Movie News

కుక్కల సినిమాను పోటీపడి చూస్తున్నారు

గత నవంబర్ లో విడుదలైన మలయాళ సినిమా ఎకో కేవలం అయిదు కోట్ల బడ్జెట్ తో రూపొంది యాభై కోట్లకు పైగా వసూళ్లతో ఔరా అనిపించింది. హైదరాబాద్ లో కొన్ని రోజులు నాన్ స్టాప్ గా హౌస్ ఫుల్ అయిన ఘనత దీనికి ఉంది. తెలుగు వెర్షన్ లేకపోయినా సబ్ టైటిల్స్ తో చూసి మరీ తమ ఆకలి తీర్చుకున్నారు మూవీ లవర్స్.

అప్పటి నుంచే దీని ఓటిటి రిలీజ్ కోసం ఆడియన్స్ ఎదురు చూస్తూ వచ్చారు. ఇటీవలే నెట్ ఫ్లిక్స్ లో స్ట్రీమింగ్ అయ్యింది. అన్ని ప్రధాన భాషల్లో అనువాదం చేయడంతో ఇబ్బంది తగ్గిపోయింది. ఇప్పుడీ మూవీకి సోషల్ మీడియాతో పాటు ఆఫ్ లైన్ లో పాజిటివ్ మద్దతు దొరుకుతోంది.

పచ్చిగా చెప్పాలంటే ఇదో కుక్కల మూవీ. అంటే ప్రత్యేకంగా హీరో ఎవరూ ఉండరు. కేవలం పాత్రలే ఉంటాయి. మనకు ప్రేమదేశం వినీత్ తప్ప గుర్తు పట్టే ఆర్టిస్టులు వేరే ఉండరు. కర్ణాటక కేరళ సరిహద్దుల్లో ఉండే ఒక ఎత్తయిన అడవి కొండ మీద కురియచన్ అనే వ్యక్తి కుక్కలను పెంచుకుంటూ వందల ఎకరాలు కొనేస్తాడు.

ఓ రోజు వయసైపోయిన భార్యను వదిలేసి మాయమైపోతాడు. ఆమెను చూసుకోడానికి జీతం మీద షీమోన్ అనే కుర్రాడు వస్తాడు. పోలీసులు, రకరకాల వ్యక్తులు కురియచన్ కోసం వెతుకుతూ ఉంటారు. అసలు అతను ఏమైపోయాడు, కొండ మీద ఉన్న ఇల్లు రహస్యం ఏంటి అనేదే అసలు స్టోరీ.

ఎకోని ఎందుకు చూడాలనే ప్రశ్న అడిగితే దానికి ఒకే సమాధానం టెక్నికల్ బ్రిలియన్స్. కథగా ఇది రెగ్యులర్ మల్లువుడ్ స్టైల్ లో నెమ్మదిగా సాగుతుంది. కానీ కాన్సెప్ట్ కి కనెక్ట్ అయితే మాత్రం ఫార్వర్డ్ చేయకుండా చూస్తాం. పాటలు, హీరోయిన్, లవ్ ట్రాక్, కామెడీ ఇవేవి లేకుండా కేవలం కుక్కలు, మాయమైపోయిన మనిషి చుట్టూ నడిపించిన క్రైమ్ డ్రామా ఆగకుండా చూసేలా చేస్తుంది.

ముఖ్యంగా లొకేషన్లు కళ్ళు పక్కకు తిప్పుకోనివ్వవు. కిష్కిందకాండం, సూక్ష్మదర్శిని లాంటి మలయాళీ స్లో థ్రిల్లర్లు నచ్చినవాళ్ళకు ఎకో మంచి ఎక్స్ పీరియన్స్ ఇస్తుంది. ఇవి అలవాటు లేని వాళ్ళు భరించడం కొంచెం కష్టమే.

This post was last modified on January 5, 2026 5:22 pm

Share

Recent Posts

ఐపీఎల్‌తో ధోని మొత్తం ఆదాయం ఎంత?

ఐపీఎల్‌లో ఆటగాడిగా మహేంద్ర సింగ్ ధోనీ సంపాదన రూ.200 కోట్ల మార్కును దాటింది. 2008లో రూ.6 కోట్లతో మొదలైన అతడి…

10 minutes ago

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

2 hours ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

3 hours ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

3 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

3 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

3 hours ago