టాలీవుడ్ అగ్ర నిర్మాతల్లో ఒకరు, సితార ఎంటర్టైన్మెంట్స్ అధినేత సూర్యదేవర నాగవంశీ.. సోషల్ మీడియాలో ఎంత పాపులరో తెలిసిందే. ఆయన ఏదైనా ఈవెంట్లో పాల్గొన్నా.. ప్రెస్మీట్కు హాజరైనా.. ఇంటర్వ్యూ ఇచ్చినా.. తన కామెంట్లతో వార్తల్లో వ్యక్తి అయిపోతుంటారు. చాలా ఓపెన్గా మాట్లాడే క్రమంలో ఆయన చేసే కామెంట్లు కొన్నిసార్లు వివాదాస్పదం అవుతుంటాయి. ఇటీవల ‘కింగ్డమ్’ సినిమా సక్సెస్ మీట్లో నాగవంశీ ఇలాగే యథాలాపంగా చేసిన కామెంట్కు పవర్ స్టార్ పవన్ కళ్యాణ్ ఫ్యాన్స్ హర్టయ్యారు.
‘కింగ్డమ్’ సక్సెస్ మీట్ ఏపీలో నిర్వహించాలనుకుంటున్నట్లు నాగవంశీ చెప్పగా.. ఆ ఈవెంట్కు పవన్ కళ్యాణ్కు అతిథిగా పిలుస్తారా అని ఒక విలేకరి అడిగాడు. దానికాయన బదులిస్తూ.. ప్రస్తుతం తమకు విజయే పవన్ కళ్యాణ్ అని వ్యాఖ్యానించారు. దీని మీద పవన్ ఫ్యాన్స్ ఫైర్ అయిపోయారు. పవన్ కళ్యాణ్ను డీగ్రేడ్ చేసి మాట్లాడాడంటూ సోషల్ మీడియాలో.. నాగవంశీ మీద యుద్ధం ప్రకటించేశారు.
ఐతే తాజాగా ఒక ప్రమోషనల్ ఇంటర్వ్యూలో నాగవంశీ ఈ వివాదం మీద స్పందించారు. తాను పవన్ కళ్యాణ్ను డీగ్రేడ్ చేయడం ఏంటి అని ఆయన ఆశ్చర్యపోయారు. సినిమాలకు సంబంధించి కొన్ని విషయాల్లో కొందరిని రెఫరెన్సుగా తీసుకుంటామని.. ఎవరైనా అందంగా ఉన్నారని చెప్పడానికి హృతిక్ రోషన్లా ఉన్నాడు అని కామెంట్ చేస్తామని.. అలాగే తెలుగులో హీరో అంటే పవన్ కళ్యాణే అనే అభిప్రాయం ఉందని.. తాను కూడా ఆ ఉద్దేశంతోనే పవన్ కళ్యాణ్ ఒక రెఫరెన్స్ అన్నట్లుగా.. తమకు విజయ్ దేవరకొండనే పవన్ కళ్యాణ్ అనే అర్థంలో మాట్లాడానని నాగవంశీ వివరించాడు.
నిజానికి తాను పవన్ కళ్యాణ్కు ఎలివేషన్ ఇచ్చానని.. ఇలాంటి కామెంట్ను కూడా కాంట్రవర్శీగా మారిస్తే తాను ఏం చేయలేనని నాగవంశీ వ్యాఖ్యానించాడు. నిజానికి కొందరు పవన్ ఫ్యాన్స్.. నాగవంశీ కామెంట్లను పాజిటివ్గానే తీసుకున్నారు. అది ఎలివేషనే తప్ప.. డీగ్రేడ్ చేయడం కాదని కో ఫ్యాన్స్కు సర్దిచెప్పే ప్రయత్నం చేశారు. అయినా కొందరు నాగవంశీ మీద పడిపోయారు.
This post was last modified on August 2, 2025 4:48 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…