ఒక సినిమాలో ముఖ్య పాత్రలను అనుకరిస్తూ ప్రేక్షకులు రీల్స్ చేసినా.. లేదా థియేటర్లలో ఇమిటేట్ చేసే ప్రయత్నం చేసినా.. ఇంకో రకంగా సినిమా తమ మీద చూపిస్తున్న ప్రభావాన్ని బయట పెట్టినా.. ఆయా చిత్ర బృందాలు చాలా హ్యాపీగానే ఫీలవుతాయి. అది పబ్లిసిటీ పరంగా తమకు ప్లస్ అవుతాయనే ఫీలవుతాయి. అలాంటి వీడియోలను సోషల్ మీడియాలో షేర్ చేసి.. తమ సినిమా ప్రేక్షకులపై ఎంత ఎఫెక్ట్ చూపిస్తోందో జనానికి చాటి చెప్పి పబ్లిసిటీ చేసుకుంటాయి. కానీ ‘కాంతార: చాప్టర్-1’ టీం మాత్రం దీనికి భిన్నంగా స్పందించి ప్రశంసలు అందుకుంటోంది.
‘కాంతార’ సినిమా కర్ణాటకలోని గ్రామీణ ప్రాంతాల్లో ప్రసిద్ధి చెందిన భూతకోల నేపథ్యంలో తెరకెక్కిన సంగతి తెలిసిందే. ఇందులో హీరో పంజూరి అవతారం పూని హీరో చేసే విన్యాసాలే హైలైట్గా నిలిచాయి. ఆ సినిమా సక్సెస్ కావడంతో ‘కాంతార: చాప్టర్-1’ను ఇంకా భారీ స్థాయిలో రూపొందించారు. అది కూడా బ్లాక్ బస్టర్ దిశగా అడుగులు వేస్తోంది.
ఐతే ‘కాంతార: చాప్టర్-1’ థియేటర్లలోకి పంజూరి అవతారంలోకి వస్తున్న అభిమానులు భూత కోలను పెర్ఫామ్ చేస్తూ సందడి చేస్తున్నారు. ఈ వీడియోలు సోషల్ మీడియాలో వైరల్ అవుతున్నాయి. ఈ విషయంలో ‘కాంతార: చాప్టర్-1’ ఏమీ హ్యాపీగా ఫీలవ్వలేదు. వాటిని ప్రమోట్ చేయలేదు. థియేటర్లలో ఇలాంటి విన్యాసాలు వద్దని విన్నవిస్తూ నోట్ రిలీజ్ చేసింది.
ఇది దైవభక్తి, మనోభావాలకు సంబంధించిన విషయమని.. ఆ సంప్రదాయాలను అందరూ గౌరవించాలని.. ఇలాంటి వేషాలతో థియేటర్లకు వచ్చి ఎవరి మనోభావాలనూ దెబ్బ తీయొద్దని కోరింది. ఈ వీడియోలను పబ్లిసిటీ కోసం వాడుకోకుండా.. దేవుడికి సంబంధించిన విషయాల్లో సంయమనం పాటించాలని పిలుపునివ్వడం మంచి విషయం. ఇది ‘కాంతార’ టీం సిన్సియారిటీకి నిదర్శనం అంటూ హీరో కమ్ డైరెక్టర్ రిషబ్ను, హోంబలే అధినేతలను నెటిజన్లు కొనియాడుతున్నారు.
This post was last modified on October 8, 2025 7:06 pm
ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…
కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్లోనూ ఉపయోగించే ఆలోచన…
ధోనీ బ్యాటింగ్కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…
డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…
ఐపీఎల్లో చెన్నై సూపర్ కింగ్స్కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…
మైక్రోసాఫ్ట్ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…