సత్యదేవ్ చేతికి సరైన కంటెంట్

టన్నుల్లో టాలెంట్ ఉన్నా సక్సెస్ అందని ద్రాక్షలా మారిపోయిన సత్యదేవ్ కు సినిమాలైతే వస్తున్నాయి కానీ సోలోగా ప్రూవ్ చేసుకునే అవకాశం దక్కడం లేదు. గాడ్ ఫాదర్ లో చిరంజీవి, కింగ్డమ్ లో విజయ్ దేవరకొండతో కీలకమైన పాత్రలు చేసినప్పటికీ కమర్షియల్ గా అవి విజయం సాధించకపోవడంతో ఇబ్బంది పడుతున్న మాట వాస్తవం. సరైన బ్రేక్ కోసం ఎదురు చూస్తున్న సత్యదేవ్ కు అలాంటి కంటెంట్ ఒకటి పడాలి. రావు  బహదూర్ టీజర్ చూస్తే దొరికినట్టే అనిపిస్తోంది. కేరాఫ్ కంచెరపాలెం ఫేమ్ వెంకటేష్ మహా దర్శకత్వం వహిస్తున్న ఈ మిస్టిక్ థ్రిల్లర్ కి మహేష్ బాబు నిర్మాణ భాగస్వామిగా వ్యవహరిస్తున్నాడు.

స్టోరీ కొంచెం డిఫరెంట్ గా అనిపిస్తోంది. ఎప్పుడో తాతల కాలం నాటి రోజుల్లో ఓ ధనవంతుడు ఓ అమ్మాయిని ప్రేమిస్తాడు. ఖరీదయిన బంగాళాలో వీళ్ళ లవ్ స్టోరీ కొనసాగుతుంది. అయితే అనుమానం పెనుభూతంగా మారినట్టు అతని జీవితంలో ఏర్పడ్డ కొన్ని పరిణామాలు అనూహ్య సంఘటనలకు దారి తీస్తాయి. దీంతో సంవత్సరాలు గడిచిపోయి సదరు రావు బహదూర్ వృద్ధుడైపోతాడు. అంతుచిక్కని రహస్యాలకు నిలయంగా మారిన భవంతిలో ఏముందో పోలీసులు పసిగట్టలేకపోతారు. ఇంతకీ రావు బహదూర్ కు వచ్చిన సందేహం ఏమిటి, అతని లైఫ్ ఎందుకు తలకిందులయ్యిందనేది తెరమీద చూడాలి.

టెక్నికల్ గా రావు బహదూర్ సాలిడ్ గా కనిపిస్తున్నాడు. మాములుగా ఇలాంటి కాన్సెప్ట్స్ మలయాళంలో ఎక్కువగా వర్కౌట్ కావడం చూశాం. గత ఏడాది కిరణ్ అబ్బవరం ఈ జానర్ లో ట్రై చేసిన క మంచి విజయం సాధించింది. ఇప్పుడదే కోవలో ఈ సినిమాను రూపొందించారు. అర్థమయ్యీ కానట్టు టీజర్ ని తెలివిగా కట్ చేయడం కొత్త ఫీలింగ్ ఇచ్చింది. పెర్ఫార్మన్స్ పరంగా సత్యదేవ్ కి అన్ని రకాల షేడ్స్ పొందుపరిచారు. ఇదే హీరో డైరెక్టర్ కలయికలో గతంలో ఉమామహేశ్వర ఉగ్రరూపస్య వచ్చిన సంగతి తెలిసిందే. మహేష్ బాబు ఈ ప్రాజెక్టులో పార్ట్ నర్ అయ్యాడంటే విషయం బలంగా ఉంటుంది.