చిన్న టైటిల్ గ్లిమ్ప్స్ అయినప్పటికీ ‘మన శంకరవరప్రసాద్ గారు’ రివీల్ కోసం అభిమానులు నిన్నటి నుంచే ఎదురు చూడటం మొదలుపెట్టారు. చిరంజీవి పుట్టినరోజు సందర్భంగా ఆ లాంఛనాన్ని ఇవాళ గ్రాండ్ గా హైదరాబాద్ ప్రసాద్ మల్టీప్లెక్స్ పీసీఎక్స్ స్క్రీన్ లో జరిపారు. టీజర్ కాదు కాబట్టి కేవలం మెగాస్టార్ స్టైల్ అండ్ స్వాగ్ ని చూపిస్తూ వెంకటేష్ వాయిస్ ఓవర్ లో పేరుని రివీల్ చేయడంతో ఒక పెద్ద సస్పెన్స్ కి తెరవీడింది. సూటు బూటులో దర్జాగా సిగరెట్ కాలుస్తూ నడుచుకుంటూ వస్తుంటే చిరు ఫ్యాన్స్ పాత రోజుల్లోకి వెళ్లిపోయారు. చివర్లో గుర్రంతో పాటు వెళ్తున్న షాట్ తో స్పెషల్ బోనస్ గా ముగించారు.
విజువల్స్ చూస్తే చిరంజీవిని ఏదో సిబిఐ రేంజ్ ఆఫీసర్ గా నటిస్తున్నారనే క్లారిటీ వచ్చేసింది. మరి డ్రిల్ మాస్టర్ గా ఇంతకు ముందు తీసిన షెడ్యూల్ లో చూపించిన పాత్ర ఏమిటనేది ప్రస్తుతానికి భేతాళ ప్రశ్నే. క్వాలిటీ చూస్తుంటే అనిల్ రావిపూడి మార్క్ తో పాటు మెగా స్వాగ్ స్పష్టంగా కనిపిస్తోంది. సంక్రాంతికి వస్తున్నాం తరహాలోనే పూర్తి ఎంటర్ టైన్మెంట్ తో తీస్తున్న ఈ సినిమాలో విక్టరీ వెంకటేష్ ఒక ముఖ్యమైన పాత్ర చేస్తున్న సంగతి తెలిసిందే. ఇంకా షూటింగ్ లో అడుగు పెట్టలేదు కాబట్టి ప్రస్తుతానికి లీక్స్ రాలేదు కానీ డిసెంబర్ లో ఆయన పుట్టినరోజుకి స్పెషల్ టీజర్ ఎక్స్ పెక్ట్ చేయొచ్చు.
2026 సంక్రాంతికి వస్తున్న మన శంకరవరప్రసాద్ గారుకి కావాల్సిన ప్రాధమిక హైప్ అనిల్ రావిపూడి ఇచ్చేశాడు. ఎప్పటి నుంచో బాస్ ని ఇలా చూడాలనుకుంటున్న అభిమానుల అంచనాలకు తగ్గట్టే నడుచుకుంటాననే హామీ ఇందులో దొరికింది. మరో ప్రత్యేకత ఏమిటంటే భీమ్స్ సిసిరోలియో స్వంత బీజీఎమ్ కాకుండా 1991 రౌడీ అల్లుడు బ్యాక్ గ్రౌండ్ స్కోర్ ని రీమిక్స్ రూపంలో వాడుకోవడంతో నోస్టాల్జియా ఫీలింగ్ పెరిగింది. చాలా కాలం తర్వాత చిరంజీవి ఒక సాఫ్ట్ టైటిల్ తో సినిమా చేయడం మన శంకరవరప్రసాద్ తోనే కుదిరింది. ఇంకో నాలుగున్నర నెలల్లో వచ్చేస్తారు కాబట్టి అక్టోబర్ నుంచి పబ్లిసిటీ పీక్స్ లో ఉండనుంది.
This post was last modified on August 22, 2025 12:02 pm
థియేటర్లలో రిలీజైనపుడు ఆశించిన స్పందన తెచ్చుకోకపోయినా.. కాల క్రమంలో కల్ట్ స్టేటస్ తెచ్చుకునే సినిమాలు కొన్ని ఉంటాయి. ‘ఈ నగరానికి…
జెనీలియా డిసౌజా.. ఈ పేరెత్తగానే తెలుగు ప్రేక్షకులకు ఎప్పుడూ నవ్వుతూ కనిపించే అమ్మాయి గుర్తుకు వస్తుంది. ‘బొమ్మరిల్లు’లో హహ హాసిని…
తెలుగు రాష్ట్రాల మధ్య విభజన వ్యాఖ్యలపై మరోసారి చర్చ మొదలైంది. తెలంగాణ మంత్రి పొన్నం ప్రభాకర్ ఆంధ్రప్రదేశ్ ముఖ్యమంత్రి నారా…
ప్రధాని నరేంద్ర మోదీ స్కిన్ టోన్పై సోషల్ మీడియాలో చర్చ జోరందుకుంది. రెండు వేర్వేరు ప్రాంతాల్లో చిత్రీకరించిన వీడియోల్లో ఆయన…
మొన్న శుక్రవారం విడుదలైన తిమ్మరాజుపల్లి టీవీకి ప్రమోషన్లయితే ఘనంగా జరిగాయి. ఈవెంట్లు, ప్రెస్ మీట్లు, ఇంటర్వ్యూలు అన్నీ చేశారు. నిర్మాత…
అనుకున్నంతా అయ్యింది. జూనియర్ ఎన్టీఆర్, ప్రశాంత్ నీల్ కలయికలో తెరకెక్కుతున్న ప్యాన్ ఇండియా మూవీ ఈ ఏడాది రావడం లేదు.…