నిన్న లండన్ కు చెందిన వరల్డ్ బుక్ అఫ్ రికార్డ్స్ లో బాలకృష్ణకు చోటు దక్కడం పట్ల శుభాకాంక్షల వర్షం కురుస్తోంది. రాజకీయ సినిమా వర్గాల నుంచి అభినందనలు నాన్ స్టాప్ గా దక్కుతున్నాయి. దశాబ్దంన్నరకు పైగా బసవతారకం క్యాన్సర్ ఆసుపత్రికి చైర్మెన్ గా సేవలు అందించడంతో పాటు హిందూపూర్ ఎమ్మెల్యేగా మూడు పర్యాయాలు గెలుపొంది, సామాజికంగా సినిమాల పరంగా ఎంతో సేవ చేసినందుకు గుర్తింపుగా ఈ పురస్కారం అందజేశారు. గత మూడేళ్లుగా బాలయ్య ట్రాక్ రికార్డు ఇంటా బయటా మాములుగా లేదు. అఖండ ముందు ఉన్న మార్కెట్ కి ఇప్పుడు చూస్తున్న ఎక్స్ ప్రెస్ స్పీడ్ కి పొంతన లేదు.
అఖండ, భగవంత్ కేసరి, వీరసింహారెడ్డి, డాకు మహారాజ్ వరస బ్లాక్ బస్టర్లతో ఒక్కసారిగా వేగం పెంచేసిన బాలయ్య అన్స్టాపబుల్ కొత్త సీజన్ ని సక్సెస్ ఫుల్ గా నడిపించారు. కేంద్ర ప్రభుత్వం ప్రతిష్టాత్మకంగా ఇచ్చే పద్మభూషణ్ ని ఈ ఏడాదే అందుకున్నారు. 50 సంవత్సరాల సుదీర్ఘ నట ప్రస్థానాన్ని ఎంజాయ్ చేస్తూ స్వర్ణోత్సవాన్ని ఘనంగా జరుపుకోవడం అభిమానులు ఎప్పటికీ గుర్తు పెట్టుకుంటారు. ఇంకోవైపు ప్రముఖ బ్రాండ్లకు సెలబ్రిటీగా మారిన బాలయ్య వాటి తాలూకు యాడ్స్ లోనూ మెరిసిపోతున్నారు. గతంలో ఏమో కానీ ఇప్పుడు మాత్రం జై బాలయ్య నినాదం ఎమోషన్ గా మారిపోయింది.
అఖండ 2 నుంచి ఇది మరింత పీక్స్ కు చేరుకుంటుందని అభిమానులు ఎదురు చూస్తున్నారు. ముందస్తు రిపోర్ట్స్ చాలా పాజిటివ్ గా ఉన్న నేపథ్యంలో దీని మీద మాములు అంచనాలు లేవు. గోపీచంద్ మలినేని దర్శకత్వంలో రూపొందబోయే సినిమా అతి త్వరలోనే ప్రారంభం కాబోతోంది. ఆదిత్య 999 మ్యాక్స్ ని క్రిష్ డైరెక్షన్ లో ఈ ఏడాదే మొదలుపెట్టే ప్రణాళికలో ఉన్నారు. మోక్షజ్ఞ డెబ్యూ కోసం సరైన కథ గురించి ఎదురు చూస్తున్న బాలయ్య ఆ లాంఛనాన్ని వచ్చే ఏడాది పూర్తి చేయాలని ఫ్యాన్స్ కోరుతున్నారు. మొత్తానికి టాక్ షో టైటిల్ కి సార్ధకం చేకూరుస్తూ బాలయ్య బయట కూడా అన్స్టాపబుల్ అనిపిస్తున్నారు.
This post was last modified on August 25, 2025 12:17 pm
తెలంగాణ రాష్ట్రంలో ఎల్-నినో ప్రభావం వల్ల నెలకొన్న వర్షాభావం, కరువు పరిస్థితుల నేపథ్యంలో రాష్ట్రాన్ని, రైతులను ఆదుకునేందుకు కేంద్రం నుంచి…
తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…
రాష్ట్ర వ్యాప్తంగా కాదుకానీ.. ప్రస్తుతం జరుగుతున్న గ్రామ పంచాయతీ ఎన్నికల విషయంలో వైసీపీ స్థానిక నేతలు పన్నిన వ్యూహానికి టీడీపీ…
దేశంలో ప్రస్తుతం జాతీయ స్థాయిలో రెండు కూటములు కొనసాగుతున్నాయి. బీజేపీ నేతృత్వంలోనిఎన్డీయే, కాంగ్రెస్ పార్టీ నేతృత్వంలో `ఇండియా` కూటములు ఉన్నాయి.…
ఇటీవల జరిగిన మునిసిపల్ కార్పొరేషన్ ఎన్నికల్లో మిగిలిపోయిన కార్పొరేషన్ స్థానాలకు, అలానే మునిసిపాలిటీలకు త్వరలోనే ఎన్నికలు జరగనున్నాయి. ఈ నేపథ్యంలో…
ఏపీ సీఎం చంద్రబాబుతో రాష్ట్ర కాంగ్రెస్ పార్టీ చీఫ్ వైఎస్ షర్మిల భేటీ అయ్యారు. ఆదివారం సాయంత్రం షర్మిల.. హైదరాబాద్లోని…