ఒక పెద్ద హీరో.. ఒక పెద్ద దర్శకుడి కాంబినేషన్లో సినిమా ఓకే అయిందంటే చాలు రూమర్ రాయుళ్ల పని మొదలైపోతుంది. కాస్టింగ్ గురించే కాక కథ, బడ్జెట్ ఇతర విషయాల గురించి రకరకాల వార్తలు పుట్టించేస్తారు. అందులోనూ ఆ సినిమా పట్టాలెక్కడంలో ఆలస్యం జరిగినా.. మేకింగ్ నెమ్మదిగా జరిగినా వీళ్ల ప్రచారాలు ఇంకా ఎక్కువైపోతాయి.
అల్లు అర్జున్-సుకుమార్ల క్రేజీ కాంబినేషన్లో తెరకెక్కుతున్న కొత్త చిత్రం పుష్ప విషయంలో ఇలాంటి రూమర్లు ఎన్ని వినిపించాయో లెక్కే లేదు. ముఖ్యంగా పుష్పలో లీడ్ విలన్ పాత్రకు ఎన్నో పేర్లు వినిపించాయి ఇప్పటిదాకా. నిజానికి ఆ పాత్ర కోసం ముందు విజయ్ సేతుపతిని ఓకే చేసిన మాట వాస్తవం. కానీ డేట్లు సర్దుబాటు చేయలేక ఆయన తప్పుకున్నారు. ఇక అప్పటినుంచి ఆ స్థానంలోకి వచ్చేదెవరన్న చర్చ ఎడతెగకుండా సాగుతూనే ఉంది.
విలన్ పాత్రకు ఎవరినీ ఓకే చేయకుండానే షూటింగ్కు వెళ్లిపోయాడు సుకుమార్. తూర్పు గోదావరి జిల్లాలోని మారేడుమిల్లిలో ఆయన చిత్రీకరణ సాగిస్తున్నారు. చాలా విరామం తర్వాత షూటింగ్ కావడంతో సుక్కు రెట్టించిన ఉత్సాహంతో, ఎంతో ఏకాగ్రతతో షూటింగ్ చేసుకుంటున్నారు. బన్నీ సహా అందుబాటులో ఉన్న ఆర్టిస్టులతో కొన్ని ముఖ్యమైన ఎపిసోడ్ల చిత్రీకరణ సాగుతోంది.
ఈ షెడ్యూల్ అంతా అయ్యే వరకు ఆయన ఇంకే విషయాలు ఆలోచించదలుచుకోలేదట. ఈ షెడ్యూల్ పూర్తయ్యాక విలన్ పాత్రధారి విషయంలో ఒక నిర్ణయానికి వస్తారని, అప్పుడే వ్యవహారం ఫైనలైజ్ అవుతుందని సమాచారం. కానీ ఈలోపు కొత్తగా విక్రమ్ పేరును పుష్ప విలన్ పాత్రకు ప్రచారంలోకి తెచ్చారు. కానీ సుక్కుకు ఎంతమాత్రం ఆ ఆలోచనే లేదట. ఈ సంగతి చెబితే ఆయన నవ్వుకున్నారట. సుక్కు సహా చిత్ర బృందంలో ఎవ్వరికీ కూడా విలన్ విషయంలో ఇంకా క్లారిటీ లేదన్నది యూనిట్ వర్గాల సమాచారం.
This post was last modified on November 29, 2020 9:49 am
ఆంధ్రప్రదేశ్లో గత అసెంబ్లీ ఎన్నికలు జరగడానికి ముందే ప్రభుత్వ వ్యతిరేకత తీవ్ర స్థాయికి చేరుకుని వైకాపా ఘనవిజయం సాధించబోతున్న సంకేతాలు…
రెగ్యులర్ కథల జోలికి వెళ్లకుండా డిఫరెంట్ గా ప్రయత్నిస్తూ కార్తికేయ 2తో పెద్ద బ్లాక్ బస్టర్ ఖాతాలో వేసుకున్న యూత్…
రాజకీయాలు మారాయి. ఒకప్పుడు భర్తలు ఎన్నికల రంగంలో ఉంటే.. భార్యలు ఉడతా భక్తిగా ప్రచార కార్యక్రమాలు చూసుకునే వారు. అది…
ఎదురుచూసేకొద్దీ బాక్సాఫీస్ కు జోష్ ఇచ్చే సినిమాలు రావడం అంతకంతా ఆలస్యమవుతూనే ఉంది. థియేటర్లు వెలవెలబోతున్నాయి. తెగుతున్న సింగల్ డిజిట్…
రాజకీయంగా చైతన్యం ఉన్న రాష్ట్రం తెలంగాణ. అటు క్రికెట్ అయినా.. ఇటు రాజకీయాలైనా.. తెలంగాణ లో హాట్ టాపిక్కే. ఇక్కడ…
సౌత్ ఇండియన్ ఫిలిం ఇండస్ట్రీలో చేసిన రెండు సినిమాలతోనే చాలా ప్రామిసింగ్గా అనిపించిన వారసుల్లో ధ్రువ్ విక్రమ్ ఒకడు. అర్జున్…