సరిలేరు నీకెవ్వరు అనే పదం రాజమౌళికి అతికినట్టు సరిపోతుంది. మాములుగా రీ రిలీజ్ సినిమా అంటే సదరు దర్శక నిర్మాతలు ఒక ప్రెస్ మీట్ పెట్టేసి దాని కబుర్లు పంచుకుని అక్కడితో మమ అనిపిస్తారు. మహా అయితే ఒక ఇంటర్వ్యూ ఇస్తారు. అలా చేస్తే జక్కన్నకు మిగిలిన వాళ్లకు తేడా ఏముంటుంది. అక్టోబర్ 31 విడుదల కాబోతున్న బాహుబలి ది ఎపిక్ కోసం రాజమౌళి టీమ్ పడుతున్న కష్టం, పర్ఫెక్షన్ కోసం తపిస్తున్న విధానం మాములుగా లేవు. నెట్ ఫ్లిక్స్ లో బాహుబలి బిగినింగ్, కంక్లూజన్ హిందీ ఇంగ్లీష్ వెర్షన్లు తీసేయడం ద్వారా ఆడియన్స్ కో స్వీట్ షాక్ ఇచ్చారు. తెలుగు అయితే ప్రస్తుతానికి హాట్ స్టార్లో అందుబాటులో ఉన్నాయి.
ఐమాక్స్ తో పాటు వివిధ ఫార్మాట్లలో విడుదలవుతున్న బాహుబలి ఎపిక్ కోసం ఎడిటింగ్ రూమ్ లో అన్నీ దగ్గరుండి చూసుకుంటున్న రాజమౌళి స్క్రీన్ యాస్ పెక్ట్ రేషియోతో మొదలుపెట్టి కలర్ గ్రేడింగ్ దాకా ప్రతిదీ తన పర్యవేక్షణలో ఉండేలా చూసుకుంటున్నారు. ఆల్రెడీ క్యాస్టింగ్, టెక్నికల్ టీమ్ తో కొన్ని ఇంటర్వ్యూలు షూట్ చేశారు. ఘాటీ ప్రమోషన్లకు బయటికి రాని అనుష్క ఇప్పుడీ బాహుబలి ఎపిక్ కోసం కెమెరా ముందుకొచ్చిందని ఇన్ సైడ్ టాక్. ఇది కూడా ఒక రకమైన మినీ సెన్సేషన్. ప్రభాస్, రానా, సత్యరాజ్, రామకృష్ణ తదితరుల ప్రోగ్రాంస్ తో పాటు మేకింగ్ వీడియోస్ వదలబోతున్నారు.
ఇంత శ్రద్ధగా రీ రిలీజ్ చేయడం వెనుక రాజమౌళి లక్ష్యం ఒక్కటే. బాహుబలి ది ఎపిక్ ని ఒక స్టాండ్ అలోన్ మూవీగా కొత్తగా ప్రేక్షకులకు పరిచయం చేయడమే. రెండు భాగాలు కొన్ని వందలసార్లు చూసిన అభిమానులు సైతం ఫ్రెష్ గా ఫీలయ్యేలా కొత్త వెర్షన్ వచ్చిందట. మూడున్నర గంటల నిడివి లాక్ చేసినట్టు తెలిసింది. ప్రభాస్ ఫ్యాన్స్ భారీ ఎత్తున సెలబ్రేషన్స్ కోసం రెడీ అవుతున్నారు. కల్కి 2898 ఏడి వచ్చి ఏడాది దాటేసింది. కన్నప్పలో క్యామియో కావడంతో లైట్ తీసుకున్నారు. రాజా సాబ్ రావడానికి ఇంకా మూడు నెలల టైం ఉంది. సో బాహుబలి థియేటర్లలో సంబరాలు ఓ రేంజ్ లో ఉండబోతున్నాయి.
This post was last modified on October 4, 2025 3:19 pm
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…