Movie News

తారక్ మాట: మా అమ్మ లక్ష్మి గారు…

జూనియర్ ఎన్టీఆర్ తల్లి పేరు షాలిని అన్న సంగతి తెలిసిందే. కానీ ‘వార్-2’ ప్రి రిలీజ్ ఈవెంట్లో షాలినితో పాటు తన అన్న కళ్యాణ్ రామ్ తల్లి అయిన లక్ష్మిని కూడా తల్లిగా సంబోధించి తన అన్న కుటుంబంతో తనకు ఎలాంటి అనుబంధం ఉందో చాటి చెప్పాడు. తన పాతికేళ్ల సినీ ప్రయాణం గురించి ఎంతో ఉద్వేగంగా మాట్లాడిన తారక్.. తన జీవితంలో అత్యంత ముఖ్యమైన వ్యక్తులందరినీ గుర్తు చేసుకున్నాడు. ఈ క్రమంలో ముందుగా తన తండ్రి హరికృష్ణ పేరును ప్రస్తావించాడు తారక్. ఆ తర్వాత తల్లి షాలిని పేరు చెప్పి.. కళ్యాణ్ రామ్ తల్లి లక్ష్మిని కూడా తన తల్లి అనే సంబోధించాడు తారక్. ఆ తర్వాత దివంగత జానకిరామ్, కళ్యాణ్ రామ్‌ల పేర్లు ప్రస్తావించి.. వీళ్లందరికీ శిరస్సు వంచి పాదాభివందనం చేస్తున్నానన్నాడు.

ఇక సీనియర్ ఎన్టీఆర్ గురించి ప్రస్తావిస్తూ.. ఆయన ఆశీస్సులు తనపై ఎప్పుడూ ఉంటాయని.. అవి ఉన్నంత వరకు తనను ఎవ్వరూ ఆపలేరని వ్యాఖ్యానించాడు తారక్. ఇక అభిమానుల గురించి మాట్లాడుతూ తారక్ ఎప్పట్లాగే భావోద్వేగానికి గురయ్యాడు. పాతికేళ్ల ముందు తన తొలి సినిమా ప్రారంభోత్సవానికి వెళ్లినపుడు తన వెంట తల్లిదండ్రులు మాత్రమే ఉన్నారని.. వారు కాకుండా ఒక్కరూ లేరని.. అలాంటిది ఇప్పుడు ఇంతమంది అభిమానులను సంపాదించుకున్నానని తారక్ చెప్పాడు. తొలి సినిమా మొదలైనపుడు ఏం జరుగుతుందో ఎలా ఉంటుందో తెలియదని తారక్ అన్నాడు.

ఐతే తన తొలి సినిమా రిలీజ్ కాకముందే ముజీబ్ అని ఆదోని నుంచి ఒక వ్యక్తి వచ్చాడని.. మెహిదీపట్నంలోని తన ఆఫీస్‌కు అతను వస్తే ఎవరు అని అడిగితే ఫ్యాన్ అన్నాడని.. తొలి సినిమా రిలీజ్ కాకముందే ఫ్యాన్ ఏంటి అని అడిగితే.. తానంటే పడిచచ్చిపోతానని చెప్పాడని తారక్ గుర్తు చేసుకున్నాడు. అంతలో ఆ ఫ్యాన్ వేదిక మీదికి రాగా.. అతణ్ని అభిమానులకు పరిచయం చేశాడు తారక్.

తనకు జన్మనిచ్చింది తన తండ్రి హరికృష్ణ అయినప్పటికీ.. ఈ జీవితం అభిమానులకే అంకితమమని.. ఈ విషయాన్ని తన తండ్రితో కూడా చెప్పానని తారక్ అన్నాడు. ఇక ఫ్యాన్ వార్స్ వద్దంటూ అభిమానులను సుతిమెత్తగా హెచ్చరించిన తారక్.. మనకంటే గొప్ప వాళ్లు చాలామంది ఉన్నారని, వాళ్లను గౌరవించాలని హితవు పలికాడు. వార్-2 సినిమా చాలా కష్టపడి చేశామని.. సినిమా గొప్పగా ఉంటుందని.. ఇందులో చాలా ట్విస్టులు ఉంటాయని.. వాటిని బయటపెట్టకండని అభిమానులను కోరాడు తారక్. తన ప్రసంగం చివర్లో అభిమానులకు తారక్ శిరస్సు వంచి వందనం చేయడం విశేషం.

This post was last modified on August 11, 2025 12:58 pm

Share

Recent Posts

తండ్రిపై కొడుకు విజ‌యం

ఒక సూప‌ర్ స్టార్ కొడుకు సినిమాల్లోకి వ‌చ్చాడంటే.. తండ్రి పేరును వీలైనంత‌గా వాడుకోవ‌డానికే ప్ర‌య‌త్నిస్తాడు. న‌ట‌న‌లో తండ్రిని అనుక‌రించ‌డం.. త‌న…

5 hours ago

మోడీని బ్లాక్‌మెయిల్ చేయ‌లేను: కేంద్రంపై బాబు

కేంద్ర ప్ర‌భుత్వానికి తాము మ‌ద్ద‌తు ఇస్తున్న మాట వాస్త‌వ‌మేన‌ని ఏపీ సీఎం చంద్ర‌బాబు చెప్పారు. అయితే.. దీనిని అడ్డు పెట్టుకుని…

5 hours ago

జ‌గ‌న్ గురించి ఆ రాత్రి బాగా ఆలోచించా: చంద్ర‌బాబు

వైసీపీ అధినేత జ‌గ‌న్ గురించి తాను ఎప్పుడూ ఆలోచించ‌లేద‌ని సీఎం చంద్ర‌బాబు చెప్పారు. రాజకీయంగా పోరాటమే త‌ప్ప‌.. ఎప్పుడూ ఆయ‌న…

6 hours ago

ఫెయిర్‌నెస్ క్రీమ్ వల్ల కిడ్నీ దెబ్బతిందా?

అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…

6 hours ago

సీత చేసిన లోటు నిత్యారెడ్డితో ఔటు

రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…

7 hours ago

మైసా ఎంట్రీతో మరింత చిక్కుముడి

వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…

7 hours ago