నాని అంత హడావిడి ఎందుకు చేసినట్టు?

నాని తదుపరి చిత్రం టక్‍ జగదీష్‍ మార్చి లేదా ఏప్రిల్‍లో రిలీజ్‍ అవుతుంది. ప్రస్తుతం షూటింగ్‍ జరుపుకుంటోన్న ఈ చిత్రం గురించి అప్‍డేట్స్ ఏమీ అఫీషియల్‍గా రావడం లేదు. దీని తర్వాత ‘శ్యామ్‍ సింగ రాయ్‍’ చిత్రం చేయాలని నాని ఫిక్సయ్యాడు. బడ్జెట్‍ ఎక్కువ అవుతుందని నిర్మాత తప్పుకున్నా కానీ మరో నిర్మాతను తీసుకొచ్చి ఈ ప్రాజెక్ట్ అప్పగించాడు. అదెప్పుడు మొదలవుతుందనే దానిపై ఇంకా క్లారిటీ లేదు. ఈలోగా ‘అంటే సుందరానికీ’ అనే సినిమా అనౌన్స్ చేసి హంగామా చేసాడు. వివేక్‍ ఆత్రేయ దర్శకత్వంలో రూపొందే ఈ కామెడీ సినిమా మొదలయ్యేది ఇప్పుడు కాదు.

మరి ఎప్పుడో మొదలయ్యే సినిమాకు నాని ఇంత ముందుగా ఎందుకు హడావిడి చేసాడనేది అంతు చిక్కడం లేదు. ఇదిలావుంటే శ్యామ్‍ సింగరాయ్‍ బడ్జెట్‍ దృష్టిలో వుంచుకుని ఆ చిత్రాన్ని కాస్త వెనక్కు జరిపి, ముందుగా అంటే సుందరానికీ చేసేయాలని నాని భావిస్తున్నాడనే గుసగుసలు మొదలయ్యాయి. కానీ అదే జరిగితే సదరు సినిమాపై మరిన్ని అనుమానాలు మొదలవుతాయి. ఆల్రెడీ అంత పెద్ద నిర్మాతలు హీరోతో సంబంధాల గురించి వెరవకుండా వెనక్కు వెళ్లారనేదే రూమర్స్ కి తావిచ్చింది. ఇప్పుడు ఆ సినిమాను వాయిదా వేస్తే మరింత డ్యామేజ్‍ అవుతుంది కనుక నాని అలాంటి రిస్క్ తీసుకోకపోవచ్చు.