ఆమిర్ ఖాన్.. బాలీవుడ్ చరిత్రలోనే బిగ్గెస్ట్ సూపర్ స్టార్లలో ఒకడు. లగాన్, రంగ్ దె బసంతి, 3 ఇడియట్స్, పీకే, దంగల్ లాంటి ఇండస్ట్రీ హిట్లు ఇచ్చిన హీరో అతను. కానీ తన చివరి రెండు చిత్రాలకు వచ్చిన ఓపెనింగ్స్ నామమాత్రం. ‘లాల్ సింగ్ చడ్డా’కు తొలి రోజు ఆక్యుపెన్సీలు లేక షోలు క్యాన్సిల్ చేసిన పరిస్థితి. ఆయన కొత్త సినిమా ‘సితారే జమీన్ పర్’ కూడా ఓ మోస్తరు వసూళ్లతో సరిపెట్టుకుంది. ఇక సల్మాన్ ఖాన్ పరిస్థితి చాలా ఏళ్ల నుంచి ఘోరంగా ఉంది. క్రమంగా ఆయన సినిమాలకు ఓపెనింగ్స్ పడిపోతున్నాయి. తన చివరి చిత్రం ‘సికందర్’ దారుణ పరాభవాన్ని చవిచూసింది.
షారుఖ్ ఖాన్ ‘పఠాన్’, ‘జవాన్’, ‘డంకి’ సినిమాలతో పుంజుకున్నాడు కానీ.. అంతకుముందు చేదు అనుభవాలు ఎదుర్కొన్నాడు. తర్వాతి సినిమా సంగతేంటో చూడాలి. అక్షయ్ కుమార్ పరిస్థితి కూడా ఏమంత గొప్పగా లేదు. ఇలాంటి టాప్ స్టార్ల సినిమాలకు హైప్ క్రియేట్ కావడం, ఓపెనింగ్స్ రావడం గగనంగా మారింది. ఇలాంటి పరిస్థితుల్లో కొత్త హీరో హీరోయిన్లు నటించిన ‘సైయారా’ అనే చిన్న సినిమా బాక్సాఫీస్ దగ్గర రేపుతున్న సంచలనం చూసి ట్రేడ్ పండిట్లు షాకవుతున్నారు.
మంచి ప్రోమోలు, పాటలతో రిలీజ్ ముంగిట ఎవ్వరూ ఊహించని స్థాయిలో హైప్ తెచ్చుకున్న ఈ సినిమాకు తొలి రోజు వసూళ్లు అదిరిపోయాయి. శుక్రవారం రూ.21 కోట్ల నెట్ వసూళ్లతో అదరగొట్టింది ఈ సినిమా. కొవిడ్ తర్వాత యశ్ రాజ్ ఫిలిమ్స్ నుంచి వచ్చిన చిత్రాల్లో డే-1 అత్యధిక వసూళ్లు సాధించిన చిత్రాల్లో ఇది మూడో స్థానంలో నిలవడం విశేషం. రెండో రోజు ఈ చిత్రానికి వసూళ్లు ఇంకా పెరిగాయి. శనివారం రూ.25 కోట్లు కొల్లగొట్టిందీ ప్రేమకథా చిత్రం. కొవిడ్ తర్వాత యశ్ రాజ్ ఫిలిమ్స్ నుంచి వచ్చిన చిత్రాల్లో డే-1 అత్యధిక వసూళ్లు సాధించిన చిత్రాల్లో ఇది మూడో స్థానంలో నిలవడం విశేషం.
టాక్ అదిరిపోవడంతో ఆదివారం ఈ సినిమా ప్యాక్డ్ హౌస్లతో నడవడం ఖాయంగా కనిపిస్తోంది. అడ్వాన్స్ బుకింగ్స్ జోరుమీదున్నాయి. వీకెండ్లో ‘సైయారా’ రూ.75 కోట్ల మేర వసూళ్లు రాబట్టేలా ఉంది. వంద కోట్ల మార్కును అందుకోవడానికి ఎన్నో రోజులు పట్టకపోవచ్చు. రెండో వీకెండ్ అయ్యేసరికి రూ.200 కోట్ల మార్కును దాటడం లాంఛనమే. తర్వాతి వారాల్లో సరైన సినిమాలు పడకపోతే రూ.300 కోట్ల మైలురాయిని కూడా అందుకునే అవకాశముంది. ఓవైపు బాలీవుడ్ టాప్ స్టార్ల సినిమాలకు ఓపెనింగ్స్ గగనం అయిపోతున్నాయి. లాంగ్ రన్ ఉండట్లేదు. ఇలాంటి సమయంలో స్టార్లు లేని ఒక లవ్ స్టోరీ ఇలాంటి వసూళ్లు రాబట్టడం అనూహ్యమే.
This post was last modified on July 20, 2025 3:31 pm
గత ఏడాది డిసెంబర్ దురంధర్ విడుదలతో మొదలుపెట్టి మార్చిలో రిలీజైన దురంధర్ ది రివెంజ్ దాకా పాకిస్థాన్ జనాలు, మీడియా…
జూన్ 4 విడుదల కాబోతున్న పెద్ది కోసం ఎదురు చూపులు మాములుగా లేవు. రెండు నెలలుగా డ్రైగా ఉన్న బాక్సాఫీస్…
గత పది రోజులుగా తమిళనాడు రాజకీయాలు దేశవ్యాప్తంగా ఎంత చర్చనీయాంశం అవుతున్నాయో తెలిసిందే. ఎన్నికల్లో అతి పెద్ద పార్టీగా టీవీకే…
ఇవాళ జరిగిన టాలీవుడ్ ప్రొడ్యూసర్ల సమావేశంలో నిర్మాత నాగవంశీ ఒక మాటన్నారు. ఒకవేళ ఈ సమస్య పరిష్కారం కాకుండా పెద్దిని…
నైజామ్ సింగల్ స్క్రీన్ పర్సెంటేజ్ వివాదం ముదిరిపోతోంది. నిన్న శిరీష్, సునీల్ నారంగ్ తదితరులు నిర్వహించిన ఎగ్జిబిటర్ల ప్రెస్ మీట్…
కాంగ్రెస్ పార్టీ అగ్రనేతలు.. ప్రియాంక గాంధీ, రాహుల్ గాంధీలకు కేరళలో తీవ్రనిరసన సెగ తగులుతోంది. రాహుల్-ప్రియాంక.. కేరళ మిమ్మల్ని క్షమించదు.…