ఆండ్రియా న్యూడ్ సీన్ తీసేశార‌ట‌

తమిళంలో విలక్షణ చిత్రాలకు కేరాఫ్ అడ్రస్‌గా నిలిచే దర్శకుడు మిస్కిన్. రాజు భాయ్ ఒరిజినల్ ‘చిత్తిరం పేసిదడి’తో మొదలుపెడితే అంజాదే, నందలాల, యుద్ధం సెయ్, సైకో, తుప్పరివాలన్ (డిటెక్టివ్), పిసాసు (పిశాచి) లాంటి మూవీస్‌తో తనకంటూ ప్రత్యేకంగా ఓ అభిమాన వర్గాన్ని సంపాదించుకున్నాడు మిస్కిన్. ఎక్కువగా థ్రిల్లర్ మూవీస్ తీస్తూ ప్రేక్షకులకు ఓ కొత్త అనుభూతిని పంచుతాడు మిస్కిన్.. త‌న సూప‌ర్ హిట్ మూవీ పిసాసుకు సీక్వెల్ తీయాల‌ని కొన్నేళ్ల నుంచి అనుకుంటున్నాడు. కొన్ని కార‌ణాల వ‌ల్ల ఈ సినిమా ఆల‌స్యం అయింది. 

గ‌త ఏడాది ఈ సినిమా సెట్స్ మీదికి వెళ్లింది. సింగ‌ర్‌గానే కాక న‌టిగానూ పేరు సంపాదించిన ఆండ్రియా ఇందులో లీడ్ రోల్‌కు ఎంపికైంది. ఈ చిత్రంలో ఆమె న్యూడ్ సీన్ చేయ‌బోతోంద‌నే వార్త కొన్ని నెల‌ల ముందు సంచ‌ల‌నం రేపింది. ఈ సినిమాకు బ‌జ్ రావ‌డానికి ఆ న్యూసే కార‌ణ‌మైంది. క‌థ డిమాండ్ చేయ‌డం వ‌ల్లే ఆ సీన్ చేస్తున్న‌ట్లు కూడా ఒక ఇంట‌ర్వ్యూలో ఆండ్రియా చెప్పింది.

ఐతే ఇప్పుడు ఆ న్యూడ్ సీన్ విష‌యంలో అంచ‌నాలు పెట్టుకున్న వాళ్ల‌కు పెద్ద షాకిచ్చింది ఆండ్రియా. స్క్రిప్టులో ఉన్న ఆ స‌న్నివేశాన్ని ఇప్పుడు తీసేశార‌ట‌. ఇంత‌కుముందు అనుకున్న ఆ స‌న్నివేశం సినిమాలో ఉండ‌బోద‌ని ఆండ్రియా తేల్చేసింది. చిత్రీక‌ర‌ణ ద‌శ‌లో సినిమాకు ఆ స‌న్నివేశం అవ‌స‌ర‌మా అనే చ‌ర్చ జ‌రిగింద‌ని.. ద‌ర్శ‌కుడు మిస్కిన్ దాన్ని ప‌క్క‌న పెట్టేశాడ‌ని ఆమె వెల్ల‌డించింది. 

కానీ ఈ చిత్రంలో బోల్డ్ అండ్ ఎరోటిక్ సీన్లు మాత్రం ఉంటాయ‌ని.. అవి ప్రేక్ష‌కుల‌ను ఆశ్చ‌ర్య‌ప‌రుస్తాయ‌ని ఆమె చెప్పింది. మిస్కిన్‌కు ఇది స‌ర్వైవ‌ల్ ఫిలిం అని.. అలాంటి ద‌ర్శ‌కుడి కోసం ఏమైనా చేయాల‌నే ఉద్దేశంతో ఈ సినిమా చేయ‌డానికి ఒప్పుకున్నాన‌ని ఆండ్రియా తెలిపింది. ఈ సినిమా థ్రిల్లింగ్‌గా ఉంటుంద‌ని ఆమె చెప్పింది. పిసాసు-2లో విజ‌య్ సేతుప‌తి విల‌న్ పాత్ర చేస్తున్నట్లు సమాచారం. ఇందులో అవును భామ పూర్ణ కూడా ఒక కీలక పాత్ర చేస్తోంది. వ‌చ్చే ఏడాది వేస‌విలో ఈ మూవీ రిలీజ‌య్యే అవ‌కాశ‌ముంది.