గత ఏడాది ‘దేవర’ సినిమాతో అభిమానులను మురిపించాడు జూనియర్ ఎన్టీఆర్. కానీ ఈ ఏడాది అతడికి కలిసి రాలేదు. బాలీవుడ్ ఎంట్రీ మూవీ ‘వార్-2’ మీద అభిమానులు ఎన్నో అంచనాలు పెట్టుకున్నారు కానీ.. అది ఆ అంచనాలను అందుకోలేకపోయింది. ఈ చిత్రంలో తారక్ లుక్ మీద కూడా మిశ్రమ స్పందన వచ్చింది. కొన్ని సన్నివేశాల్లో మరీ బక్క చిక్కి కనిపించడం చాలామందికి నచ్చలేదు.
తర్వాతి సినిమా ప్రశాంత్ నీల్తో కావడంతో తారక్ లుక్ అదిరిపోతుందనే అంచనాతో ఉన్నారు ఫ్యాన్స్. కానీ ఈ సినిమా షూట్ మొదలయ్యాక తారక్ కనిపిస్తున్న తీరు అనేక అనుమానాలను రేకెత్తిస్తోంది. ‘వార్-2’లో కనిపించిన లీన్ లుక్కే ఫ్యాన్స్కు అంతగా నచ్చలేదంటే.. ఈ మధ్య తారక్ ఇంకా సన్నబడిపోయాడు. తారక్ కెరీర్ ఆరంభంలో ఒక పదేళ్లు ఎంత బొద్దుగా ఉన్నాడో తెలిసిందే. కానీ తర్వాత బాగా బరువు తగ్గాడు. మరీ అంత సన్నబడ్డపుడూ బాలేడు కానీ.. తిరిగి కొంచెం ఒళ్లు చేశాక లుక్ పర్ఫెక్ట్గా అనిపించింది.
తారక్ను ఫ్యాన్స్ అలాంటి బ్యాలెన్స్డ్ లుక్లో చూడాలనే కోరుకుంటున్నారు. ‘జనతా గ్యారేజ్’ చిత్రంలో మాదిరి తయారవ్వాలని కోరుకుంటున్నారు. ప్రశాంత్ నీల్ సినిమా కోసం గడ్డం పెంచడం బాగానే ఉంది కానీ.. బరువు మరీ తగ్గిపోవడమే ఫ్యాన్స్కు నచ్చట్లేదు. లీన్ లుక్ కోసం ప్రయత్నించే క్రమంలో తారక్ ముఖంలో కళ తగ్గింది. డల్లుగా కనిపిస్తున్నాడు. తాజాగా తన బావమరిది నార్నె నితిన్ పెళ్లిలోనూ తారక్ లుక్ పట్ల భిన్నాభిప్రాయాలు వ్యక్తమయ్యాయి.
ప్రస్తుతం నీల్ సినిమా షూట్ నుంచి బ్రేక్ తీసుకున్నాడు తారక్. నవంబరులో మూవీ కొత్త షెడ్యూల్ మొదలు కానుంది. ఆ సమయానికి తారక్ కొంచెం బరువు పెరిగితే, గుబురు గడ్డంతో ఊర మాస్గా తయారవుతాడని.. అప్పుడు నీల్ సినిమాలో పర్ఫెక్ట్లో కనిపిస్తాడని అభిమానులు ఆశిస్తున్నారు. నీల్ మూవీ అంటే మాస్ ఎలివేషన్లకు పెట్టింది పేరు. తారక్కు మాస్లో ఉన్న ఫాలోయింగ్ గురించి చెప్పాల్సిన పని లేదు. ఈ కాంబినేషన్లో రాబోయే సినిమా అంచనాలకు తగ్గట్లు ఉంటే.. బాక్సాఫీస్ దగ్గర ఆకాశమే హద్దు.
This post was last modified on October 12, 2025 6:53 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…