గత ఏడాది ‘క’తో బ్లాక్ బస్టర్ అందుకున్న కిరణ్ అబ్బవరం ఈ దీపావళికి కె ర్యాంప్ తో ప్రేక్షకులను పలకరించబోతున్నాడు. ఈ సంవత్సరం దిల్ రుబా షాక్ ఇచ్చినప్పటికీ తిరిగి కంబ్యాక్ అవుతాననే నమ్మకంతో ఫుల్ ఎంటర్ టైన్మెంట్ తో వస్తున్నాడు. బాడీ లాంగ్వేజ్ మార్చుకుని, కేరళలో చదువుకునే తెలుగు స్టూడెంట్ గా ఊర మాస్ క్యారెక్టరైజేషన్ చేశాడు. ప్రమోషన్లు మంచి స్వింగ్ లో ఉన్నాయి. టీజర్, ట్రైలర్ లో వినిపించిన డబుల్ మీనింగ్ డైలాగుల గురించి సోషల్ మీడియాలో మిక్స్డ్ రియాక్షన్లు కనిపించాయి కానీ సినిమా చూశాక వాటి గురించి కంక్లూజన్ కు రమ్మంటున్నాడు. సరే ఇక అసలు విషయానికి వద్దాం.
కిరణ్ అబ్బవరం మన సినిమాలు పక్కరాష్ట్రంలో సరిగ్గా ఆడకపోవడం గురించి ఒక లాజికల్ ప్రశ్న అడుగుతున్నాడు. ప్రదీప్ రంగనాధన్ లాంటి తమిళ హీరోకు తెలుగు రాష్ట్రాల్లో సరిపడా థియేటర్లు దొరుకుతున్నాయి. కానీ అదే తరహాలో తన సినిమాని తమిళనాడులో రిలీజ్ చేద్దామంటే అక్కడి డిస్ట్రిబ్యూటర్లు థియేటర్లు లేవని, ఇవ్వమని చెబుతున్నారట. అంటే మనం ఇంత ప్రేమ చూపించినప్పుడు వాళ్ళు కూడా కాస్త అభిమానం ప్రదర్శించాలి కదానేది కిరణ్ క్వశ్చన్. ఇది నిజంగా ఆవేదన కలిగించేదే. పైగా ఈ సమస్య అతనొక్కడిదే కాదు. పెద్ద ఇమేజ్ ఉన్న టయర్ 2 టాలీవుడ్ స్టార్లు సైతం ఈ ఇబ్బందిని ఎదురుకున్నారు.
దీనికి కారణం ఒకటే. మనం తమిళ డబ్బింగ్ సినిమాలు ఎగబడి కొని చూసినంతగా మనవి వాళ్ళు చూడరు. ఇది ఎప్పటి నుంచో ఉన్నదే. ఆఖరికి తమిళ టైటిల్స్ యధాతథంగా అక్షరం మార్చకుండా, అర్థం కాకుండా పెట్టినా సరే ఇదేంటని అడగకుండా పెద్ద మనసుతో చూసేస్తాం. ఎవరైనా అడిగితే ప్యాన్ ఇండియా మూవీస్ కి ఒకటే పేరు ఉండాలని విచిత్ర సమర్ధింపు హక్కులు కొన్న నిర్మాత నుంచి వినిపిస్తుంది. కిరణ్ చెప్పాడని కాదు, ఇదే ప్రాబ్లమ్ గతంలో చిరంజీవి సైతం ఫేస్ చేశాడని కాదు. ముందు ఏదో ఒక పరిష్కారం దొరికేలా మన టాలీవుడ్ పెద్దలు నడుం బిగించాలి. అప్పుడే తెలుగు సినిమాలు తమిళంలోనూ మంచి రిలీజ్ దక్కించుకుంటాయి.
This post was last modified on October 8, 2025 3:41 pm
ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…
కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్లోనూ ఉపయోగించే ఆలోచన…
ధోనీ బ్యాటింగ్కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…
డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…
ఐపీఎల్లో చెన్నై సూపర్ కింగ్స్కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…
మైక్రోసాఫ్ట్ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…