక్రాంతి కేవ‌లం మ‌న శంక‌ర వ‌ర‌ప్ర‌సాద్‌దే కాదు మొత్తం తెలుగు సినీ ప‌రిశ్ర‌మ‌ది అని చెప్పాల‌న్న ఉద్దేశంతోనే అలా చేశామ‌ని చిరు చెప్పుకొచ్చారు. చిరు, వెంకీల‌ను ప్ర‌భాస్ అలా గౌర‌విస్తూ.. చిరు అండ్ టీం ఇలా రియాక్ట‌వ‌డం మంచి ప‌రిణామం అని.. సంక్రాంతికి వ‌చ్చే అన్ని సినిమాలూ విజయ‌వంత‌మై తెలుగు సినిమా ప‌రిశ్ర‌మ‌లో పండుగ వాతావ‌ర‌ణాన్ని తీసుకురావాల‌ని సినీ ప్రేమికులు కోరుకుంటున్నారు.

This post was last modified on January 8, 2026 8:02 am

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

7 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

8 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

8 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

8 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

8 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

8 hours ago