మెగాస్టార్ చిరంజీవితో ఒక్క సినిమా అయినా చేయాలని ఆశ పడతాడు ప్రతి తెలుగు దర్శకుడు. స్టార్ డైరెక్టర్ హరీష్ శంకర్ కూడా అలాంటి ఆశతో ఉన్నవాడే. ఇప్పటికే మెగా ఫ్యామిలీలో పవన్ కళ్యాణ్, అల్లు అర్జున్ లాంటి సూపర్ స్టార్లతో పని చేసిన హరీష్.. పవన్తో రెండో సినిమా చేయడానికి సన్నాహాలు చేసుకుంటున్న సంగతి తెలిసిందే. అలాగే ఎప్పటికైనా చిరుతో సినిమా చేయాలన్న కోరికతో ఉన్న హరీష్కు చిరు నుంచి గ్రీన్ సిగ్నల్ వచ్చినట్లే అని చెబుతున్నారు.
తాజాగా ఓ ఇంటర్వ్యూలో హరీష్.. చిరుతో సినిమా చేసే అవకాశం గురించి మాట్లాడాడు. చిరుతో తన సినిమా తప్పక ఉంటుందని.. దాన్ని ఒక ఫుల్ లెంగ్త్ ఎంటర్టైనర్గా తీర్చిదిద్దాలన్నది తన కోరిక అని చెప్పాడు.
చిరు సినిమాల్లో తనకు రౌడీ అల్లుడు చాలా ఇష్టమని.. అదే తరహాలో వినోదాత్మకంగా సినిమా తీయాలనుకుంటున్నానని చెప్పాడు. ఇక పవన్ కళ్యాణ్తో సినిమా గురించి చెబుతూ.. ఒక అభిమానిలా మారి ఇంతకుముందు పవన్తో గబ్బర్ సింగ్ తీశానని.. ఈసారి చేయబోయే సినిమా కూడా నిజమైన పవన్ అభిమానిగానే చేయబోతున్నానని చెప్పాడు. ఎలాంటి జానర్, కథేంటి అన్నది చెప్పని హరీష్.. అభిమానుల ఆకాంక్షలకు తగ్గట్లుగానే ఈ సినిమా ఉంటుందన్నాడు.
లాక్ డౌన్ కారణంగా ఈ సినిమా అనుకున్నదానికంటే ఆలస్యమయ్యేలా ఉందని.. ఐతే మన చేతుల్లో లేని దాని గురించి ఏమీ చేయలేమని వ్యాఖ్యానించాడు హరీష్. ఏదేమైనా మంచి ఎంటర్టైనర్లు తీస్తాడని పేరున్న హరీష్.. చిరు, పవన్ ఇద్దరితోనూ సినిమాలు చేస్తానని చెప్పడం మెగా అభిమానులకు సంతోషాన్నిచ్చే వార్తే.
జెనీలియా డిసౌజా.. ఈ పేరెత్తగానే తెలుగు ప్రేక్షకులకు ఎప్పుడూ నవ్వుతూ కనిపించే అమ్మాయి గుర్తుకు వస్తుంది. ‘బొమ్మరిల్లు’లో హహ హాసిని…
తెలుగు రాష్ట్రాల మధ్య విభజన వ్యాఖ్యలపై మరోసారి చర్చ మొదలైంది. తెలంగాణ మంత్రి పొన్నం ప్రభాకర్ ఆంధ్రప్రదేశ్ ముఖ్యమంత్రి నారా…
ప్రధాని నరేంద్ర మోదీ స్కిన్ టోన్పై సోషల్ మీడియాలో చర్చ జోరందుకుంది. రెండు వేర్వేరు ప్రాంతాల్లో చిత్రీకరించిన వీడియోల్లో ఆయన…
మొన్న శుక్రవారం విడుదలైన తిమ్మరాజుపల్లి టీవీకి ప్రమోషన్లయితే ఘనంగా జరిగాయి. ఈవెంట్లు, ప్రెస్ మీట్లు, ఇంటర్వ్యూలు అన్నీ చేశారు. నిర్మాత…
అనుకున్నంతా అయ్యింది. జూనియర్ ఎన్టీఆర్, ప్రశాంత్ నీల్ కలయికలో తెరకెక్కుతున్న ప్యాన్ ఇండియా మూవీ ఈ ఏడాది రావడం లేదు.…
గత ఏడాది ఇండియన్ ఫిలిం ఇండస్ట్రీలో అతి పెద్ద సర్ప్రైజ్ అంటే.. ‘మహావతార నరసింహా’నే. పెద్దగా అంచనాలు లేకుండా విడుదలైన…