దర్శకుడితో సరైన కో ఆర్డినేషన్ ఉంటేనే సినిమా బాగా వస్తుంది. అది చిన్నదా పెద్దదా లేక ప్యాన్ ఇండియాదా అన్నది కాదు ప్రశ్న. ఇద్దరి మధ్య బాండింగ్ ఎంత బాగా కుదిరితే తెరమీద అంత అద్భుతాలు జరుగుతాయి. అందుకే జూనియర్ ఎన్టీఆర్, రామ్ చరణ్, ప్రభాస్ లాంటి స్టార్లు రాజమౌళితో ఒకటి కంటే ఎక్కువ చిత్రాలు చేయగలిగారు. చిరంజీవికి కోదండరామిరెడ్డితో, స్వర్గీయ ఎన్టీఆర్ కు రాఘవేంద్రరావుతో ఇలాంటి రిలేషన్ షిప్పే ఉండేది. ఇప్పుడీ ప్రస్తావనకు కారణం విశాల్. తన కొత్త మూవీ మగుడం డైరెక్టర్ రవి అరసుతో వచ్చిన విభేదాల కారణంగా ఇప్పుడు మెగా ఫోన్ చేపట్టి బాలన్స్ షూటింగ్ చేసేస్తున్నాడు.
కారణాలు ఇంకా తెలియలేదు కానీ ప్రస్తుతానికి మగుడం చేతులు మారిపోయింది. అయితే విశాల్ ఇలా చేయడం ఇది మొదటిసారి కాదు. డిటెక్టివ్ 2 టైంలో మిస్కిన్ తో అచ్చం ఇలాగే జరిగింది. గొడవ తీవ్రంగా ముదిరిపోయి నువ్వా నేనా అనేసుకున్నారు. కట్ చేస్తే డిటెక్టివ్ 2 నేనే తీస్తానని ప్రకటించిన విశాల్ కంటిన్యూ చేశాడు కానీ ఎందుకనో తర్వాత ఆపేశాడు. ఇప్పటిదాకా దాని అప్డేట్ లేదు. ఇప్పుడు రవి అరసుతో క్రియేటివ్ డిఫరెన్స్ కాస్తా మగుడం మీద ప్రభావం చూపిస్తోంది. తరచుగా వివాదాల్లో చిక్కుకుంటున్న విశ్వాల్ నడిగర్ సంఘం బిల్డింగ్ ని పూర్తి చేశాక పరిశ్రమలో మంచి పేరే తెచ్చుకున్నాడు. ఈలోగా ఇది జరిగింది.
మగుడంలో దూశారా విజయన్ హీరోయిన్ గా నటించింది. జివి ప్రకాష్ సంగీతం సమకూర్చగా అంజలి, యోగిబాబు తదితరులు కీలక పాత్రలు పోషించారు. కథా నేపధ్యం లాంటి వివరాలు బయటికి రాలేదు కానీ ఫస్ట్ లుక్ పోస్టర్ కొంచెం ఇంటరెస్టింగ్ గానే అనిపించింది. తెలుగులో మార్కెట్ బాగా తగ్గిపోయిన విశాల్ కు వరస ఫెయిల్యూర్స్ తీవ్ర ప్రభావం చూపించాయి. అభిమన్యుడుతో పుంజుకున్నట్టు అనిపించినా తర్వాత ఫ్లాపులతో కథ మళ్ళీ మొదటికే వచ్చింది. మగుడం మీద చాలా నమ్మకంతో ఉన్నాడు. కమల్ హాసన్ కు క్షత్రియ పుత్రుడులాగా ఇది తనకు స్పెషల్ మూవీగా నిలిచిపోతుందని భావిస్తున్నాడు.
This post was last modified on October 15, 2025 3:30 pm
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…